II KORINTH 4:3 - Khumi Common Language Bible

³ Na i py kaichi i Satang Kahawi thui nai ly mym vui nai awm lawh baly, tama dudu naichi theung y mym vui nai ne;

II KORINTH 4:3 ပူးပေါင်းရင်းမြစ်များ

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

ROM AVANGCHI TENG Y PAWLA I CHA PA NAI 2:16

mymychi i hawi nai hawi y nai pany naira my pany hai iy mymychi i dawn naira my apasum py apasum lawh ai, ti y baly akhi py akhi hai lawh ai.

I KORINTH 1:18

Ati mana nai mo nabaly kraws satang ly tama dudu naichi i vui pathu naira ne, na i py achi hengra nga dudu naichi i vui ly Tameuh i atiti sa thai naira ne lawh veng.

I KORINTH 2:6

Na i py kaichi ly khumi ka-cheangchi theung y ly cheng nai leu thui pi; na i py hini khaileaung pri i cheng nai leu ny y leang, hini khaileaung pri i peang nai keung tama ai naichi i cheng nai leu py ny y leang.

II KORINTH 2:12

Naibaly kai ly Krista i Satang Kahawi thui pi ai nai Troas avang y katym nai, Areng y ly kai ai katheu ang paeung pi nai khala y ly,

II KORINTH 3:14

mymy ly ni i meimai y ly amym naira amym; na i py nichi i paleung ai tang hai lawh veng: vaini tym pa-rei leu maikawm kangngym phain nai khala y ly huni amym naira khypkhyp ly lei y naimy awm jojo; huni ai ly Krista y tama hai veng bo.

II KORINTH 4:4

hunichi i vui ly hini khaileaung pri i tameuh ly ym y naichi i paleung ai paju hai bo; Krista, Tameuh kamta atawm khyp nai, mymy i nang parai nai sai Satang Kahawi kangvang ly nichi ai kangvang ko thai y ai nai paju hai bo.

I THESALONIKA 1:5

huna nai kaichi i Satang Kahawi thui pi nai ly nangchi teng y leu y my tlairei khyh ny y i, sa thai naira y hawi Phailo Kachai y hawi khri pa-rei ym cheng cheng naira y py tym lawh nai ly; kaichi ly nangmychi i vui dawn hai nai nangchi i tlang tleaung y mana tanrei sa mo, nanai ly nangchi pany.

I TIMOTHEI 1:11

naibaly palo ai ataing nai Tameuh i nang parai nai sai pany hai nai kai teng y kry hai nai Satang Kahawi i patiu nai kamta ny y nai atiti takhrachi i vui py sa nai ne, nanai pany thai pajau.