II KORINTH 4:16 - Khumi Common Language Bible

¹⁶ Hunai deaungkho y kaichi ly paha y leang; kaichi i angam mang i khumi ly rawp ryh rawp ryh teu i py, kaichi i theung mang i khumi ai ly kani tleirei kangtha sa ryh sa ryh nai ne.

II KORINTH 4:16 ပူးပေါင်းရင်းမြစ်များ

SAM 119:81

Aw Areng, kai ly nangmy atleu ai, nanai ajeng i atho khei be bo; kai ly nang i leu ai ym nai ne.

SAM 27:13

Areng i hawi nairachi hini deung y kai ly niu ai, nanai ym bo.

SAM 51:10

Aw Tameuh, kai i paleung theung y chai pyn ai nai so pi kyh ba; khaw parai nai paleung ka-dawn kangtha palum pi kyh ba.

SAM 73:26

Kai i tlang hawi paleung ly atho di ai; na i py Tameuh ly kai i ham naira ne; kai ly nang ny y baly ami ai py aly ngai y.

ISAIA 40:29

Mymy ly paha nai, akawm nai khumichi ai atho pei nai ne.

ISAIA 40:31

Na i py Areng i kasabawmra ai ym nai khumichi ly atho kangtha nga u ai. Nichi ly ahmtlau kamta akheang thai ai. Angpreng i py akawm u ai ny y. Khuleaung chei i py paha u ai ny y.

JEREMIA 45:3

Kai, Areng ly nang i tlang tleaung y paleung kabi kang tleang nai deaungkho y, nang ly kasum pei bo! Tangam naimy atho bai nanai y, paleung awmnem naira ngo pajau y bo!,” nanai nang ly thui bo.

LUKA 11:3

Kaichi i kani tleirei cha ai nai ly pei ba.

ROM AVANGCHI TENG Y PAWLA I CHA PA NAI 12:2

Hini khaileaung pri i reita kamta awm u moh ly huna ny y naimy nangchi ly Tameuh i kangai meitang nai hawi, kawn ai ataing nai hawi, hawi angym nai py dawn u cham thai ai nai paleung kangtha awm iy, takhra u veng jau.

ROM AVANGCHI TENG Y PAWLA I CHA PA NAI 7:22

Kai i paleung tatang y Tameuh i Reita tleaung y kakawn lawh veng;

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

II KORINTH 12:15

Naibaly kai ly nangchi i phailo i vui khrikhri pa-rei kawn naimy kateaung be iy, kaimy ai kateaung be naimy awm ai. Kai ly nangchi ai khri pa-rei kang tamen nai deaungkho y, nangchi i kai ai tamen nai ly di kyh lo-oh? Ne.

II KORINTH 4:1

Hunai deaungkho y kaichi ly pahen naira nga nai kamta hini krykeung kalop sa ai nai awm nai deaungkho y kaichi ly paha y leang;

EPHESI 3:16

Ampo, kani hawi khaileaung theung y awm nai cheaungkhangchi ai amyn pathi nai i mo y ly kai ly kheukhu di;

EPHESI 4:23

nangchi i paleung phailo y ly kangtha awm u ly, naibaly khumi kangtha,

KOLOSA 3:10

huni khumi kangtha ai ly pany angym naira nga hai ai nai, ni ai sa nai keung atawm khyp nai kangtha sa hai dudu nai ne;

TITA 3:5

achi i atiti kahawi sa nai deaungkho y ny y naimy, kangtha sa palai bi naira paju nai hawi, Phailo Kachai i kangtha sa palai bi veangveang nai deaungkho y mymy i pahen nai kamta khyp naimy ang paheng nai bo.

I PETERA 3:4

paleung y heu nai awm nai sai ly leu anui hawi neaung hawi nai paleung, mawn pajau y nai ateaung phai amthyp u; huni ly Tameuh i mei ka-niu y khri pa-rei vang teng nai ne.

I PETERA 4:14

Krista i amyn deaungkho y nangchi ai ang jo nai ne baly nangchi taham hawi; ati mana nai mo nabaly nang parai nai Phailo hawi Tameuh i Phailo ly nangchi i tlang tleaung y awm.