II KORINTH 3:7 - Khumi Common Language Bible

⁷ Na i py dei naira i kalop sa nai, lengseaung y cha mawih tajiu nai malawn py huna tanrei nang parai naira y tym iy, Israela kangpreangchi ly Mosi i meimai nang parai nai sai deaungkho y ni i meimai ai khen jo pajau y baly (huni nang parai nai sai ly tama ryh tama ryh nai ne),

II KORINTH 3:7 ပူးပေါင်းရင်းမြစ်များ

ATITI AWM ANGCHEI NAI 3:21

Areng Tameuh my Adam hawi aju i vui mawi peih hawi ateaung sa pi i, nini ai ateaung hai bo.

NEHEMIA 9:13

Nang ly kani mang i dengdairei satla kathiu iy, Sinai mawi y nang i khumichi ai leu pei bo; nichi teng y hawi parai nai reitachi hawi, parip nai leu kahawichi pei pi nai ne.

SAM 119:174

Aw Areng, kai ly nang i atleu naira nga ai nai kadeaung jojo! Nang i reita ly kai ai amo theu hai bo.

SAM 119:97

Kai ly nang i reita leu ai khri pa-rei paleung apei nai ne! huni reita leu ai kai ly kani khengrei adawn pasym bo.

THEU NAI 24:12

Areng my Mosi teng y, “Kai i awmra mawi salo y lyn kalau ly khumi mipuichi amtiu ai nai, kaimy tajiu pi yb iy reitachi abawi nai lengseaung phei nyhrei nang teng y kang au ai,” napi.

THEU NAI 31:18

Tameuh ly Sinai mawi salo y Mosi teng y, leu pei chum nai khala, Tameuh mymy kypkyp my lengseaung phei nyhrei tleaung y reita leuchi tajiu pi iy, Mosi teng y pei pi nai ne.

THEU NAI 32:19

Mosi ly tai naira kang sa y tym nai khala, si cho myn hawi khumichi lam lengleang nai niu baly, khri pa-rei kado theu nai deaungkho y, my i syn nai lengseaung phei nyhrei ai mawi kheutang y aphi su i, tleu piu bo.

THEU NAI 34:1

Areng ly Mosi teng y, “Angchei i lengseaung phei nyhrei hawi atawm nai lengseaung phei nyhrei so teang; nangmy kawi hai vui nai, angchei i lengseaung phei nyhrei tleaung y tajiu nai leu saichi kamta, kaimy hini lengseaung phei nyhreira tajiu pi teang ai.

AMTAW 6:15

Naibaly tara chih nai keung ateh naichi bawibawi ly Stephana ai khen ryry i, mymy i meimai ly kani pri i amtaw thau nai i meimai ka-tawm niu u.

ROM AVANGCHI TENG Y PAWLA I CHA PA NAI 10:4

Krista my ym nai ngiereichi ai hawi naira nga hai thai ai nai reita ai anawn hai nai keung ne.

ROM AVANGCHI TENG Y PAWLA I CHA PA NAI 4:15

Reita ly kado theu naira sa lawh, Reita by y naira y naini taphra naira py by y.

ROM AVANGCHI TENG Y PAWLA I CHA PA NAI 5:20

Naibaly kamngo ly amny ra thai ai nai, Reita py awm bi bo;

ROM AVANGCHI TENG Y PAWLA I CHA PA NAI 7:10

Naibaly heng ai nai leu pei nai kypkyp ly kaimy i vui dei naira lawn bo, nanai kapany bo;

ROM AVANGCHI TENG Y PAWLA I CHA PA NAI 7:22

Kai i paleung tatang y Tameuh i Reita tleaung y kakawn lawh veng;

ROM AVANGCHI TENG Y PAWLA I CHA PA NAI 7:5

Achi ly tlang mang y awm nai thym khala y Reita deaungkho y kamngo sa hai nai ngai phi teng y nairachi my achi i tlang kangpreichi theung y dei ai ataing pa-rei athai ai nai sa reng.

I KORINTH 13:10

Na i py angym naira ang tym nai khala y ly angym y naira ai ly anawn hai ai.

II KORINTH 3:3

Krista i cha, kaichi ai kry hai nai, cha tui y tajiu nai ny y i, Tameuh kangheng i Phailo y tajiu nai teu; lengseaung phei y tajiu nai ny y i, tlang i paleung phei y tajiu nai ne, nanai nangchi ai amteng hai bo.

II KORINTH 3:6

Mymy ly leu maikawm kangtha kry ai nai keungchi y ang pha hai, cha mang i leu kry ai nai ny y naimy, phailo mang i kry ai nai teu: cha i leu my ly padei nai teu, phailo my naini paheng nai ne.

II KORINTH 3:8

Phailo i kalop sanai ly mana tanrei nang parai naira tym hai ai moh?

KALATIA 3:10

Reita i atitichi sa naira y awm naichi ly amsawi lawi nai anui y awm u lawh veng; “Reita cha-iu y bawibawi tajiu nai kamta sa ai nai awm jo y nai ngierei ly amsawi lawi reng,” nanai tajiu nai ne.

KALATIA 3:21

Naibaly Reita ly Tameuh i leu adeu naichi ai ly paka nai sai a? Ny y leang; Reita y ang paheng thai nai ly ang pei chum makho baly, hawi naira ly Reita deaungkho y awm takengkei ai nai tla.

Leu Thui Nai 4:13

Areng my nangchi hawi asa nai Leu Maikawm, napi nai Leu sai Horei pei nai tangai ai nai tla, nanai leu pei bo. Huni leu pei naichi ai lengseaung phei nyhreira y tajiu pi nai ne.

Leu Thui Nai 4:8

Vaini nangchi ai kaimy patiu nai reitachi kamta, leu meitang reitachi nga nai khumi cheng kalen awm rai na a?

Leu Thui Nai 5:22

“Areng ly mawi sahawi y akachu u nai nangchi bawibawi teng y leu ang pei nai ne. Mymy ly mai kangveaung hawi vengpam nai tamai theaung mang dengdairei tao pajeng parai naimy, hini reitachi ang pei bo, leu ang pei bi nai ny y. Naibaly Areng ly reitachi ai lengseaung phei nyhrei tleaung y tajiu iy, kai teng y ang pei nai ne.

Leu Thui Nai 9:15

Hunai deaungkho y kai ly Leu Maikawm lengseaung phei nyhrei syn naimy, mawi i nai satla kathiu bo. Mawi i dengdairei mai kangveaung amsau na bo.

HEBRAI 12:18

Nangchi ly nam pajau nai mawi, mai y kang thai nai, khupanym kamnumchi, kavengchi, ali khuchi,

HEBRAI 3:3

Naibaly dengtheung lu ai ly dengtheungchi tleaung y palo keh lawh nai kamta ly, ni ly Mosi tleaung y nang parai naira nga ra nga ra ai ataing nai khai rym nai bo.

HEBRAI 9:4

hunira y ly rimui pakhyh nai muku laawm hawi, muku bih nai leu mailkawm pawm py awm: huni theung y Manna awm naira muku laawm hawi, Aron i cheaungvawi ampho nai hawi leu maikawm lengseaung phei nyhrei py awm.