II KORINTH 3:6 - Khumi Common Language Bible

⁶ Mymy ly leu maikawm kangtha kry ai nai keungchi y ang pha hai, cha mang i leu kry ai nai ny y naimy, phailo mang i kry ai nai teu: cha i leu my ly padei nai teu, phailo my naini paheng nai ne.

II KORINTH 3:6 ပူးပေါင်းရင်းမြစ်များ

JEREMIA 31:31

Areng my, “Kai ly Israela khumichi, Juda khumichi hawi Leu Maikawm kangtha asa nai neng tym ai.

MATTHAI 13:52

Nichi my ly mymy teng y, “Ne chy,” napi. Naibaly mymy ly nichi teng y, “Huna nai ne baly kani pri my peang nai i abang nai khumi ai palawn nai Reita patiu nai keung ngierei ly, yhmkeung my mymy i yhmtheaung dengdairei atiti kangthachi hawi atiti kangngymchi py patheaung nai kamta atawm,” napi.

MATTHAI 26:28

“nangchi bawibawi nei u; hini ly kai i thi, kamngo pahen ai nai khumi neangneangchi i vui theu nai leu maikawm ne.

MARKA 14:24

Naibaly mymy ly nichi teng y, “Hini ly kai i thi, khumi neangneangchi i vui theu nai leu maikawm ne.

LUKA 22:20

Naibaly dym biu cha pajau nai bo y hunai kamta teang khau la iy, “Hini khau ly kai i thi y leu maikawm kangtha ne, nangchi i vui theu nai ly.

JOHAN 5:21

Ampo my kadeichi ai pathau iy paheng nai kamta ly, Chapo py ni i ngai nai ngierei ai ly paheng teang.

JOHAN 6:63

Phailo ly paheng nai keung ne, tlang ly ati sai py kamran by y leang; hini nangchi teng y kai i leu thui nai ly phailo py ne, hengra py ne.

ROM AVANGCHI TENG Y PAWLA I CHA PA NAI 1:5

mymy i amyn deaungkho y cheng cheaungkhang theung i khumichi ai ly ym naira patawm hai ai nai, kaichi ly mymy deaungkho y pahenra hawi amtaw thau nai keung lawn ai naira py nga bo;

ROM AVANGCHI TENG Y PAWLA I CHA PA NAI 3:20

hunaibaly Reita i atiti sa nai deaungkho y khumi ami py mymy i mei ka-niu y eaung naira nga ai nai by y leang; ati mana nai mo nabaly Reita deaungkho y kamngo pany angym ai naira awm nai ne lawh veng.

ROM AVANGCHI TENG Y PAWLA I CHA PA NAI 4:15

Reita ly kado theu naira sa lawh, Reita by y naira y naini taphra naira py by y.

ROM AVANGCHI TENG Y PAWLA I CHA PA NAI 4:17

Abraham ly kadeichi ai paheng nai keung hawi, atiti awm y naichi ai ly awm nai kamta palawn nai keung, mymy i ym nai Tameuh i mei ka-niu y ly achi bawibawi i ampo ne. (Cheng neangneangchi i ampo y kang palawn bo, nanai tajiu nai kamta.)

ROM AVANGCHI TENG Y PAWLA I CHA PA NAI 7:6

Na i py cha tajiu nai kangngym kamta ny y naimy, phailo kangtha y atiti sa thai ai nai, achi ly vai ly ang patawn naira i nai dei chum iy, achi ai Reita i dengdairei ang patlaw bo.

ROM AVANGCHI TENG Y PAWLA I CHA PA NAI 8:2

Ati mana nai mo nabaly Krista Isu y heng naira phailo i reita my ly kamngo hawi dei naira reita i nai ly kai ai ang law hai veng bo.

I KORINTH 11:25

Hunai kamta teang dym biu cha pajau iy khau py la i, “Hini khau ly kai i thi y leu maikawm kangtha ne; nangchi nei nai tleirei kai ai pany jo ai nai hini ly so u,” napi nai ly.

I KORINTH 12:28

Naibaly Tameuh my phyreichi ai ly palau takhra kamkawm theung y khai i, harei naira y ly amtaw thau naichi, pa-nyh naira y ly leu thui nai keungchi, pa-thom naira y ly patiu nai keungchi, huni bo y ly atiti rengrang sa naichi, huni bo y ly no hawi sa thai ai nai atiti sa thai nairachi, sabawm nai keungchi, peang kawp naichi, leu thai y nai takhra takhra thui thai naichi, hunichi ai khai bo.

I KORINTH 15:45

Hunai kamta khyp teang, “Angchei i khumi Adam ly kangheng lawn,” nanai tajiu nai ne. Kangkhym kangtem i Adam ly hengra pei nai keung phailo lawn.

I KORINTH 3:10

Kai ai Tameuh i pahenra ang pei nai kamta, yhm sa nai lu keh i kawp parai nai kamta ly kaimy lengseaung leng i, khumi takhra my salo y yhm sa. Na i py khumi leaung leaungrei ly huni salo y yhm sa ai nai sai ly amkym bawibawi sy.

I KORINTH 3:5

Apolo ly ati mo? Pawla py ati mo? Kalop sa nai keung, nangmychi ai ym hai nai keung teu; huni py Areng my leaung leaungrei teng y ang pei nai kamta ne.

II KORINTH 11:23

Nichi ly Krista i kalop sa nai keungchi ne a? (Khumi kamthu kamta thui teu sy ly), kai naini ne keh; sa akawm naira y py khri pa-rei ty nanai, theaung y tla naira y py khri pa-rei ty nanai, ang pakhau naira y py khri pa-rei nawi nanai, dei naira py neangneang avum bo.

II KORINTH 3:14

mymy ly ni i meimai y ly amym naira amym; na i py nichi i paleung ai tang hai lawh veng: vaini tym pa-rei leu maikawm kangngym phain nai khala y ly huni amym naira khypkhyp ly lei y naimy awm jojo; huni ai ly Krista y tama hai veng bo.

II KORINTH 3:3

Krista i cha, kaichi ai kry hai nai, cha tui y tajiu nai ny y i, Tameuh kangheng i Phailo y tajiu nai teu; lengseaung phei y tajiu nai ny y i, tlang i paleung phei y tajiu nai ne, nanai nangchi ai amteng hai bo.

II KORINTH 3:7

Na i py dei naira i kalop sa nai, lengseaung y cha mawih tajiu nai malawn py huna tanrei nang parai naira y tym iy, Israela kangpreangchi ly Mosi i meimai nang parai nai sai deaungkho y ni i meimai ai khen jo pajau y baly (huni nang parai nai sai ly tama ryh tama ryh nai ne),

II KORINTH 3:9

Pasum ai naira i kalop sa nai malawn py nang parai naira awm baly, hawi naira i kalop sa nai ly nang parai naira mang y khrikhri pa-rei ty ai nai tla.

KALATIA 3:21

Naibaly Reita ly Tameuh i leu adeu naichi ai ly paka nai sai a? Ny y leang; Reita y ang paheng thai nai ly ang pei chum makho baly, hawi naira ly Reita deaungkho y awm takengkei ai nai tla.

EPHESI 2:1

Nangchi py nangchi i taphra nai hawi kamngo nai deaungkho y dei u nai thym khala i nai ly nangchi ai ang paheng bo;

EPHESI 2:5

achi my taphra naira y dei nai thym khala i nai py, Krista hawi vanrei ang paheng teang (pahenra y nangchi ai paheng nai bo),

EPHESI 3:7

Mymy i atiti sa thai naira i sa nai sai kamta, jawm naimy Tameuh i pahenra ang pei nai kamta ly kai ai huni Satang Kahawi kry ai nai keung y ang palawn nai ne.

Leu Thui Nai 27:26

“ ‘Tameuh i reita leu pei naichi hawi amtiu nai leaungsai bawibawichi tangai y nai khumi ly Tameuh i amsawi lawi sy,’ nanai vaineng tauh nai khala, “Khumi bawibawichi my ‘Amen!’ nanai pathang u sy.

I TIMOTHEI 4:6

Nang ly huni satang takhra takhra amjo amnauchi ai pany hai baly nang ly Krista Isu i kalop sa nai keung kahawi hawi, ym naira leu y hawi, nang ly vai khrairei patawm nai patiu naira kahawi y py apacho veangveang nai keung lawn ai:

II TIMOTHEI 1:11

huni Satang Kahawi leu pany hai ai nai ly kai ai aeu hai nai keung hawi, amtaw thau nai hawi, patiu nai keung y ang khai rym.

HEBRAI 12:24

Isu, leu maikawm kangtha i savai teng y hawi, Abela i thi tleaung y satang hawi keh nai thui nai ahei nai thi teng y py tym u nai ne.

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,

HEBRAI 7:22

hina tanrei Isu ly khrikhri pa-rei leu maikawm kahawi keh y khaw hai nai keung lawn bo.

HEBRAI 8:13

Hunaibaly mymy ly leu maikawm kangtha, nanai thui nai deaungkho y kangman i nai ly ang tangym hai veng nai bo; na i py tlum ryry nai hawi dawn tami nai atiti ly tama vi nai ne.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;

I JOHAN 1:1

Angchei kha i dengdairei awm nai, kaichi i kano y thai nai, kaichi i mei y niu nai, khen veangveang iy kaichi i kiu y patham nai Hengra Leu i satang ly: