II KORINTH 3:3 - Khumi Common Language Bible

³ Krista i cha, kaichi ai kry hai nai, cha tui y tajiu nai ny y i, Tameuh kangheng i Phailo y tajiu nai teu; lengseaung phei y tajiu nai ny y i, tlang i paleung phei y tajiu nai ne, nanai nangchi ai amteng hai bo.

II KORINTH 3:3 ပူးပေါင်းရင်းမြစ်များ

SAM 40:8

Kai i Tameuh, kai ly nang i kangai sa ai nai khri pa-rei ngai; nang i leu pei nai paleung theung y pateung me bo,” nanai kang takeng bi bo.

SAM 42:2

Tameuh kangheng napi nai, nang ai kai ly kadeaung bo. Kai ly mana khala y nang i mo y ahihawi iy, chiu sa pajau ai mo?

SAM 84:2

Huni meingtym y awm ai nai ngai parai! Kai ly Areng i Achura yhm i lengseaung apai ai kadeaung nai ne. Tameuh kangheng teng y, kai ly tlang phailo verei amo theu naimy palo nai khulym thui ai.

THEU NAI 24:12

Areng my Mosi teng y, “Kai i awmra mawi salo y lyn kalau ly khumi mipuichi amtiu ai nai, kaimy tajiu pi yb iy reitachi abawi nai lengseaung phei nyhrei nang teng y kang au ai,” napi.

THEU NAI 31:18

Tameuh ly Sinai mawi salo y Mosi teng y, leu pei chum nai khala, Tameuh mymy kypkyp my lengseaung phei nyhrei tleaung y reita leuchi tajiu pi iy, Mosi teng y pei pi nai ne.

THEU NAI 32:15

Mosi ly makeng nyhrei ririra y reita leu pei naichi tajiu typ nai lengseaung phei nyhrei syn iy, mawi i nai satla kathiu bo.

THEU NAI 34:1

Areng ly Mosi teng y, “Angchei i lengseaung phei nyhrei hawi atawm nai lengseaung phei nyhrei so teang; nangmy kawi hai vui nai, angchei i lengseaung phei nyhrei tleaung y tajiu nai leu saichi kamta, kaimy hini lengseaung phei nyhreira tajiu pi teang ai.

LEU KACHENG 3:3

Ka-ym awm nai hawi leu meitang ai, mana khala py patlaw su moh. Hunichi ai nang i kaneaung y awi me ba; nang i paleung pheira y tajiu typ ba.

LEU KACHENG 7:3

Hunichi ai kiusabyh kamta amchiu ba. Nang i paleung pakawi ra y tajiu typ ba.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

JEREMIA 17:1

Areng my, “Juda khumichi awi, nangchi i kamngo ai tamo chakaleaung hawi tajiu typ bo. Huni kamngo ai nangchi i paleung pheira y meaung y cheng tai nai chakaleaung hawi tajiu typ iy, nangchi i maicham takichira y thiu pi yb bo.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

Ezekiela 11:19

Nichi ai paleung adyh adawi hai iy paleung kangtha hawi ka-dawn kangtha kapei ai. Kai ly nichi i lengseaung kamta tang nanai paleung la pi vui iy, leu atangai nai paleung kapei ai.

DANIELA 6:26

Kai i empara pri verei y awm nai khumi bawibawichi awi, nangchi ly Daniela i ym nai Tameuh ai tahm khai u ai nai tla, nanai leu kang pei. “Mymy ly Tameuh kangheng ne iy, deungtasarei peang jojo ai. Mymy i pri ly mana khala py phra ai ny y. Mymy i sa thai naira ly mana khala py, tem ai ny y.

MATTHAI 16:16

Naibaly Simon Petera my ly, “Nang ly Krista, Tameuh kangheng i Chapo ne,” napi nai pathang.

I KORINTH 3:5

Apolo ly ati mo? Pawla py ati mo? Kalop sa nai keung, nangmychi ai ym hai nai keung teu; huni py Areng my leaung leaungrei teng y ang pei nai kamta ne.

II KORINTH 3:6

Mymy ly leu maikawm kangtha kry ai nai keungchi y ang pha hai, cha mang i leu kry ai nai ny y naimy, phailo mang i kry ai nai teu: cha i leu my ly padei nai teu, phailo my naini paheng nai ne.

II KORINTH 3:7

Na i py dei naira i kalop sa nai, lengseaung y cha mawih tajiu nai malawn py huna tanrei nang parai naira y tym iy, Israela kangpreangchi ly Mosi i meimai nang parai nai sai deaungkho y ni i meimai ai khen jo pajau y baly (huni nang parai nai sai ly tama ryh tama ryh nai ne),

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

I THESALONIKA 1:9

Mymychi kypkyp my kaichi i nangchi theung y kun ai nai ngai nai sai ly pany hai u reng; naibaly nangchi ly Tameuh kangheng hawi meitang i kalop sa ai nai hawi, mymy i Chapo (kadeichi theung i dengdairei pathau nai i kado theu nai tym ai naira i nai ang lawi hai nai keung Isu ly) kani pri mang i dengdairei satla nai ajeng ai nai,

HEBRAI 10:16

“Huni neng bo y ly nichi teng y Leu maikawm kakhai ai nai ly hini ne he; Nichi i paleung y kai i leu pei naichi kakhai ai i, Nichi i dawn naira y py katajiu teang ai, nanai Areng my napi,” napi. Naibaly huni thui nai bo y ly,

HEBRAI 8:10

Ati mana nai mo nabaly huni neng bo y ly Kai ly Israelachi dengtheung teng y leu maikawm khai nai ly hini ne he, nanai Areng my napi: Mymychi dawn naira y kai i leu pei naichi kapachei iy Nichi i paleung y py katajiu teang ai; Naibaly kai ly nichi i vui y Tameuh kalawn ai i, Nichi ly kaimy i vui y kai i khumichi lawn ai;

HEBRAI 9:14

deungtasarei Phailo i saho y meimai cheh ai by y nai Tameuh teng y atalam nai Krista i thi my ly Tameuh kangheng i kalop sa ai nai, nangchi hawi nai hawi y nai pany naira ai ly hini hengra abawi y nai atiti sa naira y ly mana tanrei pachai ai mo?

JOSUA 3:10

Nangchi amsa u nai khala, Tameuh ly Kanan cheng, Hiti cheng, Hivit cheng, Perizi cheng, Kirakashi cheng, Amori cheng hawi Jebusi chengchi ai patheu takengkei ai.

AMTENG HAI NAI 2:1

“Ephesi avang palau takhra kamkawm i kani pri i amtaw thau nai teng y hinai kamta tajiu: ‘Lamtang mang i kiu y ka-si saryhrei syn nai, muku maisi khai naira theung y aleaung nai keung i leu thui nai ly hini ne he:

AMTENG HAI NAI 2:12

“Naibaly Perkamon avang palau takhra kamkawm i kani pri i amtaw thau nai teng y hinai kamta tajiu: ‘Bo nyhrei awm nai haisau kaichiu awm nai keung i leu thui nai ly hini ne he:

AMTENG HAI NAI 2:18

“Naibaly Thuatira avang palau takhra kamkawm i kani pri i amtaw thau nai teng y hinai kama tajiu: ‘Mymy i mei ly mai ka-veaung kamta awm nai, mymy i kheu ly kheupaja amchai nai kamta awm nai keung, Tameuh i Chapo i leu thui nai ly hini ne he:

AMTENG HAI NAI 2:8

“Naibaly Sumurna avang palau takhra kamkawm i kani pri i amtaw thau nai teng y hinai kamta tajiu: “Kangman keh nai hawi kangkhym keh nai, dei iy heng ali teang nai keung i leu thui nai ly hini ne he;

AMTENG HAI NAI 3:1

“Naibaly Sardisa avang i kani pri i amtaw thau nai teng y hinai kamta tajiu: ‘Tameuh i Phailo saryhreichi hawi, ka-si saryhrei awm nai keung i leu thui nai ly hini ne he: Nang i atiti sa naichi ly kapany; nang ly heng, nanai amyn amthang teu i py dei nai ne.

AMTENG HAI NAI 3:14

“Naibaly Leiodikeia avang i kani pri i amtaw thau nai teng y hinai kamta tajiu: ‘Areng lawn nai, pany hai nai keung ka-ym awm nai hawi meitang, Tameuh i atiti sa nai pakeung i leu thui nai ly hini ne he:

AMTENG HAI NAI 3:22

Kano awm nai khumi ly palau takhra kamkawmchi teng y Phailo i leu thui nai ly thai sy,” napi.

AMTENG HAI NAI 3:7

“Naibaly Philadelphia avang i kani pri i amtaw thau nai teng y hinai kamta tajiu: Chai naira awm nai hawi, meitang awm nai keung, Davida i saw awm nai, paeaung iy ami py kho pajau y nai, kho iy ami py paeaung pajau y nai i leu thui nai ly hini ne he:

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.