II KORINTH 3:1 - Khumi Common Language Bible

¹ Kaichi ly kaimychi ai kahawi athui nai amteaung taleang bi bo lo-oh? Ti y baly nangmychi teng y pei ai nai mo, nangchi teng i nai mo kaichi awm nai sai kahawi thui nai cha, phyrei khumichi i vui aly ngai nai kamta ly kaichi i vui aly ngai teang bo lo-oh?

II KORINTH 3:1 ပူးပေါင်းရင်းမြစ်များ

AMTAW 18:27

Naibaly mymy ly Akaia pri y chei ai nai tau i, amjo amnauchi my ni ai pachei iy mymy ai kawn ai nai abangnaichi teng y cha py tajiu pi; naibaly mymy ly tym iy pahenra deaungkho y ym naichi ai ly khrikhri pa-rei sabawm;

ROM AVANGCHI TENG Y PAWLA I CHA PA NAI 16:1

Achi i tuicho amni Phawibi, Kenkria avang i palau takhra kamkawmchi ai sabawm nai keung ai ly,

I KORINTH 10:33

hunai kamta teang kai py amy i chawn naira hau y naimy nichi heng naira nga thai ai nai, khumi neangneang i chawn naira hau lawh i, khumi bawibawichi ai cheaungkhangra y kakawn hai.

I KORINTH 16:3

Kai kang tym khala y nangchi i avo napi nai cha syn nai ngiereichi ai ly nangchi i pahen nai atiti pei nai ly Jerusalem avang y tha ai nai kapato ai.

I KORINTH 3:10

Kai ai Tameuh i pahenra ang pei nai kamta, yhm sa nai lu keh i kawp parai nai kamta ly kaimy lengseaung leng i, khumi takhra my salo y yhm sa. Na i py khumi leaung leaungrei ly huni salo y yhm sa ai nai sai ly amkym bawibawi sy.

I KORINTH 4:15

Nangchi ly Krista y patiu nai keungchi kati pajau y pa-rei awm iy py, nangchi ly ampo neangneang by y leang; kaimy Krista Isu y Satang Kahawi saho y kang tapen nai teu.

II KORINTH 10:12

Phyrei amymy ai kahawi athui naichi theung y ly kaichi ly akati py akati tabawi vam y leang, mymychi hawi apata py apata vam y leang; na i py nichi ly amymy hawi amymy ai ane nai, amymy hawi amymy ai apata iy, pany thai naira by y.

II KORINTH 10:18

Areng my kahawi thui nai naini palo naira nga nai teu.

II KORINTH 10:8

Kaichi i aly peang nai molam y khri pa-rei kamlyh ra i py (huni ly nangchi ai aphrei ai nai vui ny y leang, nangmychi ai khaw hai ai nai Areng my ang pei nai ly) kai ly amthang leaung lawh y ai.

II KORINTH 12:11

Kai ly pathu nai bo he: na i py nangchi my kai ai sa hai nai teu; kai ai ly nangmychi my palo ai nai chy bo; ati mana nai mo nabaly kai ly ati sai py ny y nai teu i py, ati mo ra y py huni amtaw thau nai len keh naichi ai kapho y nai ny y leang.

II KORINTH 12:19

Kaichi ly nangchi teng y kaichi i eaung nai leu kang thui nanai, nangchi ly vai huni sala ryrei ly athang khai u ngaw khyh. Kaichi ly Tameuh i mei ka-niu y Krista y leu thui nai ne. Na i py ngai parai naichi awi, ati cheaungkhang ly nangmychi ai khaw hai ai nai ne.

II KORINTH 2:17

Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.

II KORINTH 5:12

Kaichi ly nangchi teng y kahawi athui bi nai ny y leang, paleung y ny y naimy salo mang y amteng naira palo nai keungchi ai tlau ai naira ati mo nga u thai ai nai, nangchi ai ly kaimychi mang y amlyh ai nai ka-vo nga hai nai kamta kang thui pi nai teu.