II KORINTH 2:9 - Khumi Common Language Bible

⁹ Hini nai deaungkho y py nangchi ly ati cheaungkhangra y leu tangai na mo, nanai nangchi ai kang cham thai ai nai katajiu nai bo.

II KORINTH 2:9 ပူးပေါင်းရင်းမြစ်များ

THEU NAI 16:4

Huna nai khala Areng my Mosi teng y, “Vai kai ly nangchi bawibawi i vui kani mang dengdairei tako pala pi ai. Nichi ly kani tleirei theu iy kanirei ka-cho pakym u ai nai tla; hunai kamta kai i leu pei naichi tangai mo, tangai y mo, kapany ai.

II KORINTH 10:6

nangchi i leu tangai nai sai angym nai khala y ly, leu tangai y naira bawibawi pajeng ai nai kaichi ly tau rym teang ai.

II KORINTH 2:3

Hunaibaly kai ly huni kypkyp ly katajiu nai bo, ti y baly kai kang jeu nai khala y ly kai ai ang kawn hai ai avo nai keungchi ly kai ai paleung mawn hai lawh na; kai i kawn nai ly nangchi bawibawi i kawn nai ne, nanai kang ym.

II KORINTH 2:4

Kai ly mei katui neangneang tla nai tarawi y paleung y patang nai hawi khrikhri pa-rei phailo seaung nai tajiu nai chy bo; huni ly nangchi ai paleung mawn hai ai tla nai ny y leang, kai ly nangchi i tlang tleaung y tamen nai tleaung y tamen ra nai sai ly nangchi pany lawh thai ai nai teu.

II KORINTH 2:8

Hunai deaungkho y nangchi ly mymy mang y nangchi tamen naira khaw hai ai nai kang takeng.

II KORINTH 8:2

huna nai patang naira khri pa-rei cham nai tarawi y amo theu ala nai hawi khrikhri pa-rei kamawn ala nai my ly, nichi i khri pa-rei paawh y naimy pei nai sai ly panawi ryh panawi ryh bo.

II KORINTH 8:24

Huni deaungkho y nangchi i tamen naira hawi, kaichi i nangchi ai amlyh hai nai pany naira ly palau takhra kamkawmchi i mo y nichi teng y amteng hai u.

Leu Thui Nai 13:3

huni khumi i leu tangai u moh. Nangchi ly Areng ai paleung hawi verei tamen mo, tamen y mo, nanai pany ai nai nangchi i Areng Tameuh ly nichi ai teaung iy, nangchi ai cham nai ne.

Leu Thui Nai 8:16

Daichi ka-vym theung y nangchi i amsi pajochi cho vai y nai Manna tako ang pacho bo. Mymy ly kangkhym y nangchi amtheaungra nga u ai nai molam y, nangchi ai ngari kamtang avum hai bo. Huna nai ngari kamtang avum hai nai ly nangchi ai cham nai ne.

Leu Thui Nai 8:2

Nangchi i Areng Tameuh ly law veng nai saneng vui palyhrei sala, nangchi ai pahawi iy daichi ka-vym tako hai prei bo. Huni thym khala nangchi ly reita leu pei naichi patawm ai nai ngai mo, ngai y mo, nanai cham ai nai nangchi teng y ngari kamtang cheaungkhang tym hai nai ly pany u.

PHILIPI 2:12

Hunaibaly kai i ngai parai naichi awi, nangchi ly leu patawm u jojo nai kamta, kai awm nai khala y so khyh y naimy vai kai by y nai sala y py sa u keh lawh iy, jei nai hawi kaso theu nai tarawi y nangmychi i paheng naira ai ly pacheang u;

PHILIPI 2:22

Na i py mymy i cham pajau chum veng nai awm nai sai ly nangchi pany, chanau my ampo i kalop sa nai kamta Satang Kahawi ahei hai naira y kai hawi sa ahawi reng nai bo.

II THESALONIKA 3:14

Ami py hini cha pa nai kaichi i leu patawm y baly, mymy kaji thai ai nai huni khumi ai ly den py amkawm u y ai nai ma u kheng.

PHILEMON 1:21

Nang ly kai i thui pi nai tleaung y py sa keh ai, nanai kapany nai deaungkho y nang leu tangai ai nai athang kakhai khyp nai y nang teng y katajiu nai he.