II KORINTH 2:17 - Khumi Common Language Bible

¹⁷ Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.

II KORINTH 2:17 ပူးပေါင်းရင်းမြစ်များ

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

AMTAW 20:20

huna nai chawn ai nai leu thui ai nai ly kai nanghi teng y ati sai py avaw y leang, khumi humchi theung y hawi, yhm tleirei y kai i patiu reng nai ly.

AMTAW 20:27

Ati mana nai mo nabaly Tameuh i kangai bawibawi ly nangchi teng y avaw y naimy kang thui pi nai bo.

I KORINTH 5:8

hunai deaungkho y angbo kangngym ny y nai hawi, paleung patheang si nai hawi kamngora angbo abawi y nai ly, meitang naira hawi teng naira angbo abawi y nai tako hawi pawi so u sina.

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

II KORINTH 1:18

Ati py ne sy, Tameuh my ka-ym awm nai kamta nangchi mang y kaichi i leu ly Ne, nanai hawi, Ny y, nanai ly ne mei y leang.

II KORINTH 11:11

Ati mana nai y mo? Kai ly nangchi ai kang tamen y nai deaungkho y a? Tameuh my pany.

II KORINTH 12:19

Kaichi ly nangchi teng y kaichi i eaung nai leu kang thui nanai, nangchi ly vai huni sala ryrei ly athang khai u ngaw khyh. Kaichi ly Tameuh i mei ka-niu y Krista y leu thui nai ne. Na i py ngai parai naichi awi, ati cheaungkhang ly nangmychi ai khaw hai ai nai ne.

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

II KORINTH 6:7

leu meitang ra y py, Tameuh i atiti sa thai naira y py; langvawi mang py lamtang mang py hawi naira haichi deaungkho y py, palo naira hawi palo y naira deaungkho y py,

KALATIA 1:6

Nangchi ly Krista i pahen nai saho y ang palau nai keung teng i nai Satang Kahawi takhra mang y abi u praw vui nai ly kai ly rengrang tlai kana nai ne;

I THESALONIKA 2:4

na i py Tameuh my kaichi ai avo, napi iy Satang Kahawi ang kry hai nai kamta khyp my khumi ai kawn hai nai kamta ny y naimy, achi i paleung ai ang cham nai keung Tameuh ai kawn hai nai leu thui nai teu.

TITA 1:11

nichi ly kamran hau reng i patiu ngau y nai leu patiu iy, dengtheung vereichi ai atlym hai.

HEBRAI 11:27

Ym naira deaungkho y mymy ly samrang i kado theu nai ly jei y naimy Aikupta pri khai su i, niu thai y nai ai ly niu thai nai kamta kham tanga bo.

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.

AMTENG HAI NAI 2:20

Na i py kai ly sai sairei nang i tlang tleaung y thui ai nai awm: nang ly huni neampachy Jezebeli, amo angam nai ai ly ngai lawh nai ne; ni ly kai i miseaungchi ai angai ai nai hawi, myn y chiu nai apathyp nai mawi cha ai nai py ang patiu iy tapawp reng.