II KORINTH 2:12 - Khumi Common Language Bible

¹² Naibaly kai ly Krista i Satang Kahawi thui pi ai nai Troas avang y katym nai, Areng y ly kai ai katheu ang paeung pi nai khala y ly,

II KORINTH 2:12 ပူးပေါင်းရင်းမြစ်များ

AMTAW 14:27

Naibaly nini ly tym nai bo y palau takhra kamkawmchi ai palau achu i, Tameuh my nini ai teaung iy atiti sa naichi bawibawi hawi, Cheng Takhrachi i vui y ym naira katheu paeaung pi nai saichi py thui pi.

AMTAW 16:11

Naibaly kaichi ly Troas avang i dengdairei paleaung mang theu iy, kataw chei prei nai Samothraki avang y tym, naibaly khawn mang ly Neapoli avang y chei bi;

AMTAW 16:8

hunaibaly Musia pri ly katlen i Troas avang y kathiu bo.

AMTAW 20:8

Naibaly salo i sambeu kaichi i awm achu naira y ly maisi neangneang awm.

ROM AVANGCHI TENG Y PAWLA I CHA PA NAI 1:1

Pawla, Isu Krista i miseaung amtaw thau nai lawn ai nai palau nai, Tameuh i Satang Kahawi thui pi ai nai khai takhra nai ly,

I KORINTH 16:9

ati mana nai mo nabaly katheu pa-kho kau parai nai hawi chawn parai naimy kai i vui am-eaung lawh, naibaly ang tiu nai keungchi py neangneang awm.

I KORINTH 9:12

Khumi takhrachi malawn py nangchi i tlang tleaung y hini aly peang naira nga baly, kaichi ly nga ra ai nai tlo y a? Na i py kaichi ly huni aly peang naira ly teaung y leang. Kaichi ly Krista i Satang Kahawi kang paka y ai nai kaichi ly ati cheaungkhang kham tanga nai teu.

I KORINTH 9:14

Hunai kamta khyp pa-rei Areng my ly, “Satang Kahawi thui pi nai keungchi ly Satang Kahawi i saho y mymychi i cha nei naira nga ai nai khai pi rym nai ne.

I KORINTH 9:16

Satang Kahawi thui pi i py kapalo naira ha py by y; kai i tlang tleaung y aly aeang nai amtei bo; Satang Kahawi kathui pi y baly kai ly sum ryp bo.

II KORINTH 10:14

Nangchi ai pho pajau y nai kamta kau ala nai angam nai ny y leang. Ati mana nai mo nabaly kaichi ly Krista i Satang Kahawi y nangchi teng y khrairei kang jeu manme nai ne.

II KORINTH 11:4

Ami my ang jeu nai, kaichi my kang thui pi vai y nai Isu takhra ai ly ang thui pi iy, nangchi ly phailo takhra ngo u vai y nai hawi, Satang Kahawi takhra kawn u vai y nai kawn u lawh baly, nangchi ly mymy ai kham pi ai nai avo napi lo-oh?

II KORINTH 11:7

Ti y baly Tameuh i Satang Kahawi ly jawm naimy kang thui pi ryry i nangchi tahm asang thai ai nai ka-panem nai ly, kai ly kamngo kasa nai ne lawh a?

II KORINTH 4:3

Na i py kaichi i Satang Kahawi thui nai ly mym vui nai awm lawh baly, tama dudu naichi theung y mym vui nai ne;

II KORINTH 4:4

hunichi i vui ly hini khaileaung pri i tameuh ly ym y naichi i paleung ai paju hai bo; Krista, Tameuh kamta atawm khyp nai, mymy i nang parai nai sai Satang Kahawi kangvang ly nichi ai kangvang ko thai y ai nai paju hai bo.

II KORINTH 8:18

Naibaly kaichi my amjo amnau leaungrei ai mymy hawi vanrei kang pato bo; huni amjo amnau ai ly Satang Kahawira y palo nai leu ly palau takhra kamkawm bawibawichi theung y amthang bo;

II KORINTH 9:13

hini sabawm naira y nangchi ai ang cham nai deaungkho y, Krista i Satang Kahawi mang y nangchi i leu ym u nai patawm nai sai deaungkho y hawi, mymychi i vui hawi khumi bawibawichi i vui khai achu naira y nangchi i atiti paawh y naimy pei nai deaungkho y py, nichi ly Tameuh ai tahm pasang nai chy bo;

KOLOSA 4:3

kai ai ang kawm nai aly ly Krista i leu kathiu thui pi ai nai, Tameuh my leu i vui kaichi ai katheu ang paeaung pi ai nai hawi,

I THESALONIKA 3:2

naibaly ami py hini patang nairachi deaungkho y paleung phra y ai nai, nangchi ai khaw hai ai nai hawi, nangchi i ym naira molam awm hai nem ai nai py kaichi i amjo amnau Timothei, Krista i Satang Kahawi y Tameuh i kalop sa ahawi nai keung ai ly kang pato bo.