II KORINTH 13:7 - Khumi Common Language Bible

⁷ Naibaly nangchi ly atiti hawi y nai ly den py so u y ai nai kaichi ly Tameuh teng y chiu sa; huni ly kaimychi i hawi naira amteng hai thai ai nai ny y i, nangchi ly apu nai ngierei sa u thai ai nai teu, kaichi ly cham naira y eaung y nai kamta awm lawh teu iy py.

II KORINTH 13:7 ပူးပေါင်းရင်းမြစ်များ

1 NENG SATANG 4:10

Na i py Jabe ly Israela chengchi i Tameuh teng y, “Aw Tameuh, kai ai amtheaung hai iy khaileaung neangneang pei ba. Kai hawi vanrei awm hai ba. Kai i tlang tleaung y patang naira tym hai ai nai, hawi y naira cheaungkhang ra i nai lawi hai kyh ba,” nanai chiu sa nai deaungkho y, Tameuh ly Jabe i hnei takeng naichi pei pi nai ne.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

JOHAN 17:15

Nangmy nichi ai khaileaung pri i nai la vui ai nai chiu sa pi nai ny y leang, kamngo teng i nai nichi ai lawi hai ai nai chiu sa pi nai teu.

ROM AVANGCHI TENG Y PAWLA I CHA PA NAI 1:28

Naibaly nichi ly Tameuh ai pany ai ngai u y nai deaungkho y, atiti apu y naichi sa ai nai ly mymy ai ngai y nai paleung awm ai nai au lawh iy, Tameuh my hi pi vui bo;

ROM AVANGCHI TENG Y PAWLA I CHA PA NAI 12:17

Ami i kamngo py kamngo nai vawitheung tha u moh. Khumi bawibawichi i mei ka-niu y atiti apu ai naira dawn u rym.

ROM AVANGCHI TENG Y PAWLA I CHA PA NAI 13:13

Kanithun y awm nai kamta hawihai palai awm u sina; mhm nei khrukhra nai hawi, mhm pavui y naimy, paleaung nai hawi angai nai py awm y naimy, ajo nai hawi paleung ano nai py awm u moh sina.

ROM AVANGCHI TENG Y PAWLA I CHA PA NAI 16:10

Krista y khumi meitang Apelia teng y ly kawn nai leu thui pi kyh. Aristobula i dengtheungchi teng y ly kawm nai leu thui pi kyh.

I KORINTH 11:19

Meitang khyp naichi ai nangchi theung y amteng hai thai ai nai, nangchi theung y akhawi takhra naira py awm ai nai tla yb nai ne.

II KORINTH 10:10

Ati mana nai mo nabaly nichi ly, “Mymy i cha pa naichi ly ji py ji, ho py ho; na i py mymy i mo ly tahm by y, mymy i leu katheu nai py kaneng by y,” napi.

II KORINTH 10:18

Areng my kahawi thui nai naini palo naira nga nai teu.

II KORINTH 13:6

Kaichi naini cham naira y eaung y naimy awm y leang, nanai nangchi ly pany u ai nai athang kakhai.

II KORINTH 13:8

Leu meitang i vui y ny y baly kaichi ly leu meitang ai paka ai nai ati sai py so thai y nai ne.

II KORINTH 13:9

Kaichi ly ham y nai thym khala y ly nangchi i ham naira deaungkho y kaichi ly kawn chy bo; huni py nangmychi i hawi angym ai naira awm ai nai chiu kang sa pi.

II KORINTH 6:4

na i py Tameuh i krykeungchi kamta ati cheaungkhangra y py khumi i mei kangai awm, khri pa-rei kham pajau naira y py, patang naira y py,

II KORINTH 8:21

Ati mana nai mo nabaly Areng i mei ka-niu y khyh ny y naimy, kaichi ly khumi i mei ka-niu y py atiti cheh ai by y nai dawn rym nai ne.

PHILIPI 4:8

Kangkhym i naira y ly amjo amnauchi awi, meitang naira ngierei hawi, tahm khai naira ngierei hawi, hawi naira ngierei hawi, chai naira ngierei hawi, apu nai ngierei hawi, hawi sa nai amthang nai ngierei hawi, hawi naira awm iy palo naira awm baly hunichi ai dawn u.

I THESALONIKA 5:23

Naibaly aly nai Tameuh kypkyp my nangchi ai angym pa-rei pachai sy; naibaly nangchi i phailo hawi, paleung hawi, tlang ai ly achi i Areng Isu Krista ang jeu nai khala y ly cheh ai nai by y pa-rei my bom verei chymme naimy awm sy.

I TIMOTHEI 2:2

atiti hnei nai chiu sa nai hawi, chiu sa lyhlyh nai hawi, chiu sa pi nai hawi, kawn nai leu thui nai py khumi bawibawichi i vui hawi, samrangchi hawi peang nai keungchi i vui py sa pi ai nai kang pachei.

II TIMOTHEI 2:15

Leu meitang hawi parai naimy teaung nai, kalop sa nai keung kaji ai tlo y nai kamta, sa avo nai keung y Tameuh teng y apei ai nai hawihai adawn.

II TIMOTHEI 4:18

Areng my ly kai ai hawi y sa naira bawibawi i nai ang tleaung hai ai i, mymy i kani pri y peang naira tym pa-rei chymme naimy ang paheng ai; mymy teng y deungtasa khrairei nang parai naira awm sy. Amen.

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.