II KORINTH 13:5 - Khumi Common Language Bible

⁵ Nangchi ly ym naira y awm u na mo, nanai nangmychi kypkyp my akaneu ly, nangmychi kypkyp my acham u. Ti y baly Isu Krista ly nangmychi teng y awm, nanai nangmychi kypkyp my hawihai palai pany u y nai sai a? Cham naira y eaung nai ne u y makho baly.

II KORINTH 13:5 ပူးပေါင်းရင်းမြစ်များ

SAM 119:59

Kai ly kaimy i amhi amtlau nai dawn pasym teang bo; nang i thui parip nai saichi kamta, katangai ai nai adeu nai ne.

SAM 17:3

Nang ly kai i paleung pany; vum y kai teng jeu iy kai i paleung awm nai sai hawihai palai cham nai khala, hawi y nai sai niu y.

SAM 26:2

Aw Areng, kai ai cham ly chih ba. Kai i ngai naichi hawi paleung ka-dawnchi ai cham ba.

JEREMIA 6:30

Kai, Areng ly nichi ai khai su bo. Hunai deaungkho y nichi ai tangka chang ei, nanai palau ai,” napi.

TANGAM NAI LEU 3:40

Achi ly amychi i tako nai lam dawn pasym iy, Areng teng y ali u teang sina.

Ezekiela 18:28

Ni ly mymy i tamang nai adawn vau iy kamngo sa naichi khai su nai deaungkho y, pipi dei ai ny y, heng jojo ai.

HAKAI 1:5

Ati mana mo, nanai nangchi niu y nai sai a?

HAKAI 1:7

Ati mana nai y hina nai tym nai mo, nanai nangchi niu u y nai sai a?

JOHAN 14:23

Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

JOHAN 15:4

Kai teng y awm u jo, kai py nangmychi teng awm jo ai. Changpi ly kreip angjyn y amtawm jo y baly mymy tlairei athai thai y nai kamta ly, nangchi py kaimy teng y awm jo y baly athai thai y leang.

JOHAN 17:23

kai mymychi teng y awm nai, nang kai teng y awm nai, nichi bomrei awm iy angym thai ai nai, nangmy kai ai pato nanai hawi, nangmy kai ai tamen nai kamta nichi ai py nang tamen teang, nanai py khaileaung prichi my pany ai nai.

JOHAN 17:26

naibaly nang i kai ai tamen nai ly mychi teng y awm i, kai py mychi teng y awm thai ai nai, kaimy nichi teng y nangmy i amyn pany hai bo, kapany hai bi ai,” napi.

JOHAN 6:56

Kai i ngan cha iy kai i thi nei nai khumi ly kaimy teng y awm jo, kai py mymy teng y awm jo.

JOHAN 6:6

Huni ly mymy ai cham ai nai thui nai teu, amy i sa ai nai sai ly mymy pany yb nai bo.

ROM AVANGCHI TENG Y PAWLA I CHA PA NAI 1:28

Naibaly nichi ly Tameuh ai pany ai ngai u y nai deaungkho y, atiti apu y naichi sa ai nai ly mymy ai ngai y nai paleung awm ai nai au lawh iy, Tameuh my hi pi vui bo;

ROM AVANGCHI TENG Y PAWLA I CHA PA NAI 8:10

Naibaly Krista ly nangmychi y awm baly kamngo nai deaungkho y tlang ly dei nai ne; phailo naini hawi naira deaungkho y heng nai ne.

I KORINTH 11:28

Hunaibaly khumi ami py amymy ai acham amang sy, huna iy tako cho sy, khau py nei sy.

I KORINTH 11:31

Na i py amychi ai hawihai palai adawn baly achi ai tara ang chih ai nai ny y ai.

I KORINTH 3:16

Nangchi ly Tameuh i awm naira ne, nanai hawi, Tameuh i phailo ly nangmychi y awm jo, nanai py pany y nai sai a?

I KORINTH 6:15

Nangchi i tlang ly Krista i kangprei ne, nanai nangchi pany y nai sai a? Krista i kangprei ly la pi iy bima kangprei kapalawn ai a? Huna tanrei kaau ly tym moh sy.

I KORINTH 6:19

Naibaly nangchi theung y awm nai, Tameuh teng i dengdairei nga nai Phailo Kachai i awm naira ly nangchi i tlang ne, nanai nangchi pany y nai sai a?

I KORINTH 6:2

Ti y baly khumi kachaichi ly khaileaung pri ai chih ai nai pany u y nai sai a? Naibaly nangchi ly khaileaung pri ai malawn py chih ai nabaly atiti theang keh naichi ai py chih ai nai ataing y a?

I KORINTH 9:24

Angpreng acham naira y acham naichi bawibawi ly angpreng, na i py kawn nai vang ly leaungrei chy nga khyh, nanai ly nangchi pany y a? Nangchi nga thai ai nai hunai kamta khyp angpreng u.

I KORINTH 9:27

na i py kai ly kai i tlang y ka-tapheu ryry nai miseaung y kapalawn veng, ti y baly khumi takhrachi teng y leu kathui nai bo y kaimy kypkyp ai pasum lawh na.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

KALATIA 4:19

Bechi awi, Krista ly nangchi theung y angpa be y ryrei ly deaungdi tapen ai achai nai kajeu kano bi nai bo he.

KALATIA 6:4

Na i py khumi leaung leaungrei amy i atiti sa nai bawibawi acham sy, huni bo y ly khumi takhra i molam ny y naimy amymy i molam y harei amlyh ai naira nga ai.

EPHESI 3:17

hunaibaly nangchi ly tamen naira y tangjyn pala u nai hawi amchym naira nga u iy,

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

KOLOSA 2:19

huni Lu i saho y ly tlang bom verei ly lenglawchi hawi kananchi deaungkho y pacho nai amtawm achu nai awm iy, Tameuh i veang naira y veang lawh veng.

KOLOSA 2:7

nangchi ai ang patiu nai kamta ym u naira y ly khaw parai pa-rei awm u.

I TIMOTHEI 2:15

na i py nichi ly amkym nai tarawi y ym naira y hawi, tamen naira y hawi, chai naira y py awm jojo baly, chanau tapen nai deaungkho y paheng naira nga ai.

II TIMOTHEI 3:8

Naibaly Janni nini Jambri my Mosi ai paka nai kamta ly, huni khumichi py leu meitang ai paka; nichi i paleung phra i, ym naira mang y ati sai py chawn y leang;

TITA 1:13

Huni leu thui pi nai ly kateng ne. Hunai deaungkho y nichi ly Judachi i leuchi hawi, leu meitang mang i nai hi vui naichi i leu pei naichi dawndan y naimy,

TITA 1:16

Nichi ly, “Kaichi Tameuh ai pany,” na naimy asa u bo; na i py nichi ly amso awm nai hawi, leu tangai y nai hawi, atiti kahawi sa naira y pipi chawn y nai khumi py ne nai deaungkho y, nichi i atiti sa nai ly mymy ai apha u lawh.

TITA 2:2

neampacho miteaungchi ly amkym ai nai hawi, tahm awm ai nai hawi, paleung kateng awm ai nai hawi, ym naira y hawi, tamen naira y hawi, kham pajau naira y hawi kateng awm ai nai py pachei:

HEBRAI 12:15

hawihai palai amkym u, ti y baly ami mo Tameuh i pahenra ai kai y nai awm lawh na i, kho naira tangjyn ampho iy ang khrukhra hai lawh na; hunira y ly khumi neangneangchi ai chai hai y nai awm lawh iy,

HEBRAI 4:1

Hunai deaungkho y jei nai tarawi y amkym u sina, ti y baly mymy i anawn naira y kun ai nai leu adeu nai ly awm jojo makho iy, nangchi theung y ami py kai y nai awm lawh na.

HEBRAI 6:8

na i py kabeng aleng awm nai hawi preaung deaungchi patheu baly tapeang i, amsawi lawi naira nga vi iy, kangkhym y ly mai leng ai nai tla lawh veng.

JAKOB 4:4

Nangchi pajang sa nai nuchi awi, khaileaung pri hawi amrawi nai sai ly Tameuh ai paleung ka-e sa nai ne, nanai ly pany u y nai sai a? Ami py khaileaung pri hawi amrawi nai ngierei ly Tameuh hawi paleung ka-e lawn bo.

I PETERA 5:9

khaileaung pri y awm nai ngamjo ngamnauchi i tlang tleaung y hunai kamta patang naira ly tym reng nai ne, nanai pany u iy, khaw parai pa-rei ym iy ni ai tiu u.

AMTENG HAI NAI 2:5

Hunai deaungkho y nang i atlym naira adawn vau ly, uikhei iy atiti sa man naichi ly so teang; ti y naimy nang ly uikhei y baly kai kang jeu ai i, nang i masi khai naira ai ly ni i meingtym i dengdairei katasyh vui ai.