II KORINTH 13:11 - Khumi Common Language Bible

¹¹ Kangkhym i naira y ly amjo amnauchi awi, noso kahawi awm u. Kahawi sa angym naimy awm u, paleung awmnem naimy awm u, paleung vanrei awm u, adyh parai naimy awm u ly; hunaibaly tamen nai hawi aly nai Tameuh ly nangchi teng y ang awm hai ai.

II KORINTH 13:11 ပူးပေါင်းရင်းမြစ်များ

ATITI AWM ANGCHEI NAI 37:4

Ampo my Josepha ai nichi tleaung y khrei keh nai y, ni i amjochi ly ni i tlang tleaung y niu ngai y i, leu kahawi py arum hai u vai y.

ATITI AWM ANGCHEI NAI 45:24

Naibaly mymy ly amjochi ai lam y ajo y ai nai leu taviu chum baly, Kanan pri y vawi hai bo.

MATTHAI 1:23

Ni i amyn ly Emmanuela pathi ai,” nanai thui nai ly tym thai ai nai huni bawibawi ly awm nai bo. (Emmanuela nanai ly, “Achi hawi vanrei awm nai Tameuh,” nanai sai ne.)

MATTHAI 5:48

Cheng Takhrachi py hunai kamta so teang y a? Hunaibaly Ngampo kani pri mang y awm nai i hawi angym nai kamta ly hawi angym nai awm u ai nai tla.

MARKA 10:49

Naibaly Isu ly angdo paw iy, “Ni ai palau u,” napi. Naibaly mei kamju ai palau u i ni teng y, “Paleung awmnem naimy awm ly, angthau, ang palau ho,” napi.

MARKA 9:50

Palawi ly hawi, na i py palawi ly dau veng baly ati my lum hai bi ai mo? Nangmychi kypkyp teng y palawi awm sy ly, ado u,” napi.

LUKA 9:61

Naibaly khumi takhra my py, “Areng, kai abang ai, na i py dengtheungchi ai leu kahawi y pavum veng rai si ba,” napi.

JOHAN 17:23

kai mymychi teng y awm nai, nang kai teng y awm nai, nichi bomrei awm iy angym thai ai nai, nangmy kai ai pato nanai hawi, nangmy kai ai tamen nai kamta nichi ai py nang tamen teang, nanai py khaileaung prichi my pany ai nai.

AMTAW 15:29

myn y apatyp nai mawi hawi, thi hawi, taau ka nai mawi cha nai hawi, angai nai hawi anawn u, kang napi; hunichi ly nangchi amkym baly nangchi i vui hawi ai; noso kahawi awm u ba,” nanai tajiu.

AMTAW 18:21

“Tameuh my pei baly nangchi teng y kang jeu bi ai mang,” napi iy leu kahawi y amprei i, Ephesi avang i dengdairei paleaung mang chei bo.

AMTAW 23:30

Naibaly Judachi my ni ai amo jojo nanai khumichi my ang thui pi nai kapany baly, mymy ai ly nang teng y kang pato praw nai bo, mymy ai seu nai keungchi py mymy i tlang tleaung y leu awm nai ngierei ly nang i mo y thui ai nai leu kapei. Noso kahawi awm ba,” napi.

ROM AVANGCHI TENG Y PAWLA I CHA PA NAI 12:16

Dawn nai vanrei awm u leungtang; paleung apalen y naimy tahm anem naichi hawi amkawm u; tahm apasang u moh.

ROM AVANGCHI TENG Y PAWLA I CHA PA NAI 12:18

Pajau baly nangmychi i kamjau ryrei khumi bawibawichi hawi aly u.

ROM AVANGCHI TENG Y PAWLA I CHA PA NAI 14:19

Hunaibaly achi ly aly ai naira hawi akhaw hai leungtang ai nai atitichi ai hui u sina.

ROM AVANGCHI TENG Y PAWLA I CHA PA NAI 15:13

Naibaly nangchi ly Phailo Kachai i atiti sa thai naira i saho y athang khai naira nga ra nga ra thai ai nai, athang khai hai nai Tameuh my ly nangchi ym nai deaungkho y nangchi ai kawn naira hawi awmnem naira cheaungkhang kawi hai sy.

ROM AVANGCHI TENG Y PAWLA I CHA PA NAI 15:33

Naibaly aly nai Tameuh ly nangchi bawibawi teng y awm sy. Amen.

ROM AVANGCHI TENG Y PAWLA I CHA PA NAI 16:20

Naibaly aly nai Tameuh my ly nangch i kheu padawi anui y Setan ai ly ang chiu hai piupa praw ai. Achi i Areng Isu Krista i pahenra ly nangchi teng y awm sy.

I KORINTH 1:10

Naibaly amjo amnauchi awi, nangchi bawibawi ly leu vanrei thui u i, nangchi theung y akhawi takhra naira den py awm y ai nai, paleung vanrei hawi dawn nai vanrei py amtawm u cheng ai nai, achi i Areng Isu Krista i amyn y kang takeng.

II KORINTH 1:4

Tameuh i kaichi ai awm hai nem naira kypkyp i saho y ly ami py atiti no patang naira awm iy py, kaichi ly nichi ai awm hai nem thai ai nai, mymy ly kaichi i patang naira bawibawi y ang awm hai nem reng.

II KORINTH 13:14

Areng Isu Krista i pahenra hawi, Tameuh i tamen naira hawi, phailo kachai i amkawm naira py nangchi bawibawi teng y awm sy.

II KORINTH 13:9

Kaichi ly ham y nai thym khala y ly nangchi i ham naira deaungkho y kaichi ly kawn chy bo; huni py nangmychi i hawi angym ai naira awm ai nai chiu kang sa pi.

EPHESI 4:12

khumi kachaichi ai angym hai ai nai hawi, kry nai kalop sa ai nai hawi,

EPHESI 4:3

nangchi ai ang palau naira y ly tako ai ataing ai nai kang takeng.

EPHESI 6:23

Ampo Tameuh hawi Areng Isu Krista teng i dengdairei awmnem naira hawi ym naira abawi nai tamen naira py amjo amnauchi teng y awm sy.

PHILIPI 1:27

Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kang awm y teu iy py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai, tiu nai keungchi ai ly ati ra y py jei y naimy awm u, nanai nangchi i satang kapany pajau ai;

PHILIPI 3:16

Ati py ne sy, achi i tym nai ryrei nai huni kamta phai tako u sina.

PHILIPI 4:2

Areng y ly paleung vanrei awm ai nai Euodia ai kang takeng i, Suntuki ai py kang takeng teang.

PHILIPI 4:4

Areng y ly kawn u jojo; kang napi bi ai kawn u.

PHILIPI 4:9

Kaimy y nangchi i atiti amtiu nai hawi, tangai nai hawi, thai nai hawi niu nai py hunichi kamta so u; hunaibaly awmnem nai Tameuh my ly nangchi ai ang awm hai ai mang.

I THESALONIKA 3:10

Kaichi ly nangchi i meimai niu thai ai nai hawi, nangchi i ym naira mang y avaw nai angym hai thai ai nai py, vum kanithun y khri pa-rei chiu kasa reng.

I THESALONIKA 4:1

Hunaibaly amjo amnauchi awi, kangkhym i naira y ly nangchi i awm ai avo nai sai hawi, Tameuh ai kawn hai ai avo nai sai ly kaichi teng i dengdairei nga u nai kamta ly (ne mang ly nangchi ly hunai kamta awm nai bo) awm ra awm ra ai nai, kaichi ly Areng Isu y takeng nai kang pachei nai ne.

I THESALONIKA 4:18

Hunai deaungkho y hini leu y ly awm hai nem u leungtang.

I THESALONIKA 5:13

nichi i atiti sa nai deaungkho y tamen iy khri pa-rei tahm khai ai nai kang takeng.

I THESALONIKA 5:16

Kawn u jojo; anawn y naimy chiu so u ly;

I THESALONIKA 5:23

Naibaly aly nai Tameuh kypkyp my nangchi ai angym pa-rei pachai sy; naibaly nangchi i phailo hawi, paleung hawi, tlang ai ly achi i Areng Isu Krista ang jeu nai khala y ly cheh ai nai by y pa-rei my bom verei chymme naimy awm sy.

II THESALONIKA 2:16

Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

II THESALONIKA 3:1

Kangkhym i naira y ly amjo amnauchi awi, Areng i leu ly nangmychi theung y awm khyp nai kamta ly peung praw iy, palo naimy awm thai ai nai hawi,

II THESALONIKA 3:16

Naibaly aly nai Areng kypkyp my ly cheaungkhangra y nangchi ai aly naira mana khala y py pei sy. Areng ly nangchi bawibawi teng y awm sy.

II TIMOTHEI 2:22

Hunaibaly thawndeang thym khala i ngai phi teng y nairachi ai ly angpreng veng, naibaly paleung kamchym y Areng ai palau nai ngiereichi hawi vanrei hawi naira hawi, ym naira hawi, tamen naira hawi, aly naira py hui jojo.

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,

JAKOB 1:4

Naibaly ati sai py avaw y nai, nangchi bomrei angym thai ai nai, kham pajau naira my ly so angym sy.

I PETERA 3:11

Kamngo ai hi veng iy atiti kahawi so sy; Aly naira hau iy hui veangveang sy.

I PETERA 3:8

Kangkhym kangtem y ly nangchi bawibawi paleung vanrei awm u ly, pahen nai paleung awm u, amjo amnauchi kamta atamen u, neaung kahawi awm u, leu anui naimy awm u ly:

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

AMTENG HAI NAI 22:21

Areng Isu i pahenra ly khumi kachaichi teng y awm sy. Amen.