II KORINTH 12:9 - Khumi Common Language Bible

⁹ Naibaly mymy ly kai teng y, “Kai i pahenra ly nang i vui hawi khyp bo; ham y naira y ly kai i atiti sa thai naira ly angym bo,” napi. Hunaibaly Krista i atiti sa thai naira ly kai i tlang tleaung y awm thai ai nai, khrikhri pa-rei kakawn naimy kai i ham y naichi ra y ly kamlyh lawh ai.

II KORINTH 12:9 ပူးပေါင်းရင်းမြစ်များ

2 ARENG KEH 2:15

Jeriko mary i amo leaung vuipangreichi ly Elisa ai niu u i, “Elija i sa thai naira ly Elisa my nga vui bo!” nanai thui u bo. Nichi ly Elisa ai lamchung u i, ni i mo y lu meung u iy,

SAM 8:2

Huni khulym ai ly deaungdichi hawi deaungdi chymplei naichi my thui u. Mymy ly paleung ka-echi kiu i nai lawira nga bo. Mymy ai ka-jo hau naichi ai paka nai ne.

ISAIA 11:2

Ni ly mymy i khumichi ai peang ai nai cheng naira, pany thai naira hawi haiho ly Areng i Phailo hawi nga ai. Ni ly Areng i kangai pany iy, mymy ai tahm khai ai.

ISAIA 43:2

Nangchi ly tui thiu mang y tapai nai khala y, kai ly nangchi hawi vanrei awm ai. Ngari kamtangchi ly nangchi ai khiu ai ny y. Nangchi ly mai theung y aleaung nai khala y, mai my kang ai ny y. Khri pa-rei cham nairachi ly nangchi ai no patang nairachi tym hai ai ny y.

ZEPHANIAH 3:17

Nang i Areng Tameuh ly nang hawi vanrei awm; mymy i sa thai naira hawimy, nang ly eaung naira nga ai. Areng ly nang i tlang tleaung y amo theu naira nga ai. Mymy ly mymy i tamen naira hawi nang ai deung kangthaang pei ai. Mymy ly nang i molam y, amo theu nai khulym thui ai.”

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

LUKA 21:15

Nangchi i paleung ka-e bawibawichi my paka iy ei thai y ai nai, labeaung hawi cheng naira kang pei ai.

I KORINTH 10:13

khumi i kham pajau ai nai ryrei ny y baly parawi naira nanai ly nangchi i tlang tleaung y pipi tym vai y leang. Na i py Tameuh ly ka-ym awm nai ne, ni my ly nangchi kham pajau ai nai ryrei ny y baly parawi naira avum ai nai pei y ai; na i py nangchi kham pajau thai ai nai, parawi naira hawi vanrei nangchi i theu ai naira lam ang sa pi ryp ai.

I KORINTH 15:10

Na i py Tameuh i pahen nai saho y ataing nai kalawn bo; naibaly pahenra ang pei nai ly jawm sum nai by y; huna nai tleaung y ly kai ly nichi bawibawi tleaung y sa nai akawm keh; na i py kai i sa nai ny y leang, Tameuh i pahenra kai teng y awm nai i sa nai teu.

I KORINTH 2:3

Naibaly kai ly nangchi theung y ham y nai hawi jei nai khri pa-rei kaso theu nai py awm bo.

I KORINTH 2:5

kai i leu katheu nai hawi leu kang thui pi naichi ly leu kacheng y parawi nai leu ny y, na i py phailo hawi atiti sa thai naira y pany hai nai teu chy bo.

II KORINTH 11:30

Kai ly amlyh ai nai makho baly kai i ham y nai mang i atitichi molam y kamlyh ai.

II KORINTH 12:1

Avo y i py kai ly kamlyh tanga ai nai tla: na i py Areng teng i dengdairei amteng hai naira hawi pany hai naira leu kathui patawm veangveang ai.

II KORINTH 12:10

Hunai deaungkho y Krista i molam y ham y naira y py, kangji pei naira y py, rai naira y py, ana hai naira y py, dawn amchei naira y py kakawn lawh nai ne; kai i ham y naira tleirei y kaham lawh nai ne.

II KORINTH 12:15

Naibaly kai ly nangchi i phailo i vui khrikhri pa-rei kawn naimy kateaung be iy, kaimy ai kateaung be naimy awm ai. Kai ly nangchi ai khri pa-rei kang tamen nai deaungkho y, nangchi i kai ai tamen nai ly di kyh lo-oh? Ne.

II KORINTH 12:5

Huna kamta khumi i vui ly kamlyh pi ai: na i py kai i ham y nai sai ny y baly amy i vui y kamlyh y ai.

EPHESI 3:16

Ampo, kani hawi khaileaung theung y awm nai cheaungkhangchi ai amyn pathi nai i mo y ly kai ly kheukhu di;

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

KOLOSA 1:11

Naibaly nangchi ly amo theu parai naimy kham pajau naira hawi, amnym naira cheaungkhang nga u ai nai, mymy i nang parai naira ham nai sai kamta sa thai naira y ham naimy,

I TIMOTHEI 1:14

naibaly achi Areng i pahenra hawi, Krista Isu y ym naira hawi tamen naira py khri pa-rei lem na bo.

HEBRAI 11:34

mai i sa thai naira ai py padei, haisau bo kachiu y py tleaung vui, ham y naira i dengdairei ham naira py nga, atiu naira y py sorai thau, cheng takhrachi i atiu nai kamkawmchi ai py ahei hai.

HEBRAI 4:16

Hunaibaly achi ly pahenra nga thai ai nai hawi, aly aeang nai neng khala y pahenra i sabawm naira nga thai ai nai py, pahen naira areng atehra mang y vam parai naimy kasa u sina.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.