II KORINTH 12:14 - Khumi Common Language Bible

¹⁴ Khen cham, hini ly nangchi teng y kang jeu ai nai tlen thomrei angveirym nai ne: naibaly kai ly nangchi ai myn ji kang patei y leang mang; ati mana nai mo nabaly nangmychi teng i nga ai nai kang hau nai ny y leang, nangmychi ai kang hau nai teu: chanauchi my ly amhm ampo i vui pateung pi achu ai nai tlo y leang, amhm ampo my naini chanauchi i vui pateung pi achu ai nai tla.

II KORINTH 12:14 ပူးပေါင်းရင်းမြစ်များ

LEU KACHENG 11:30

Meitang naira my ly heng naira pei reng; na i py khrukhra nairachi my ly dei hai reng nai ne.

LEU KACHENG 13:22

Khumi kahawi ly my i katu chanauchi i vui y yhmtheaung khai pi pajau ai; na i py kamngo sa nai khumichi i yhmtheaung katuichi ly khumi kahawichi i kiu y tym vui ai.

LEU KACHENG 19:14

Khumi ly yhm hawi yhmtheaung katui ai, amhm ampo teng i amtym pajau. Na i py cheng naira awm nai aju ai Areng my vui pi khala naini, nga pajau nai ne.

Ezekiela 34:2

Mymy ly “Nang khumicho awi, Israela chengchi i beram typ nai keungchi ai thui tamawn ba. Nichi teng y sa thai naira angym nai kai, Areng i leu pei nai thui pi ai nai ly nangchi Israela chengchi i beram typ nai keungchi awi, nangchi ly taham si. Nangchi ly nangmychi ai apacho apanei teu i py, beramchi ai ly kry u y.

AMTAW 20:33

Ami i muku tangka mo ateaung mo kai paleung no y leang bo.

I KORINTH 10:24

Ami py amy i hawi ai naira hau y naimy, saleaungchi i hawi ai naira hau sy.

I KORINTH 10:33

hunai kamta teang kai py amy i chawn naira hau y naimy nichi heng naira nga thai ai nai, khumi neangneang i chawn naira hau lawh i, khumi bawibawichi ai cheaungkhangra y kakawn hai.

I KORINTH 11:34

Nangchi i achu nai ly tara chih naira y awm y ai nai, ami py kajeu alam baly amy i yhm y cho sy. Naibaly atiti takhra ly kai kang jeu nai khala y ka-vo kang dawn hai ai.

I KORINTH 16:5

Naibaly kai ly Makedonia pri tako prei nai bo y ly nangchi teng y kang jeu ai; Makodonia pri katako prei tanga ai nai bo.

I KORINTH 4:19

Na i py Areng my avo hai baly, kra y nai sala y my nangchi teng y kang jeu ai; hunaibaly khumi paleung len naichi i leu ny y naimy, kai ly nichi i sa thai naira kapany ai.

I KORINTH 9:12

Khumi takhrachi malawn py nangchi i tlang tleaung y hini aly peang naira nga baly, kaichi ly nga ra ai nai tlo y a? Na i py kaichi ly huni aly peang naira ly teaung y leang. Kaichi ly Krista i Satang Kahawi kang paka y ai nai kaichi ly ati cheaungkhang kham tanga nai teu.

I KORINTH 9:18

Tumbaly kai i kawn nai vang ly ati mo? Satang Kahawi y kai i aly peang naira angym pa-rei teaung y i, kai ly Satang Kahawi kathui pi iy vang ngo y naimy Satang Kahawi i kalop kasa pajau nai ne.

I KORINTH 9:19

Kai ly ami i miseaung ny y iy py, khumichi nawi nai tleaung y nawi ra naichi ai kanga thai ai nai, kai ly khumi bawibawichi i miseaung y kapalawn bo.

II KORINTH 1:15

Naibaly kai ly huni deaungkho y ym iy, nangchi ly tamen naira ly vai tlenrei nga u bi thai ai nai, nangchi teng y kang jeu manme iy khyly katau;

II KORINTH 11:9

Naibaly nangchi teng y kang awm nai kai avaw nai khala y py, ami ai py myn kaji kapatei vai y; Makedonia pri i dengdairei jeu nai amjo amnauchi ly kai i avaw nai ly ang sabawm bo; kai ly ati cheaungkhangra y nangmychi ai myn ji kapatei y naimy ka-typ bo, naibaly kai ly hunai kamta ka-typ jojo ai.

II KORINTH 12:13

Kaimy kypkyp ly nangchi ai myn ji kang patei nai molam y ny y baly, nangchi ai palau takhra kamkawmchi tleaung y anui keh naira y sa hai nai ly ati awm mo? Huni teng y naira y ly kai ai pahen u kyh.

KALATIA 4:19

Bechi awi, Krista ly nangchi theung y angpa be y ryrei ly deaungdi tapen ai achai nai kajeu kano bi nai bo he.

PHILIPI 4:1

Hunai deaungkho y amjo amnau ngai parai nai hawi adawn parai naichi, kai i kawn nai hawi kai i areng lukhymchi awi; kai i ngai parai naichi awi, hunai kamta Areng y khaw pa-rei angdo u.

PHILIPI 4:17

Kai ly atiti pei sy, nanai kahau nai ny y leang; nangmychi mang y athai peung ai nai kahau nai teu.

I THESALONIKA 2:11

naibaly nangchi ly mymy i pri hawi nang parai naira y ang palau nai keung Tameuh i khumi lawn ai ataing nai awm u thai ai nai, ampo my mymy i chanauchi i tlang tleaung y sa nai kamta ly,

I THESALONIKA 2:8

hunai kamta khyp teang, nangchi ly kaichi i ngai parai nai lawn u vui nai deaungkho y, kaichi ly nangchi ai khri pa-rei kang ngai i, Tameuh i Satang Kahawi harei khyh ny y naimy kaimychi i hengra py kang pei vui ai nai ngai nai ly.