II KORINTH 11:3 - Khumi Common Language Bible

³ Na i py pavui my cheng tapawp naira y Evi ai parawi nai kamta ly, Krista mang y meitang nai hawi chai naira i dengdairei nai ly ati mo sa iy nangchi i paleung taphra lawh na, nanai kajei pahui nai ne.

II KORINTH 11:3 ပူးပေါင်းရင်းမြစ်များ

ATITI AWM ANGCHEI NAI 3:1

Tameuh my sa nai tawnbawi cheaungkhangchi theung y, pavui ly li-tapawp naira y cheng keh nai ne. Pavui my neampachy teng y, “Tameuh my akho theung i thengthai athai cheaungkhangchi cha ai nai tlo y, ang napi nai ly ne khyp a?” napi.

ATITI AWM ANGCHEI NAI 3:13

Areng Tameuh ly neampachy teng y, “Nang ly ati mana nai y hina nai sa lawh mo?” nanai deng baly neampachy my ly “Pavui my ang parawi nai deaungkho y kacha lawh bo,” nanai pathang.

ATITI AWM ANGCHEI NAI 3:20

Adam my aju ai ly Evi, nanai amyn pathi; ati mana nai mo nabaly mymy ly khumi bawibawichi i amhm lawm nai deaungkho y ne.

ATITI AWM ANGCHEI NAI 3:4

Pavui my, “Huni ly ny y leang, ma! dei hawi ai moh.

SAM 119:53

Khumi aso y naichi my nang i reita ai khai su nai niu nai khala y, kai ly kado theu nai ne.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

ROM AVANGCHI TENG Y PAWLA I CHA PA NAI 12:8

pachei nai keung py hawihai pachei sy; atiti pei nai keung py paawh y naimy pei sy; peang nai keung py angjeng parai naimy peang sy; pahen nai keung py kawn parai naimy pahen sy.

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

II KORINTH 11:20

Ami my nangchi ai miseaung ang palawn khyly, ang cho khrai khyly, miseaung y ang hawi khyly, amymy ai apalo khyly, nangchi i meimai y ang tabeang khyly nangchi ly kham pi reng.

II KORINTH 11:29

Ami my ham y nai ne baly kai py ham y nai ny y a? Ami ai atlym hai nai ne baly kai ly angveaung nai ny y a?

II KORINTH 2:17

Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

KALATIA 1:6

Nangchi ly Krista i pahen nai saho y ang palau nai keung teng i nai Satang Kahawi takhra mang y abi u praw vui nai ly kai ly rengrang tlai kana nai ne;

KALATIA 2:4

huni ly tapawp nai amjo amnauchi ai kangviu y kun hai nai deaungkho y teu; hunichi ly kaichi ai miseaung ang palawn u thai ai nai kaichi i Krista Isu y tlamsa naira nga nai ly khen paryp ai nai kangviu y kun u bo.

KALATIA 3:1

Aw Kalatia pri i cheng y nai khumichi awi, nangchi ai ly ami my ang dawi mo? Krista Isu ai tahen nai ly nangchi i mei ka-niu y my chai pyn pa-rei amteng hai chy bo.

KALATIA 4:11

Kai ly nangchi i vui jawm my atho kasum lawh na mo, nanai kajei.

EPHESI 4:14

hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.

EPHESI 4:22

nangchi i jangni i awm nai sai, khumi kangngym, tapawp naira i ngai phi teng y nai kamta phra ryh phraryh nai ai ly leng u vui ly,

EPHESI 6:24

Achi i Areng Isu Krista ai tamen nai rawm y nai bawibawichi teng y pahenra awm sy.

KOLOSA 2:18

Ami py amy i ngai naira y leu anui nai hawi, kani pri i amtaw thau naichi ai chiu naira y teaung nai, nangchi i kawn nai vang ly lawm pi moh sy; mymy ly mymy i atitichi niu naira y awm jojo iy, mymy i tlang i paleung deaungkho y am-e atyhtyh nai, Lu y amkhaw cheng y nai veng:

KOLOSA 2:4

Ami py nangchi ai leu kakawp y ang tapawp y ai nai huni ly kana nai ne.

KOLOSA 2:8

Amkym u, ti y baly ami py Krista i leu kamta ny y naimy, khumi i reita taviu nai hawi khaileaung pri i pakeungchi kamta ne lawh iy, ni i leu kacheng hawi tapawp atyhtyh naira y nangchi ai ang patiu lawh na.

I THESALONIKA 3:5

Hunai deaungkho y kham pajau y nai kha y ly parawi nai keung my nangchi ai parawi vui lawh iy, achi i sa akawm nai ly jawm jawm sum lawh na, nanai nangchi i ym nai sai kapany thai ai nai kang pato nai ne.

I TIMOTHEI 1:3

Amichi ai mo ly patiu naira takhra ly den py patiu y ai nai hawi, leuchih rumrang hawi deung kamtawm satang temma pany y nai dawn y ai nai py (huni amjychi ly ym naira y awm nai Tameuh i patiu naira palo y naimy aei naira sa lawh veng),

I TIMOTHEI 2:14

naibaly Adam ly tapawp naira y awm nai ny y, neampachy naini tapawp naira y awm i, taphra naira atlym bo;

II TIMOTHEI 3:13

Na i py khumi kamngo hawi tapawp nai keungchi ly tapawp nai hawi tapawp naira y awm nai ly kamngo naira y ty ra ty ra ai.

TITA 1:10

Leu tangai y naimy atiti thui rumrang nai hawi tapawp nai khumi neangneang awm: lengkhym takip naichi ly ty keh:nichi i labeaung tamym ai nai tla;

HEBRAI 13:9

Patiu naira amjy takhra takhra hawi, pany vai y nai my py nangchi ai pajau vui ai nai pei u moh:paleung ly cha ai naichira y ny y naimy, pahenra deaungkho y khaw naira nga nai ly hawi:huni mang y asa naichi ly hunira y chawn naira ngo u lawh y leang.

II PETERA 3:17

Hunaibaly ngai parai naichi awi, nangchi ly huni satang pany rym nai deaungkho y amkym u, hu ti y baly khumi kamngochi i teng y naira y ang pahawi iy khaw u nai thym khala y ly atlym u lawh na.

II PETERA 3:3

Hini ly pany u man ba; kani kangkhym y ly panui hai nai keungchi ly mymychi i ngai phi teng y nai kamta tako iy,

I JOHAN 2:18

Bechi awi, kangkhym kangtem i neng ly tym bo; Krista ai paka nai keung ang jeu ai, nanai nangchi i thai nai kamta ly vai py Krista ai paka nai keung neangneangchi ang theu nai bo; hunai deaungkho y kangkhym kangtem i neng ly tym bo, nanai achi pany bo.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

AMTENG HAI NAI 12:15

Naibaly pavui ly tui sambo my huni neampachy ai lawi vui thai ai nai mymy i ni thun y ly jangpang ka-tawn khyp naimy mymy i labeaung i deungdairei tui patheu.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

AMTENG HAI NAI 20:2

naibaly mymy ly huni naka, jangni jangkhawn kha i awm nai pavui, Diabola hawi Setan napi nai ai patiu i, saneng sangrei i vui y kawm bo: