II KORINTH 11:26 - Khumi Common Language Bible

²⁶ khuleaung neangneang chei naira y py, tavo takhra takhra ka-jei awm naira y py, damrachi ka-jei awm naira y py, kai i chengchi teng y ka-jei awm naira y py, Cheng Takhrachi teng y ka-jei awm naira y py, avang pui y ka-jei awm naira y py, daichi ka-vym y ka-jei awm naira y py, pangli y ka-jei awm naira y py, amjo amnau tapawp naichi theung y ka-jei awm naira y py;

II KORINTH 11:26 ပူးပေါင်းရင်းမြစ်များ

AMTAW 13:45

na i py Judachi ly khumi mipuichi ai niu baly khrikhri pa-rei paleung no iy, Pawla i leu thui nai ly ei akhikan nai khri pa-rei chawn i thui py thui tamawn.

AMTAW 13:50

Na i py Judachi ly tahm asang nai hawi Tameuh ai tahm khai nai neampachychi ai hawi, avang miteaung kehchi ai py pachei i, Pawla hawi Barnaba nini ai ly ana hai piupa iy, mymychi i meingtym dengdairei nini ai patheu bo.

AMTAW 14:19

Na i py Antiokei hawi Ikonion avang i nai Juda amichi mo hu y tym iy, khumi mipuichi ai ly parawi tanga bo; hunaibaly nichi ly Pawla ai lengseaung y aphi i dei ai nai athang khai nai deaungkho y avang i dengdairei ryh bo.

AMTAW 14:5

Naibaly Cheng Takhrachi hawi Judachi ly mymychi i miteaung kehchi hawi nini ai khri pa-rei kangji khai nai sa nai hawi, lengseaung y aphi ai tau nai thym khala y ly nini ly pany i,

AMTAW 15:40

Pawla my ly Sila ai vawi i, amjo amnauchi my ni ai Areng i pahenra y au nai bo y theu vui bo.

AMTAW 17:13

Na i py Thesalonika avang i Judachi ly Pawla ly Beroia avang y py Tameuh i leu thui pi, nanai thai baly, hu y py chei u i khumi mipuichi ai thui thli iy khrukhra hai bi bo.

AMTAW 17:5

Na i py Judachi my paleung no i, seng meingtym y khumi kamngo atho kasi amichi ai mo mymychi teng y pahawi iy, khumi mipuichi ai palau achu i avang bawibawichi ai ly khrukhra hai; naibaly Jason i yhm y amiu iy nichi ai khumi mipuichi teng y pahawi ai nai tau.

AMTAW 18:12

Na i py kaliona, Akaia pri y samrang i jeng y awm nai thym khala y Judachi my Pawla ai ly ni akrai krup i, tara chih nai atehra mo y pahawi iy,

AMTAW 19:1

Naibaly Apolo ly Korinth avang y awm nai sala y Pawla ly tleng mang i ka-peang amki be pajau nai Ephesi avang y tym iy,

AMTAW 19:23

Naibaly huna nai thym khala y ly Lam molam y khrukhra ala nai khrukhra y alam na bo.

AMTAW 20:19

leu anui y hawi, meikatui tla nai hawi, Judachi my ang bawm ai tau nai deaungkho y atiti ngari kai i tlang tleaung y tym nai patang nai tarawi y Areng i kalop kasa nai ly;

AMTAW 20:3

Naibaly hu y ly lo thomrei kra nai bo y Suria pri y paleaung mang chei ai nai thym kha y Judachi my mymy ai bawm ai tau nai deaungkho y Makedonia pri mang vawi prei ai nai tau lawh veng.

AMTAW 23:10

Naibaly aei nai ty ra ty ra nai deaungkho y tavaimi lu areng keh my ly nichi my Pawla ai lawm meimeaung ai nai jei hai i, tavaimichi teng y, “Chei u ly, nichi theung i dengdairei ni ai athorei my la vui iy, apai theung i yhm y pahawi u kalau,” nanai leu pei.

AMTAW 25:3

Jerusalem y ni ai pahawi ai nai pahenra hnei, lam sala y o iy padei ai nai tau.

AMTAW 27:42

Naibaly tavaimichi ly theaung y tla naichi ai padei ai nai arum, ti y baly amichi my tui y jau iy preang lawh na, nanai jei.

ROM AVANGCHI TENG Y PAWLA I CHA PA NAI 15:19

ka-ma-rachi hawi rengrangchi atiti sa thai naira y py, Phailo Kachai i atiti sa thai naira y py, kai ai angteaung nai atiti sa naichi ny y baly kai ly ati sai py kathui vam y leang. Hunaibaly Jerusalem avang hawi huni tengtang i dengdairei Hurikon pri y khairei Krista i Satang Kahawi ly meingtym tleirei y kathuipi angym bo.

ROM AVANGCHI TENG Y PAWLA I CHA PA NAI 8:35

Krista i tamen naira i dengdairei ly ami my ang taprei ai mo? Patang naira my mo, khrikhri paleung mawn naira my mo, ana hai naira my mo, takang my mo, tlang ka-keu naira my mo, ka-jei awm naira my mo, haisau my mo taprei ai a?

I KORINTH 15:30

Ati mana nai kaichi py neng tleirei y ka-jei awm naira y kaawm u lawh mo?

I KORINTH 15:32

Kai ly khumichi i sa nai kamta Ephesi avang i mawi kasichi hawi ani nai ne baly, kai i vui ati amran ai mo? Kadeichi ai pathau nai by y baly cho nei u sina bei, achi ly khawndam dei ai chy bo.

II KORINTH 11:32

Damaska avang pui i areng Areta anui i peang nai keung my ly kai ai ang patiu ai nai Damaska avang pui typ hai bo;

KALATIA 2:4

huni ly tapawp nai amjo amnauchi ai kangviu y kun hai nai deaungkho y teu; hunichi ly kaichi ai miseaung ang palawn u thai ai nai kaichi i Krista Isu y tlamsa naira nga nai ly khen paryp ai nai kangviu y kun u bo.