II KORINTH 11:22 - Khumi Common Language Bible

²² Nichi ly Hebraichi ne a? Kai py ne teang. Nichi ly Israelachi ne a? Kai py ne teang. Nichi ly Abraham i kangpreangchi ne a? Kai py ne teang.

II KORINTH 11:22 ပူးပေါင်းရင်းမြစ်များ

2 NENG SATANG 20:7

Nang ly kaichi i Tameuh ne. Nang i khumi Israela chengchi ly hini pri y kun nai thym khala, nang ly hini pri y awm yb nai khumichi ai patheu vui iy, hini pri ly nangmy i ahawi Abraham i kangpreangchi teng y deungtasarei amtym ai nai pei pi bo.

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

THEU NAI 3:18

“Nichi ly nang i leu tangai u ai. Hunaibaly nang ly Israela lu sa naichi hawi vanrei Pharao samrang teng y chei iy, ‘Kaichi ly Hebrai chengchi i Areng Tameuh hawi avum bo; kaichi ly Areng Tameuh teng y apathyp ai nai daichi ka-vym y kani thomrei chei ai nai pei kyh,’ nanai hnei.

THEU NAI 5:3

Naibaly Mosi hawi Aron nini my, “Hebrai chengchi i Tameuh ai kaini ly niu nai ne. Kaichi i Areng Tameuh teng y apathyp ai nai kani thomrei ka-teng daichi ka-vym y chei ai nai pei tanga kyh; kaichi ly huna nai so y baly tavai keung y mo, no kanghawi y mo, kaichi ai ang padei ai,” napi.

THEU NAI 7:16

Samrang teng y, ‘Hebrai chengchi i Areng Tameuh my, kai i khumichi ai daichi ka-vym y kai ai chiu ai nai chei hai, nanai thui pi ai nai kai ai ang pato nai ne; na i py nang ly vai khrairei tangai pi y lawh be.

THEU NAI 9:1

Areng my Mosi teng y, “Samrang teng y chei ly Hebrai chengchi i Areng Tameuh my, ‘Kai ai chiu ai nai kai i khumichi ai chei ai nai pei.

THEU NAI 9:13

Naibaly Areng my Mosi teng y, “Khawndam khawn angthodyh samrang teng y chei ly ni teng y Hebrai chengchi i Areng Tameuh my, ‘Kai i khumichi kai ai chiu ai nai chei hai ang napi.

MATTHAI 3:9

nanai paleung theung y adawn u moh; Tameuh my hini lengseaungchi ai ly Abraham i kangpreang y angdo hai thai na a, kang napi.

AMTAW 22:3

naibaly mymy ly, “Kai ly Juda khumi ne, Kilki pri i Tarsa avang y tapen nai, na i py hini avang achi i amsi sangumchi i Reita kamta kypkyp Kamaliela i kheu keung y amtiu naira y tleaungri ka-veang nai ne, vaini ly nangmychi bawibawi ka-tawm khyp naimy Tameuh i vui y kadawn pathyp nai ne:

AMTAW 6:1

Naibaly huni neng y abangnaichi peung dudu nai khala ly, kani tleirei atiti amji naira y mymychi i neampachy lumaichi ai dawn hai y lawh nai deaungkho y Krik pri i Judachi ly Hebraichi i tlang tleaung y josei u bo.

ROM AVANGCHI TENG Y PAWLA I CHA PA NAI 11:1

Tumbaly Tameuh ly mymy i khumichi ai ly aphi vui a? Ny y leang. Kai py Israelacho, Abraham i kangpreang Benjamin cheng ne.

ROM AVANGCHI TENG Y PAWLA I CHA PA NAI 9:4

Nichi ly Isaelachi ne; chanau lawn naira py, tahm asang naira py, leu maikawm bawibawi py, Reita peinai py, Tameuh ai chiu ai nai py, leu adeu nai bawibawichi py mymychi i ne;

KALATIA 3:16

Naibaly Abraham teng y hawi, mymy i kangpreangchi teng y py atiti leu adeu hai nai ne. Khumi neangneangchi i molam leu thui nai kamta, “Kangprengchi teng y py,” tapi y; na i py leaungrei molam leu thui nai kamta, “Nang i kangpreang teng y py,” napi nai ne lawh veng; huni ly Krista ne.

PHILIPI 3:5

kai ly kani tajarei kani y lengkhym takip nai py ne, Israela i kangpreang benjamin cheng i khumi py ne, Herbraichi theung y Herbrai y tapen nai py ne; Reita mang y ly Pharisai py ne;