II KORINTH 11:2 - Khumi Common Language Bible

² Tameuh i takho hai naira kamta nangchi ai kang takho hai nai ne; kai ly nangchi ai Krista teng y ly anglo kachai kamta kang pei thai ai nai, juvo leaungrei angam pi na a.

II KORINTH 11:2 ပူးပေါင်းရင်းမြစ်များ

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

Ezekiela 44:22

Pathyp pi nai keung ami py juvo akhai nai neampachy hawi apom ngau y. Israela anglo lengmyn, ti y baly pathyp pi nai keung i aju tavau hawi naini apom thai khyh.

JOHAN 3:29

Aju la nai keung ly neampachy ai nga nai keung ne: na i py angdo iy ni i leu thai nai aju la nai keung i ahawi ly, aju la nai keung i raawi deaungkho y khrikhri pa-rei kawn; hunai deaungkho y hini kai i kawn naira ly tym angym nai bo he.

ROM AVANGCHI TENG Y PAWLA I CHA PA NAI 7:4

Hunai kamta teang amjo amnauchi awi, achi ly Tameuh mang y athai nga thai ai nai, nangchi ly khumi takhra, kadeichi theung i nai pathau chum veng nai keung hawi amtawm thai ai nai, Krista i tlang deaungkho y nangchi ai ly Reita molam y ang dei hai bo.

I KORINTH 4:15

Nangchi ly Krista y patiu nai keungchi kati pajau y pa-rei awm iy py, nangchi ly ampo neangneang by y leang; kaimy Krista Isu y Satang Kahawi saho y kang tapen nai teu.

II KORINTH 4:14

Areng Isu ai pathau nai keung my ly kaichi ai py Isu teng y vanrei pathau teang iy, kaichi ai nangchi hawi vanrei angdo hai ai, nanai kaichi pany.

KALATIA 4:11

Kai ly nangchi i vui jawm my atho kasum lawh na mo, nanai kajei.

PHILIPI 1:8

Naibaly Isu Krista i paleung verei y pahen nai kamta nangchi bawibawi ai khri pa-rei kang ngai nai sai ly, Tameuh ly kai ai ang pany hai nai keung ne.

KOLOSA 1:28

kaichi my khumi leaung leaungrei ai parip iy, khumi leaung leaungrei ai cheng naira cheaungkhang y patiu nai, mymy i satang kaichi my thui pi reng nai ne:

I THESALONIKA 2:11

naibaly nangchi ly mymy i pri hawi nang parai naira y ang palau nai keung Tameuh i khumi lawn ai ataing nai awm u thai ai nai, ampo my mymy i chanauchi i tlang tleaung y sa nai kamta ly,

AMTENG HAI NAI 14:4

Hunichi ly angai nai deaungkho y amymy ai chai hai y naichi ny y; nichi ly kachym phyh ne. Hunichi ly Beram Cho i tako nai tleirei y ni teng y abang naichi ne. Nichi ai ly Tameuh i vui y hawi, Beram Cho i vui y py athai man naichi lawn ai nai khumichi theung i dengdairei atleu nai ne.