II KORINTH 10:5 - Khumi Common Language Bible

⁵ aei nairachi hawi Tameuh ai pany naira paka ai nai tahm asang parai nairachi ai py aphrei iy, dawn naira cheaungkhang ai ly Krista i leu tangai nai miseaung y hawi nai ne;

II KORINTH 10:5 ပူးပေါင်းရင်းမြစ်များ

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

2 ARENG KEH 19:22

Nang ly ami ai thui tamawn nai mo, nanai nang pany a? Nang ly Israela chengchi i chai parai nai kai Tameuh ai tahm khai y lawh ly.

2 ARENG KEH 19:28

Nang i kado theu nai hawi paleung len naichi py, kai ly thai bo. Hunai deaungkho y kai ly nang ai nodo pheu, labeaung pakau iy jeu nai lam mang vawi hai ali teang ai,” napi.

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

SAM 10:4

Khumi aso y naichi ly Areng ai dawndan y; ni ly amlyh am-e iy Tameuh by y, nanai dawn jojo.

SAM 139:2

Nang ly kai i sa nai ngiereichi pany; kai i dawn pasym nai ngiereichi ai kamlo mang my pany nai ne.

SAM 18:27

Mymy ly paleung apanem nai khumichi ai atleu bo. Na i py paleung len amlyh nai khumichi ai ly tahm anem hai vui nai ne.

SAM 18:44

Cheng takhra khumichi ly kai i mo y lu meung u; nichi ly kai i leu pei nai thai nai khala tangai u bo.

THEU NAI 5:2

Samrang my ly “Huni Areng ly ami mo? Kai ly ati mana nai y huni Areng i leu tangai iy, Israelachi ai chei ai nai pei ai mo? Kai ly huni Areng ai pany y nai deaungkho y Israela chengchi ai pato pajau y leang,” napi.

LEU KACHENG 15:26

Areng ly hawi y nai ka-dawnchi ai niu ngai y; na i py leu kamrawichi ai ly kawn nai ne.

LEU KACHENG 24:9

Khumi ka-khum i dawn pasym nai bawibawi ly kamngo sa tamang reng. Amichi i tlang tleaung y mei aniu y nai sa nai khumi ai ly khumichi my niu ngai y nai ne.

ISAIA 2:17

Khumichi i haiho jum iy paleung len amlyh naichi ly phra ai. Huni neng tym nai khala y, Areng leaungrei naini, tahm asang naira avum ai. Mynchi ly tama angchi khyp ai.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

ISAIA 59:7

Nangchi ly hawi y nai sai sairei dawn jojo naimy, kamngo sa ai nai ajeng u keaung na. Kamngo by y nai khumi ai padei ai nai kiu patyh y. Nangchi tym nai meingtym tleirei y, phra nairachi naini awm jo nai ne.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

JEREMIA 23:29

Kai i leu pei nai ly mai hawi atawm iy, lengseaung ai atum phiu thai nai chaki hawi atawm.

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

Ezekiela 17:24

Kai ly Areng ne, nanai hini pri y awm nai dengkeaung bawibawichi my pany ai. Kai ly dengkeaung ka-sangchi paliu iy dengkeaung lochi asang hai ai. Dengkeaung ngam heng-up nai keungchi ai ly ngam ajawi hai iy, ngam ajawi rawm nai keungchi ai ly heng-up hai ai. Hini ly kai, Areng i leu pei nai ne. Kai ly kaimy i leu kamta kasa ai,” napi.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

MATTHAI 15:19

Paleung theung i nai kamngo dawn naichi, khumi ai padei naichi, pajang sa naichi, angai naichi, paviu naichi, seu rumrang naichi, thui tamawm naichi py theu:

LUKA 1:51

Atho awm nai sai ly mymy i kiuban y amteng bo; Am-e naichi ai ly mymychi i paleung adawn naira y ahei hai bo.

ROM AVANGCHI TENG Y PAWLA I CHA PA NAI 1:21

nichi ly Tameuh ai pany u iy, mymy ai ly Tameuh kamta tahm py khai u y, kawn nai leu py thui u y; nichi ly sai py ny y nai dawn u lawh i, mymychi i pany thai naira by y nai paleung ly veng bo.

ROM AVANGCHI TENG Y PAWLA I CHA PA NAI 1:5

mymy i amyn deaungkho y cheng cheaungkhang theung i khumichi ai ly ym naira patawm hai ai nai, kaichi ly mymy deaungkho y pahenra hawi amtaw thau nai keung lawn ai naira py nga bo;

ROM AVANGCHI TENG Y PAWLA I CHA PA NAI 16:26

naibaly leu kathiu amteng hai nai kamta (huni leu kathiu ly deungtasa dengdairei aheu reng i, vai naini amteng hai nai ne; naibaly deungtasa khrairei awm nai Tameuh i leu pei nai kamta, ym naira patawm ai nai, amochi i cha-iu leu ly cheng cheaungkhangchi teng y pany hai nai bo):

ROM AVANGCHI TENG Y PAWLA I CHA PA NAI 7:23

na i py kai i tlang kangpreichi theung y ly reita takhra awm, nanai kapany; huni ly kai i paleung i reita ai tiu i, kai i tlang kangpreichi theung y kamngo awm nai reita teng y miseaung y ang hawi.

I KORINTH 1:19

“Khumi kacheng i cheng naira ly katama hai ai, Ka-vo dawn thai naichi i ka-vo dawn thai naira py kapaka vui ai,” nanai tajiu nai awm.

I KORINTH 3:19

Ati mana nai mo nabaly hini khaileaung pri i cheng naira ly Tameuh i dawn naira y ly pathu nai ne. “Mymy ly khumi kachengchi ai ly mymyychi i cheng tapawp naira y man hai reng,” nanai hawi,

II KORINTH 11:20

Ami my nangchi ai miseaung ang palawn khyly, ang cho khrai khyly, miseaung y ang hawi khyly, amymy ai apalo khyly, nangchi i meimai y ang tabeang khyly nangchi ly kham pi reng.

II KORINTH 9:13

hini sabawm naira y nangchi ai ang cham nai deaungkho y, Krista i Satang Kahawi mang y nangchi i leu ym u nai patawm nai sai deaungkho y hawi, mymychi i vui hawi khumi bawibawichi i vui khai achu naira y nangchi i atiti paawh y naimy pei nai deaungkho y py, nichi ly Tameuh ai tahm pasang nai chy bo;

Leu Thui Nai 15:9

Kalai palawi pi pyn ai nai saneng kasa teu i py, ni teng y alai ai pei y nai awm moh. Nang teng y huna nai nun-si nai ka-dawn kun moh. Nang ly ni teng y alai ai nai pei y baly ni ly Areng teng y amti pi ai i, nang ly kamngo sa nai tla lawh ai.

PHILIPI 4:7

Hunaibaly Tameuh teng i awmnem naira, den py pany bawi pajau y nai my ly, nangchi i paleung hawi dawn nairachi py Isu Krista y ang typ pi ai mang.

II THESALONIKA 2:4

Ni ly Tameuh nanai amyn pathi nai ngierei ai hawi chiu nai amjy bawibawi ai tiu nai, nichi i tlang tleaung y tahm apasang ai; hunaibaly ni ly Tameuh i achura yhm kalen pui y ateh iy Tameuh kamta apalawn ai.

II THESALONIKA 2:8

Huni bo y Reita Taphra Nai Keung ly amteng ai bo, naibaly Areng Isu my ni ai ly mymy i labeaung i taho nai y padei ai, naibaly ang jeu nai hawi amteng nai deaungkho y ni ai tama hai.

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

I PETERA 1:2

Bithunia pri y py ahei nai, leu tangai ai nai hawi Isu Krista i thi hei nai nga ai nai Phailo i khai takhra nai hawi, Ampo Tameuh i pany rym nai kamta vawi naichi teng y ly; Nangchi i tlang tleaung y pahenra hawi awmnem naira py peung hai dudu nai tym sy.

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang: