II KORINTH 1:20 - Khumi Common Language Bible

²⁰ Tameuh i leu adeu naichi ly majirei py ne sy mymy y ly Ne, nanai awm; hunaibaly kaimychi deaungkho y Tameuh ai tahm pasang ai nai, mymy deaungkho y Amen, nanai ly awm nai ne.

II KORINTH 1:20 ပူးပေါင်းရင်းမြစ်များ

ATITI AWM ANGCHEI NAI 22:18

Nang ly kai i leu tangai nai saho y, nang i kangpreangchi ai amtheaung hai nai kamta, khaileaung pri y awm nai khumi cheng cheaungkhangchi my py, amtheaung naira nga ai nai kai teng y takeng u ai,” napi.

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

SAM 102:16

Areng my Zion mary palum teang nai khala ly mymy i nang parai nai sai amteng hai ai.

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

ISAIA 65:16

Mymy i pri y amtheaung naira nga nai khumi ngiereichi ly ka-ym awm nai keung Tameuh teng i amtheaung naira hnei u ai. Vaineng abeu nai ngiereichi py, ka-ym awm nai keung Tameuh i amyn y tau iy, vaineng abeu u ai. Jangni khala i ngari kamtangchi ly tama iy, hunichi ai khumichi ly tami u pawn ai,” napi.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

LUKA 2:14

“Salo Kangteng i Tameuh nang parai nai awm sy, Khaileaung tleaung i mymy i kawn parai nai khuhmichi teng y aly nai awm sy,” nanai Tameuh ai palo.

JOHAN 1:17

Ati mana nai mo nabaly Mosi i saho y Reita ang pei bo; na i py pahenra hawi leu meitang py Isu Krista i saho y tym.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 3:5

Isu my pathang i, “Meitang khypkhyp kang thui pi, khumi ami py tui y hawi Phailo y tapen y baly Tameuh i peang naira y kun thai y leang.

ROM AVANGCHI TENG Y PAWLA I CHA PA NAI 11:36

Mymy teng i dengdairei hawi, mymy deaungkho y hawi, mymy i vui py atiti bawibawi awm nai ne. Mymy teng y ly deungtasa khrairei palo naira awm jojo sy. Amen.

ROM AVANGCHI TENG Y PAWLA I CHA PA NAI 6:23

Ati mana nai mo nabaly kamngo vang ly dei naira ne; na i py Tameuh i jawm pei nai ly achi i Areng Isu Krista i saho y deungtasarei heng naira ne.

I KORINTH 14:16

Ti y baly phailo y nang ly amtheaung hai baly, neangneang pany y naichi i awm naira y awm nai khumi my ly nang i kawn nai leu thui naira y ly leu thai y pui baly, mana Amen napi thai ai mo?

II KORINTH 4:15

Naibaly pahenra ai ly khumi nawi keh naichi i saho y peung hai nai awm iy, huni my ly Tameuh ai palo ai nai khri pa-rei kawn nai leu ang theu hai thai ai nai, ati cheaungkhang ly nangchi i vui hawi ai naira ne.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

KALATIA 3:22

Na i py Isu Krista ai ym nai deaungkho y atiti adeu nai ly mymy ai ym nai keungchi teng y pei nai lawn thai ai nai, Tameuh i cha-iu ly kamngo i anui y ati cheaungkhang bebe kho hai veng.

EPHESI 1:6

Huni pahenra ly Ngai Parai Nai y jawm my ang pei;

EPHESI 2:7

Hunaibaly mymy ly neng tym ai naira y ly Krista Isu y achi i tlang tleaung y neaung hawi nai deaungkho y, mymy i pahenra khri pa-rei nawi nai sai ly patei pajau ai.

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

II THESALONIKA 1:10

nichi ai ly Areng hawi mymy i nang parai nai atiti sa thai naira i dengdairei deungtasarei tama ai naira khrairei patheu iy, ngari patang ai.

HEBRAI 11:13

Hunichi bawibawi ly ym nai tarawi y dei u bo:nichi ly adeu nairachi ngo y naimy palo parai naira i dengdairei niu py niu, kawn py kawn, naibaly nichi ly hini khaileaung pri y angvyn hawi pri takhra khumi ne, nanai apany hai bo.

HEBRAI 13:8

Isu Krista ly jangdyh py, vaini py, deungtasa khrairei py huna jojo.

HEBRAI 7:6

Na i py nichi theung y mymy i kangpreangchi patawm teang y nai keung ly Abraham teng y horei y harei la i, leu adeu nai nga nai keung ai ly amtheaung py amtheaung hai teang.

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.

I JOHAN 5:11

Tameuh my deungtasarei hengra ang pei i, huni hengra ly mymy i Chapo teng y awm, nanai ly pany hai naira ne he.

AMTENG HAI NAI 3:14

“Naibaly Leiodikeia avang i kani pri i amtaw thau nai teng y hinai kamta tajiu: ‘Areng lawn nai, pany hai nai keung ka-ym awm nai hawi meitang, Tameuh i atiti sa nai pakeung i leu thui nai ly hini ne he:

AMTENG HAI NAI 7:12

naibaly nichi ly areng atehra mo y ambeu u i, “Amen: Amtheaung naira hawi, nang parai naira hawi, cheng naira hawi, kawn naira hawi tahm pasang naira hawi sa thai naira hawi, ham naira py achi i Tameuh teng y deungtasarei awm jojo sy. Amen,” nanai Tameuh ai chiu u bo.