II KORINTH 1:19 - Khumi Common Language Bible

¹⁹ Ati mana nai mo nabaly Tameuh i Chapo Isu Krista, mymy i satang kai hawi Silvana hawi Timothei py nangchi theung y kaichi my kang thui pi nai ly, Ne, nanai hawi, Ny y, nanai ly ne mei y leang, na i py mymy y ly Ne, nanai awm.

II KORINTH 1:19 ပူးပေါင်းရင်းမြစ်များ

SAM 2:7

Samrang my, “Areng i amteng hai naichi kaimy thai hai ai; mymy ly kai teng y, “Nang ly kai i chapo ne; vaini my kai ly nang i ampo lawm bo.

THEU NAI 3:14

Tameuh my, “Kai i amyn ly Kai ne: “Kai ne”, nanai leu sai ly Hebrai leu y Jehovah, nanai ne; huni ai ly khumi leu y “Areng” nanai leu tapeang bo. Kai nanai amyn awm nai keung ly nangchi teng y kai ai pato nai ne,’ nanai Israela chengchi teng y thui pi ai nai tla,” napi.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MATTHAI 24:35

Kani khaileaung ly tama ai i, kai i leu ly tamo y ai.

MATTHAI 27:40

“Nang achura yhm kalen pui aphrei iy kani thomrei nai sala y sa teang ai nai keung awi, aplawi ly, nang ly Tameuh i Chapo ne baly kraws tleaung i nai satlo kathiu bei,” napi nai panui hai.

MATTHAI 27:54

Naibaly tavaimi chungvairei lu hawi mymy teng y Isu ai typ naichi ly kaleih theu nai hawi, atiti tym nai sai niu i khri pa-rei jei u na, “Hini khumi ly Tameuh i Chapo ne khyp nai bo,” napi.

MATTHAI 3:17

Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.

MATTHAI 4:3

Naibaly parawi nai keung ly tym i mymy teng y, “Nang ly Tameuh i Chapo ne nabaly hini lengseaung ly tako lawn ai nai leu pei bei,” napi.

MARKA 1:1

Tameuh i Chapo Isu Krista i Satang Kahawi angchei i nai ly.

LUKA 1:35

Naibaly kani pri i amtaw thau nai my ly pathang i mymy teng y, “Nang i tlang tleaung y Phailo Kachai tym ai i, Salo Kangteng i atiti sa thai naira ly nang ai khiu ai mang; hunai deaungkho y nang i tapen ai nai py kachai, Tameuh i Chapo napi ai.

JOHAN 1:34

Kai ly niu bo, naibaly hini ly Tameuh i Chapo ne, nanai kapany hai bo,” napi.

JOHAN 1:49

Nathanaela my ni teng y, “Rabbi, nang ly Tameuh i Chapo ne, nang ly Israelachi i Samrang ne,” nanai pathang.

JOHAN 19:7

Judachi ly ni teng y, “kaichi i reita harei awm, mymy ly Tameuuh i Chapo amlawn nai deaungkho y huni reita i leu y dei ai nai tla,” nanai pathang u.

JOHAN 20:28

Thoma my ni teng y, “Kai i Areng hawi kai i Tameuh,” nanai pathang.

JOHAN 20:31

na i py Isu ly Krista, Tameuh i Chapo ne, nanai nangchi ym ai nai hawi, nangchi ym iy mymy i amyn y hengra nga ai nai py hinichi tajiu nai ne.

JOHAN 3:16

“Tameuh my khaileaung pri y khrikhri pa-rei tamen, hunaibaly my i Chapo leaungrei awm khyh nai pei keih, ami py mymy ai ym nai ngierei ly tamo y ai, deungtasarei hengra nga lawh ai.

JOHAN 6:69

Nang ly Tameuh i Khumi Kachai ne, nanai kaichi ym i, pany py pany bo,” nanai pathang.

JOHAN 8:58

Isu my nichi teng y, “Meitang khypkhyp kang thui pi, Abraham by y rai khala y py kai ly awm nai bo,” napi.

AMTAW 15:22

Naibaly amtaw thau naichi hawi, miteaung kehchi hawi, palau takhra kamkawm bawibawichi hawi ly mymychi i kamkawm theung i nai khumichi ai vawi iy, Pawla nini Barnaba hawi vanrei Antiokei avang y pato baly hawi, na u; Juda, Barsaba napi nai hawi Sila py, amjo amnauchi theung y miteaung keh kyh nai, nini ai vawi.

AMTAW 16:1

Naibaly mymy ly Derbe avang y hawi Lustra avang y py tym; naibaly khen cham, hu y amyn Timothei abangnai leaungrei awm, mymy ly ym nai Juda neampachy i chapo ne, na i py ampo ly Krik khumi ne.

AMTAW 18:5

Na i py Sila nini Timothei ly Makedonia pri i dengdairei tym kathiu kha ly Pawla ly paleung am-yh pajau y nai awm i, Isu ly Krista ne, nanai Judachi teng y thui pi pachai.

AMTAW 8:36

Naibaly lam y chei hawi nai thym khala y ly mani tui awm naira y mo tym i, tli chum nai khumi my ly, “Khen cham, hi y tui awm, kai baptisma nga ai nai ly ati my ang paka rai mo?” napi.

AMTAW 9:20

Naibaly mymy ly Damaska avang i awm nai abangnaichi teng y ly kani majirei mo awm, naibaly achura yhm y Isu ly Tameuh i Chapo ne, nanai thui pi praw.

II KORINTH 1:1

Pawla, Tameuh i kangai y Krista Isu i amtaw thau nai hawi achi i amjo amnau Timothei ly, Korinth avang i Tameuh i palau takhra kamkawm teng y hawi, Akaia pri verei y khumi kachai awm nai bawibawichi teng y py:

I THESALONIKA 1:1

Pawla nini Silvana hawi Timothei ly, Ampo Tameuh hawi Areng Isu Krista y awm nai Thesalonika avang i palau takhra kamkawm teng y ly: Pahenra hawi awmnem naira ly nangchi teng y awm sy.

II THESALONIKA 1:1

Pawla nini Silvana hawi Timothei ly Tameuh achi i Ampo hawi Areng Isu Krista y awm nai Thesalonika avang i palau takhra kamkawm teng y ly:

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

HEBRAI 1:11

Hunichi ly tama pawn ai i, Nang ly awm jojo ai nai ne: Hunichi bawibawi ly ateaung kamta ly tangym ai i,

HEBRAI 13:8

Isu Krista ly jangdyh py, vaini py, deungtasa khrairei py huna jojo.

I PETERA 5:12

Achi i amjo amnau ka-ym awm parai nai, athang kakhai nai Silvana i kiu y ly nangchi ai pachei ai nai hawi, huni ly Tameuh i pahenra tatang ne, nanai pany hai ai nai py nangchi teng y cha kadawi pe chy katajiu nai ne: hunira y ly kahawi angdo u.

II PETERA 1:17

Naibaly khri pa-rei nang parai naira i dengdairei mymy teng y raawi tym i, “Hini ly kai i Chapo ngai parai nai ne: kai ly mymy i tlang tleaung y khri khti pa-rei kakawn parai,” nanai thym khala y ly, ni ly Ampo Tameuh teng i dengdairei tahm pasang naira hawi nang parai naira nga bo.

I JOHAN 1:3

nangchi py kaichi hawi amkawm teang thai ai nai, huni kaichi i nui nai hawi thai nai ly nangchi teng y kang thui pi nai he; ne, naibaly kaichi hawi amkawm nai ly Ampo hawi, mymy i Chapo Isu Krista hawi amkawm nai ne:

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.

II JOHAN 1:9

Ami py Krista i patiu nai leu y awm jo y iy katlen vui nai keung ngierei teng y ly Tameuh by y:huni patiu nai leu y awm jo nai keung ly, huni khumi kypkyp teng y ly Ampo hawi Chapo py awm abom mei nai ne.

AMTENG HAI NAI 1:11

“Nang i atiti niu nai ly cha-iu y tajiu iy, palau takhra kamkawm saryhrei, Ephesi avang hawi, Smurna avang hawi, Perkamon avang hawi, Thuatira avang hawi, Sardisa avang hawi, Philadelphia avang hawi, Leiodikeia avang teng y py pa,” nanai kathai.

AMTENG HAI NAI 1:17

Naibaly mymy ai kaniu khala y mymy i kheu keung y dei nai kamta ka-tlym mawp. Naibaly ni ly mymy i lamtang mang i kiu y kai ai nam iy,

AMTENG HAI NAI 1:8

Vai awm nai hawi, jangni i dengdairei awm nai hawi, vai momang y awm ai nai Atiti py Sa Thai Nai Keung Areng Tameuh my ly, “Alpha hawi Omeka kai ne,” napi.

AMTENG HAI NAI 2:18

“Naibaly Thuatira avang palau takhra kamkawm i kani pri i amtaw thau nai teng y hinai kama tajiu: ‘Mymy i mei ly mai ka-veaung kamta awm nai, mymy i kheu ly kheupaja amchai nai kamta awm nai keung, Tameuh i Chapo i leu thui nai ly hini ne he: