HOSEA 9:17 - Khumi Common Language Bible

¹⁷ Nichi ly kai i chiu nai Tameuh i leu tangai u y nai deaungkho y, mymy ly nichi ai khai su ai. Nichi ly pri takhrachira y amki naimy awm u ai.

HOSEA 9:17 ပူးပေါင်းရင်းမြစ်များ

2 NENG SATANG 18:13

Na i py Mikaia my, “Kai ly Areng i leu pei nai kamta thui pi ai, nanai heng nai Areng i amyn y adeu naimy kathui bo!,” napi.

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

NEHEMIA 5:19

Aw Tameuh, hini khumichi i vui kasa pi nai cheaungkhangchi pany pi ly kai i chiu sa nai tangai pi kyh ba.

SAM 31:14

Na i py aw Areng, kai ly nang ai kang ym; Nang ly kai i Tameuh ne.

LEU KACHENG 29:1

Thui parip nai avaw avawrei avum i py, paleung kyhchaw asai nai khumi ly kanirei nai khala atlym ai i, ang thau ali teang pajau ai ny y.

ISAIA 48:18

“Nangchi naini kai i leu pei naichi tangai u lawh teu i khyly, khri pa-rei hawi ai! Awmnem nai tavo tui kamta, nangchi i vui leaung ai! Eaung naira py tui peang y tui sampyh pachaw nai kamta, nangchi i vui tym ai nai ne.

ISAIA 7:13

Huna nai khala Isaia my, “Aw samrang Davida i katu chanauchi awi, vai tangai ba. Nang ly khumi mipuichi ai niu ngai y ai nai pa-rei sa nai ly paleung anyp y i, Tameuh ai py niu ngai y ai nai pa-rei sa ai nai ngai lawh a?

JEREMIA 6:30

Kai, Areng ly nichi ai khai su bo. Hunai deaungkho y nichi ai tangka chang ei, nanai palau ai,” napi.

JEREMIA 7:13

Nangchi ly vaichi khala y kaimy pany hai yb nai kamngo cheaungkhangchi sa u bo. Kaimy avaw avawrei kang thui pi teu i py, nangchi ly tangai u y. Kaimy nangchi ai kang palau nai khala py pathang u y.

JEREMIA 7:15

Kai ly nangchi i amjo amnau Ephraim mipuichi ai kaimy patheu vui nai kamta, nangchi ai py kang patheu vui ai,” nanai Areng my leu pei nai ne.

HOSEA 4:10

Nangchi ly kapathypra phy nga nai cha u i py, kajeu kanglam dam u ai ny y. Nangchi ly cho chanau thawn ai nai tameuhchi ai chiu teu i py, cho chanau ngo u y; ati mana nai mo na baly nangchi ly kai, Tameuh ai khai su iy tameuh takhra ai chiu u bo.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

HOSEA 7:13

“Nichi ly pajeng naira avum u bo! Kai ai khai su iy ang tiu u lawh bo. Hunai deaungkho y nichi ly phra naira avum u ai. Kai ly nichi ai atleu ai nai ngai teu i py, nichi ly kai ai hawihai palai chiu u y, li-tapawp iy chiu u lawh.

AMOS 8:2

Areng my kai ai, “Amo awi, ati niu mo?” nanai ang deng. Kaimy, “Thengthai kangmynchi khai nai takhu kaniu,” kanapi. Areng my kai teng y, “Kai i khumi Israelachi ly kangmyn du iy vui ai nai, kangkhym i neng tym bo. Kai ly nichi ai kapajeng y ai nai paleung amtlau vui ai ny y.

AMOS 9:9

“Paho tleaung y chohnei alai nai kamta, kai i leu hawi Israela khumichi ai alai vui ai. Khumi cheng cheaungkhang theung y alai chum baly, ataing y nai khumi ngiereichi ai ly kaimy charyh vui ai.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

ZEKHARIAH 1:4

Nangchi ly nangmychi i amsi pajochi kamta so u moh. Jangni khala i amochi ly nichi teng y hawi y nai saichi anawn u ai nai thui pi teu i py, nichi ly tangai y, dawn dan u y.

JOHAN 20:17

Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

JOHAN 20:28

Thoma my ni teng y, “Kai i Areng hawi kai i Tameuh,” nanai pathang.

JOHAN 7:35

Hunaibaly Judachi ly adeng u i, “Achi ly mymy ai niu y ai nai hini khumi ly ma mang y chei ai mo? Krikchi theung i Ahei Naichi teng y chei iy Krikchi ai py leu patiu ai nai sai a?

AMTAW 3:23

Naibaly ami py huni amo i leu tangai y nai ngierei ly khumichi theung i nai tama hai vui ai,’ napi.

Leu Thui Nai 32:26

Kai ly nichi ai katamyh keng ai i, khumi ami py nichi ai pany jo ai ny y leang bo.

Leu Thui Nai 4:25

“Nangchi ly huni pri y kra parai pa-rei awm ai i, katu chanauchi nga nai pa-rei Areng i tlang tleaung y kamngo so u y ai nai myn sa iy, chiu u moh. Myn chiu nai ly Areng i mei ka-niu y kamngo tla i, mymy ai kado theu hai ai nai sa nai ne.

Leu Thui Nai 4:27

Areng ly nangchi ai pri tleirei y ahei hai ai; huni pri y nangchi i khumi maidenreichy naini heng u ai.

PHILIPI 4:19

Naibaly kai i Tameuh ly Krista Isu y mymy i nang parai naira i nang nai sai kamta nangchi i avaw naira cheaungkhangra y py ang nga hai ai mang.

JAKOB 1:1

Jakob, Tameuh hawi Areng Isu Krista i miseaung ly, Ahei nai cheng holai nyhreichi teng y ly kang kawn ba.