HOSEA 9:15 - Khumi Common Language Bible

¹⁵ Areng my, “Nichi ly Kilakala mary y hawi y nairachi sa amteaung u bo. Huni neng dengdairei kai ly nichi ai kaniu ngai y bo. Nichi i sa nai sai hawi y nai molam y, kai i pri theung i dengdairei, nichi ai patheu vui ai. Kai ly nichi ai tamen y leang bo. Nichi i lu sa nai keung bawibawichi ly kai ai tiu u nai ne.

HOSEA 9:15 ပူးပေါင်းရင်းမြစ်များ

SAM 78:60

Achi teng awm nai Siloh mary i kanih yhm ai mymy ly khai su nai ne.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

JEREMIA 11:15

Areng my, “Kai i tamen nai khumichi ly hawi y nairachi sa u bo. Nichi ly ati mana nai kai i Achura yhm y kun ai nai nga u ai mo? Tawnbawichi hawi apathyp nai saho y ka-jeira i nai paka vui pajau ai, nanai athang khai u a? Nichi ly hawi y naichi sa naimy amo theu u na a?

JEREMIA 12:8

Kaimy vawi takhra nai kai i yhmtheaung kamtymchi ly daichi theung i khrangsichi kamta, kai ai ang tiu u lawh bo. Nichi ly kai ai ang hang hai nai deaungkho y, kai ly nichi ai kaniu ngai y bo.

JEREMIA 15:1

Naibaly Areng my kai teng y, “Mosi hawi Samuela nini ly hini meingtym y angdo iy, kai teng y ahui kajeaung kaji lawh teu i py, hini khumichi ai kapahen ai ny y. Nichi ai kai i mei ka-niu i nai theu u pawn ai nai kaparyh veng.

JEREMIA 3:8

Israela ly kai ai khai su iy bima kalop sa nai deaungkho y, kaimy khai vui i, kapatheu praw bo. Na i py Israela i tuicho ka-ym by y nai tuicho ly jei y i, mymy naimy bima kalop sa iy,

JEREMIA 5:5

Kai ly sa thai naira awm nai khumichi teng y chei iy, nichi teng y thui pi ai. Nichi ly Areng i kangai pany u ai. Tameuh i khai pi yb nai reitachi pany u nai ne,” nanai adawn u bo. Na i py nichi bawibawi ly Areng i sa thai naira khai su iy leu atangai u y nai ne.

Ezekiela 22:27

Achora miteaung kehchi ly amso mawichi ai kei piupa nai kasuichi hawi atawm. Nichi ly mymychi nang chawn ai nai molam y khumi ai padei u nai ne.

Ezekiela 23:18

Huni neampachy ly khumi mipuichi i mo y tlang ka-keu naimy awm iy, khumi lutengchi teng y, mymy ly kangji nang y nai bima ne, nanai apany hai bo. Kai ly ni i amjo ai paso nai kamta, ni ai py kapaso nai ne.

HOSEA 1:6

Koma ly pa-nyh deaungdi tapen bi bo. Huni deaungdi ly chaniu neampachy ne. Naibaly Areng my Hosea teng y, “Kai ly Israela khumichi ai mo mang y kamngo pahen y ai nai deaungkho y, huni chaniu ai ‘tamen y’ nanai amyn pathi ba.

HOSEA 1:9

Naibaly Areng my Hosea teng y, “Israela khumichi ly kai i khumi ny y, kai py nichi i Tameuh ny y nai deaungkho y, huni chapo ai ‘kai i khumi ny y’ nanai pathi ba,” napi.

HOSEA 12:11

Na i py nichi ly Kilead pri y, mynchi ai chiu u. Huna nai chiu nai khumichi ly dei ai. Kilakala mary y awm nai khala, si kataichi apathyp u iy huni meingtym y awm nai maichamchi ly adym angdengra y lengseaung pakheng achu naichi lawm ai.”

HOSEA 12:2

Areng ly Juda khumichi ai thui tamawn bo. Israela ai py mychi i sa nai sai molam y pajeng ai. Mymy ly nichi i sa nai kamta, hawi nai hawi y nai heung pi ai.

HOSEA 3:4

Huna nai kamta Israela khumichi ly samrang by y, lu sa nai keung by y, apathyp nai by y, chiu ai nai lengseaung leng naichi by y, leung khen nai khala teaung nai mynchi by y naimy, neng kakra awm u ai.

HOSEA 4:15

“Nangchi Israela khumichi ly kai i tlang tleaung y ka-ym by y teu i py, Juda khumichi ly huna nai kamngochi so u moh sy, Kilakala mary, ti y baly Bethevanmarychira y chiu u moh. Huni marychira y heng nai Areng i amyn tau iy vaineng abeu u moh.

HOSEA 4:9

Nangchi ly mipuichi kamta, pajeng naira avum ai! Kai ly nangchi ai pajeng ai. Nangchi ly nangmychi i kamngolai amtym u ai.

HOSEA 7:2

Kai ly nichi i sa tamang naichi kapany pi jo, nanai nichi py u y. Nichi i kamngochi ly mychi ai taki teungtareung iy, kai i mo y huni kamngochi ly amteng nai ne,” napi.

HOSEA 9:17

Nichi ly kai i chiu nai Tameuh i leu tangai u y nai deaungkho y, mymy ly nichi ai khai su ai. Nichi ly pri takhrachira y amki naimy awm u ai.

HOSEA 9:3

Israela khumichi ly Areng i pri y awm ai nai ngo y i, Aikupta pri mang y vawi u ali teang ai nai tla ai. Asuria pri y py cho ngau y nai teicha teinei cha u ai.

Levi 26:30

Kai ly mawi aheungchira i, nangchi i chiu nai meingtymchi ai taphra pi pawn iy, mui katui leng patlum nai maichamchi py panawi pi pawn ai. Nangchi i veuchi ai anawi jawn nai mynchi salo y aphi chup ai. Kai ly nangchi ai kang paso nai deaungkho y,

AMOS 4:4

Sa thai naira angym nai Areng my leu pei nai ly “Aw Israela khumichi awi, Bethela i kachai meingtym mang y chei iy, kamngo so u! Kilakala mary mang y chei iy khri pa-rei kamngo so u! Apathyp ai nai tawnbawichi khawn tleirei syn u. Kani thomrei y kanirei, nangchi i ko nai horei y harei syn u.

AMOS 5:27

Kai ly nangchi ai Damaska mary vai mang y, langheng y kang hawi vui ai,” nanai kani pri tavai luchi i Areng Tameuh my leu pei nai ne.

AMOS 5:5

Beraseba mary mang y chei iy chiu u moh. Bethela mary mang y kai ai hau u moh. Bethela mary ly ati sai py ny y nai lawm ai. Kilakala mary mang y py chei u moh. Huni mary i khumichi ly pri takhra mang y paryh pawn nai avum takengkei ai.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

MIKHA 6:5

Kai i khumichi awi, Moba samrang Balak my, nangchi phra tleaung phra ra ai nai mana dawn mo, nanai py, Bera i chapo Balam my samrang teng y ati mana thui pi mo, nanai py, pany u jo. Akasia taira i dengdairei, Kilakala mary mang chei nai lam y avum nai leaungsaichi pany u jo baly, Areng ly nangchi ai ati mana atleu pi mo, nanai nangchi pany u ai,” napi.

ZEPHANIAH 3:3

Huni pri ai peang nai miteaung kehchi ly khrangsi chochi hawi atawm. Tara chih nai keungchi py khri pa-rei dupha len nai deaungkho y, khawn mang y khrairei hiu harei py aphi su ai ngai y nai kajeu alam nai kasui chochi hawi atawm.

ZEKHARIAH 11:8

Kai ly kai ai niu ngai y nai beram typ keung leaung thomrei tlang tleaung y kham pajau y nai deaungkho y, nichi ai loreira y my kapaheng vui bo.

AMTAW 4:27

Hini avang y ly nang i Miseaung kachai nang i rimui paju nai Isu i tlang tleaung y ly nang i kiu hawi paleung y tym ai nai khai takhra rym nai ngierei ly sa ai nai,

AMTAW 5:21

Naibaly huni ly nichi thai i khutawi neng khala y achura yhm kalen pui y kun i leu patiu. Na i py pathyp pi nai keung kalen keh hawi, mymy hawi vanrei awm naichi py jeu i, tara chih nai keungchi hawi Israela kangpreangchi i miteaung kehchi bawibawi ai palau achu iy, amtaw thau naichi ai pahawi ai nai theaung y khumi pato.

JOSUA 10:43

Huni bo y Josua hawi Israela risa bawibawichi ly Kilakala Tai naira mang y vawi u teang bo.

1 SAMUELA 7:16

Ni ly saneng tleitleirei, Bethela mary, Kilakala mary, Mizapa marychi mang y amki iy, tara chih pi reng nai ne.