HOSEA 7:14 - Khumi Common Language Bible

¹⁴ Nichi ly ym tatang nai paleung hawi chiu so u y. Amymy ai atlym hai iy, aeu naimy tangam u bo. Nichi ly choh bai palo hawi kreip hang nga ai nai chiu sa nai khala y, myn y chiu nai khumichi kamta, amymy ai tamo kalem nga hai iy, hnei takeng reng. Nichi ly kai ai tiu u lawh ly!

HOSEA 7:14 ပူးပေါင်းရင်းမြစ်များ

THEU NAI 32:6

Kani pa-nyh khawn angthodyh y khumi bawibawichi ly leng patlum nai kapathypra hawi leunghawi kapathyprachi talam u bo. Huna nai apathyp u chum baly nichi cha nei pavui u i, neampacho, neampachychi amau u bo.

ISAIA 29:13

Areng my, “Hini khumichi ly kai ai labeaung mang ly kang chiu bo, nanai thui i py, nichi i leuchi ly ati sai py ny y. Nichi i paleung py meingtym takhra mang y apei vui nai ne. Nichi i reita ly khen y naimy thui kawp nai khumichi i tanyn hawi, reitachi naini lawm bo.

ISAIA 52:5

Areng my vai, Babulon pri y py hina nai kamta tym hai nai ne. Nangchi ly huni pri y ati sai py ny y pui naimy, langheng hawi naichi lawm u bo. Nangchi ai peang nai keungchi ly panui hai iy, kai i amyn y avawrei mei aniu y nai sa u, nanai thui.

ISAIA 65:14

Kai i miseaungchi ly amo theu parai naimy khulym thui u i py, nangchi ly paleung phra vo tangam u ai.

JEREMIA 12:2

Nang ly nichi ai pati nai deaungkho y, nichi ly tangjyn aviu, keung cheang iy athai thawn bo. Nichi ly nang i hawi nai sai thui u jojo i py, nichi ly angchi khyp, nang ai tahm khai u y leang.

JEREMIA 3:10

Hina nai kalopchi sa chum baly Israela i tuicho ka-ym by y nai Juda ly kai teng y ali teang bo. Paleung pipi apei y, ngai ka-awi sa iy jeu nai ne. Hini ly kai, Areng i thui nai leu ne,” napi.

TANGAM NAI LEU 2:18

Aw Jerusalem mary, nang i mary apaichi ly Areng ai palau u sy! Nang i mei katuichi ly vum kanithun leaung nai kamta leaung sy. Nang ly paleung si vo tangam naimy, nangmy ai atho bai hai sy!

HOSEA 13:16

Samari mary i khumichi ly kai ai tiu nai deaungkho y, pajeng naira avum ai. Samari khumichi ly tavai molam y dei u ai. Deaungdichochi ly khaileaung y athyh iy, padei nai avum u ai. Neampachy jeubomchi i kajeu py, phokra nai avum ai.

HOSEA 13:6

Na i py nangchi ly tlamsa naira angym nai pri y tym iy, teicha teinei kajeu kawi pa-rei cha ai nai nga nai deaungkho y, paleung tuinem nai khala, paleung len i, kai ai tami u bo.

HOSEA 13:9

“Israela khumichi awi, kai ly nangchi ai tamyh vui ai. Nangchi ai ami my sabawm pajau ai mo?

HOSEA 3:1

Huni bo y Areng my kai teng y, “Nang ly chei iy tavawi hawi paleaung nai neampachy ai khrei ba, Israela khumichi ly tameuh takhrachi ai chiu iy, kreip athai kajeichi talam u teu i py, kai ly nichi ai tamen nai kamta, nang ly huni neampachy ai tamen ai nai tla,” napi.

HOSEA 8:2

Kai ai nichi i Tameuh nanai py, nichi ly kai i khumichi nanai py, nichi ly kai ai pany nanai thui u teu i py,

AMOS 2:8

Chiu naira meingtym tleirei y khumi kamawnchi teng i kalai atheu nai kanihchi bai iy, i u nai ne. Nichi ly kalai awm nai khumichi teng i kalai atheu nai kreip hang ai, mychi i chiu nai Tameuh i achura yhm y nei u bo.

AMOS 8:3

Huni kani y samrang yhm i khulym thui nai raawichi ly vo nai raawichi mang y lawm vui ai. Meingtym tleirei y kadei veuchi awm ai i, huni veuchi ai kangviu y aphi u ai,” nanai leu pei bo.

MIKHA 2:11

“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.

ZEKHARIAH 7:5

Mymy ly “Mipuichi hawi pathyp pi nai keungchi ly saneng vui saryh ryrei, pa-ngo lo hawi saryh lo theung y biu hai iy, paleung si nai ka-ma-ra patei u nai ly kai ai tahm pasang nai ny y.

ROM AVANGCHI TENG Y PAWLA I CHA PA NAI 16:18

Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

PHILIPI 3:19

hunichi i tem naira ly tama naira ne, mymychi i tameuh ly mymychi i kajeu ne, mymychi i tahm apasang naira py mymychi i amthang leaung naira ne, nichi ly khaileaung pri i atitichi ngai lawh.

JAKOB 4:3

Nangchi hnei, na i py nangchi i hnei nai teng y nai deaungkho y ngo y, nangmychi i ngai phi teng y naira y teaung ai nai tau lawh nai y.

JAKOB 5:1

Khumi kanangchi awi, khen cham, nangchi i tlang tleaung y ngari ang tym dudu nai deaungkho y vo py vo u ly, hang py hang u lengleang.

TARA CHIH NAI KEUNGCHI 9:27

Nichi bawibawi ly kreip akhochi mang y chei u iy kreip athaichi jaw i, kreip hang sa chum baly, amo theu nai pawi harei sa u. Nichi ly mychi i tameuh yhm mang y chei u i, cha nei iy Abimelek ai panui hai u bo.