HOSEA 14:7 - Khumi Common Language Bible

⁷ Nichi ly kai i kry nai ka-khui anui y awm ai nai nga u ai. Nichi ly chohchi pati iy kreip akho kamta athai pasu parai ai. Nichi ly Lebanonra i kreip hang kamta, amyn amthang ai.

HOSEA 14:7 ပူးပေါင်းရင်းမြစ်များ

SAM 138:7

Kai ai patang nairachi my ang taki meuh nai neng khala malawn py, nang ly kai ai ama hai bo. Nang ly kai i paleung ka-echi kado theu nai paka iy, sa thai naira hawimy kai ai atleu bo.

SAM 85:6

Kaichi ai atho kangtha pei kyh ba; hunaibaly nang i khumi lawm nai kaichi ly nang ai kang palo u ai.

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

Solomon i khulym 2:3

Kai i khrei keh nai ai takhra neampachochi hawi pata cham baly, ni ly daichi thengreung theung i dengkeaung keungchi sala y prau nai apple keung hawi atawm. Kai ly ni i ka-khui anui y anawn ai nai nga; huni i athai kacha i, tui parai nai ne.

Solomon i khulym 4:11

Kai i paleung pathym tlawn na pa-rei khrei nai awi, nang i labeaungteng ly khawi byn kamta leaung na bo; nang i palai ly kai i vui y sikanu hawi khawi hang kamta ne. Nang i ateaung alangchi ly Lebanon mawi i mui katui hawi amseaung nai ne.

Solomon i khulym 6:11

Kai ly leaunghawi ra y awm nai keung katheangchi ai py, kreip keungchi sai ampho nai ai py, thaitleung keungchi pau amthym nai ai py, khen ai nai baden keungchi sala mang kasatla prei bo.

ISAIA 61:11

Tichi ly pato iy keung prau nai kamta, Areng ly mymy i khumichi ai meitang khyp atleu ai. Khumi cheng cheaungkhangchi my py, mymy ai palo u ai.

Ezekiela 17:23

Asang keh nai Israela mawi saleung y kaui ai. Huni keung ly changpichi ampho iy athai py athai ai i, apu parai nai saitleang keung lawm ai. Huni keung y tavo cheaungkhangchi tabu sa u ai i, keung ka-khuira y py abyh u ai.

HOSEA 14:5

Kani tui ly jengha nai khaileaung y suino hai nai kamta, kai ly Israela khumichi ai tlamsa hai ai. Nichi ly kaseaung kamta pau amthym u ai. Lebanon mawi i dengkeaung keung kamta, tangjyn aviu ai.

HOSEA 2:21

Huna nai khala kai i khumi Israela chengchi i chiu sa nai tangai pi ai. Kai ly khaileaung salo y kani nai hai nai deaungkho y, khaileaung i dengdairei, choh, kreip athai hawi olive athaichi athai ai.

HOSEA 6:2

Achi ai kani nyh, kani thomrei sala y atho awm iy ham hai teang ai i, mymy i mei keung y awm hai ai.

ZEKHARIAH 8:12

Nichi ly mychi i amti amjangchi tlamsa naimy pati u ai. Nichi i kreip keungchi ly athaichi pasu ai. Khaileaung ly amti amjangchi thawn hai iy, kani my py khri pa-rei nai hai ai. Awm rai nai kai i khumichi teng y, hini amtheaung nairachi kapei pi ai.

JOHAN 11:25

Isu my ni teng y, “Kai ly angthau teang naira hawi hengra py ne; ami py kai ai ym nai ly dei i py heng ai;

JOHAN 12:24

Meitang khyp kang thui pi, choh amairei khaileaung y tla iy dei y baly huni my tlairei awm jojo ai khyh; dei baly neangneang peung ai.