HOSEA 14:5 - Khumi Common Language Bible

⁵ Kani tui ly jengha nai khaileaung y suino hai nai kamta, kai ly Israela khumichi ai tlamsa hai ai. Nichi ly kaseaung kamta pau amthym u ai. Lebanon mawi i dengkeaung keung kamta, tangjyn aviu ai.

HOSEA 14:5 ပူးပေါင်းရင်းမြစ်များ

2 SAMUELA 23:4

kani nai chum nai bo y khupanym aheang pawn i, khutawimo neng khala achachi kangvang sadi hai nai kanito hawi atawm.”

2 ARENG KEH 19:30

Juda pri y awm nai dei kamthum khumichi ly khaileaung y tangjyn aneng pa-rei pala iy athai pasu nai keungchi kamta, atho awm u ai mang.

JOBA 29:19

Kai ly tangjynchi tui avawrei nga iy, changpichi py kadam tui sui nanai pa-rei nga nai dengkeaung keung hawi atawm.

SAM 133:3

Heramon mawi salo y tla nai kadam ly Zion mawichi salo y tla nai kamta ne. Huni meingtym ly deungtasarei heng naira napi nai amtheaung naira ai Areng my pei nai meingtym ne.

SAM 72:16

Pri theung y teicha teinei awm ma mang sy; Lebanon mawi y ly dengkeaung thengreungchi hawi, vengkhiu naimy awm nai kamta, mawichi ly amti amjangchi hawi kawi na naimy awm sy; mary kalenchira y awm nai khumi vuikanai ly adym angdengra y prau nai acha kamta peung sy.

SAM 72:6

Samrang ly li, hlauchi salo y nai pi nai kanitui kamta py, khaileaung salo y tla nai kani amaichi kamta py lawm sy.

SAM 80:9

Nang ly kreip keung prau thai ai nai meingtym palum pachai pi bo; huni keung ly thiu parai pa-rei tangjyn aviu i, pri verei y khiu na bo.

SAM 92:12

Khumi kahawichi ly chamleaung keungchi kamta, apu parai naimy awm ai; nichi ly Lebanon mawi i saitleang keungchi kamta, achaw angvai ai.

SAM 92:13

Nichi ly Areng i yhm y ui iy, achi i Tameuh i Achura yhm y angvai nai dengkeaung keungchi hawi atawm.

LEU KACHENG 19:12

Samrang i kado theu nai ly khrangsi i hang nai hawi atawm. Na i py ni i mo y meimai nga nai ly aly ngai nai neng khala nai pi nai kanitui hawi atawm nai ne.

Solomon i khulym 2:16

Kai i khrei nai ai ly kaimy peang; kai ai py ni my ang peang teang.

Solomon i khulym 4:5

Nang i paleung kangthaichi py jeupawm reaung y teicha tlai nai sisiu nyhrei hawi py, sikhicho kangphi hawi py atawm.

ISAIA 12:1

Khumichi my hina nai palo nai neng kani tym ai, “Aw Areng, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

ISAIA 18:4

Baw eng nai katyn kano patheung u! Areng my kai teng y, “Amti amjang tyn nai neng i bi pahui nai dym y, kadamchi tla rypsy nai kamta py, khri pa-rei bi nai neng kani khala kanito ly chai pan naimy angvang phang nai kamta py, kai ly kani pri mang dengdairei chymme naimy khen kathiu ai.

ISAIA 26:19

Kaichi khumichi theung i dei chum naichi ly heng u ali teang ai! Nichi i ngan tlangchi ly heng teang ai. Tapreaung angawm y aseaung nai khumi kadeichi ly amo theu naimy khulym thui u ai. Reaung amchang nai kadamchi ly khaileaung y apu hai ali teang nai kamta, neng kra parai nai khala i dei chum nai khumichi ai, Areng ly heng hai ali teang ai.

ISAIA 27:6

Huni kani y Jakob i katu chanauchi napi nai Israela chengchi ly dengkeaung keung kamta, tangjyn pala iy pau ai. Khaileaung ly thengthaichi hawimy kawi na ai.

ISAIA 35:2

Daichi ka-vym ly amo theu nai deaungkho y khulym thui nai aeu u ai. Lebanon mawi kamta apu parai naimy, Karamela hawi Sharon mawi aheung li khaileaungchi kamta, amti amjang thawn ai. Khumi bawibawichi ly Areng i nang parai nai ai py, mymy i sa thai naira phum-ang py niu u ai.

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ISAIA 45:8

Kai ly kanitui kamta, kani mang i dengdairei, eaung naira pala pi ai. Huni ai khaileaung ly am-eaung iy, tlamsa naira hawi adyh adawi naira, napi nai athaichi theu ai. Kai, Areng ly hini atitichi tym hai ai.

ISAIA 57:18

Nichi ati mana sa u mo, nanai kai ly niu bo. Na i py kai ly nichi ai no hawi sa pi ai; lam patei iy sabawm ai. Paleungsi vo tangam naichi ai awm hai nem ai.

ISAIA 57:19

Israela pri y awm nai paleung si paleung mawn naichi i labeaung mang, kawn nai leu thui u sy. Kamlo kang sa awm nai khumi bawibawichi teng y tlamsa naira kapei ai! Awmnem naira py kapei ai. Kai i khumichi ai no hawi kasa pi ai, nanai Areng my leu pei nai ne.

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 32:41

Nichi teng y hawi naira pei ai naini kangai khyh; hini pri y awm jojo ai nai meingtym sa pi ai.

HOSEA 6:3

Achi ly Areng ai pany ai nai atho so u sina. Khawn khutawi reng nai kamta, nicho neng khala khaileaung salo y kani nai hai reng nai kamta, mymy ly achi teng y ang jeu takengkei ai,” nanai thui u bo.

MIKHA 5:7

Dei kamthum Israela chengchi ly Areng my tla hai nai kadam kamta, pri neangneangchi ai atho awm hai ai. Thengthai keungchi salo y, nai hai nai kanitui kamta lawm ai. Hunichi ly khumichi i leu tangai y i, Tameuh i leu naini tangai khyh nai ne.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

MATTHAI 6:28

Naibaly nangchi ly ateaung i vui y ati mana nai paleung bi u mo? Jeupawmchi i prau nai sai dawn cham;

LUKA 12:27

“Jeupawmchi i prau nai sai dawn cham: hunichi ly kalop py so y, palo py kyn y: na i py kang thui pi, Solomon malawn py mymy i nang nai bawibawi amthyp khala y hini harei tahm matem py by y.

EPHESI 3:17

hunaibaly nangchi ly tamen naira y tangjyn pala u nai hawi amchym naira nga u iy,

Leu Thui Nai 32:2

Kai i patiu pi naichi ly kani amai kamta tla iy, khaileaung salo y kadam amai kamta angdeang ai. Kai i leu ly keung dichychi tleaung y kani nai hai nai kamta py, acha tleaung y kani nai hai sym nai kamta py lawm ai.