HOSEA 13:14 - Khumi Common Language Bible

¹⁴ Kai ly hini khumichi ai tavau pri i nai py, dei areng i sa thai naira i nai py, atleu ai ny y. Aw dei areng, nang teng i no kanghawi tym hai ba. Aw tavau pri, nang teng i phra naira tym hai ba. Kai ly hini khumichi ai pahen y, tamen y leang bo.

HOSEA 13:14 ပူးပေါင်းရင်းမြစ်များ

JOBA 33:24

Huni kani pri amtawi thau naimy ly pahen i, “Ni ai patleaung pi! Ni ly tavau pri y satla ai nai ny y. Ni ai atleu ai nai vang ly hi y awm,” nanai thui ai.

JOBA 41:22

Ni i kaneaung ly khri pa-rei atho awm nai deaungkho y, ni ai niu nai ngiereichi ly jei hyn u bo.

SAM 16:10

Ati mana nai mo nabaly nang ly kai ai tavau kho y chei ai nai pei y nai deaungkho y ne. Kai ly ka-ym awm parai naimy kalop sa pi bo. Kai ai deira tavau kho y au su ai ny y.

SAM 30:3

Kai ai deira tavau kho i dengdairei palau ali teang bo. Kai ly tapreaung angawm theung y satla nai ne i py, nang ly kai ai dei hai y naimy, heng ai nai pei bo.

SAM 49:15

Na i py Tameuh ly kai ai atleu ai; deira areng kiu i nai kai ai atleu ai.

SAM 49:16

Khumi leaungrei ly nang chawn iy, ni i yhmtheaung katui py nawi tleaung nawira nai khala, nang ly paleung hawi y nai awm mo?

SAM 71:20

Nang ly kai ai khri pa-rei patang nairachi avum hai teu i py, nang ly kai ai atho awm hai teang iy, deira i nai atleu pi bo.

SAM 86:13

Kai i tlang tleaung y nang i khaw parai nai tamen naira ly khri pa-rei len parai na ly! Nang ly kai ai tavau kho i nai atleu bo.

ISAIA 25:8

Areng ly dei naira ai deungtasarei taphra vui ai. Khumi cheng cheaungkhangchi i mei katuichi tamui pi iy, khaileaung pri verei y mymy i khumichi avum nai kangji kangaichi ai py, tama hai vui ai. Hini ly Areng mymy kypkyp my thui nai leu ne!

ISAIA 26:19

Kaichi khumichi theung i dei chum naichi ly heng u ali teang ai! Nichi i ngan tlangchi ly heng teang ai. Tapreaung angawm y aseaung nai khumi kadeichi ly amo theu naimy khulym thui u ai. Reaung amchang nai kadamchi ly khaileaung y apu hai ali teang nai kamta, neng kra parai nai khala i dei chum nai khumichi ai, Areng ly heng hai ali teang ai.

JEREMIA 15:6

Nangchi ly kai ai khai u su bo. Nangchi ly kai ai nithun thun u bo. Kai ly kado theu nai am-yh keaung nai deaungkho y, kiu pheu iy nangchi ai kang taphra bo,” napi.

JEREMIA 20:16

Huni khumichi ly kapahenra pipi by y naimy Areng my taphra nai marychi kamta lawm na sy. Tapen y rai khala my kai ai padei y nai deaungkho y, ni ly khawn mang y no hang nai katyn py, kanithun y tavai tareng nai katyn py thai sy.

JEREMIA 31:35

Areng ly kanithun khala angvang ai nai kanito py, vum y angvang ai nai lo hawi ka-sichi py ka-vo sa pi nai ne. Mymy ly pangli ai tahawi piu iy tui sampyh amsau hai bo. Mymy i amyn ly ati cheaungkhang sa thai nai Areng ne.

Ezekiela 37:9

Tameuh my kai teng y, “Nang khumicho awi, ali teng y amo leu thui pi; khuteng taki palyhrei mang aho ly hini khumi kadeichi heng ali teang ai nai taho hai thai nai ali pakun pi ai nai, sa thai naira angym nai Areng my leu ang pei, nanai ali teang y leu pei,” napi.

HOSEA 6:2

Achi ai kani nyh, kani thomrei sala y atho awm iy ham hai teang ai i, mymy i mei keung y awm hai ai.

HOSEA 7:10

Israela khumichi i paleung len amlyh am-e nai ly nichi phra ai nai ka-ma-ra ne. Nichi ly hina nai leaungsaichi hawi avum teu i py, nichi i Tameuh kai, Areng teng y vawi u y.

MALAKHI 3:6

“Kai ly Areng ne nai deaungkho y takhra vai y; hunai deaungkho y Jakob i katu chanauchi lawm nai nangchi ly pipi sum y leang rai.

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.

ROM AVANGCHI TENG Y PAWLA I CHA PA NAI 11:15

Mymychi ai aphi vui nai malawn py khaileaung pri ai aly hai teang naira ne baly, mymychi ai kawn bi naira ly deira i nai heng bi naira ny y baly ati awm ai mo?

ROM AVANGCHI TENG Y PAWLA I CHA PA NAI 11:29

Tameuh i jawm my pei nai sa thai naira hawi, palau nai molam y py paleung adawn ali ai nai by y leang.

II KORINTH 5:4

Achi, hini awm naira y awm naichi ly kaji pho nai tangam khyp nai bo; achi ly akhiu y naimy awm ai ngai nai deaungkho y ny y leang, na i py dei thai nai ai ly hengra my pajawn pajau thai ai nai, akhiu nai awm ai ngai nai deaungkho y teu.

PHILIPI 3:21

Mymy ly mymy i sa nai kamta sa iy, ati cheaungkhang ai py mymy ngaingai anui y khai pajau, achi i tahm anem nai thym kha i tlang ai ly mymy i nang parai nai tlang kamta awm ai nai sa palai bi ai.

I THESALONIKA 4:14

Isu ly dei i angthau teang bo, nanai achi ym makho baly, Isu y i ngym chum naichi ai ly Tameuh my mymy hawi vanrei ang hawi teang ai.

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.

AMTENG HAI NAI 20:13

Naibaly pangli ly mymy teng y awm nai khumi kadeichi ai theu hai bo; dei naira hawi tavau kho py hunichi teng y awm nai khumi kadeichi ai py theu hai bo; naibaly nichi leaung leaungrei ai ly mymychi i atiti sa naichi kamta tara chih pi bo.

AMTENG HAI NAI 21:4

Naibaly mymy ly nichi i mei katui bawibawi tamiu pi ai; dei naira py awm bi y leang bo; paleung mawn nai py, vo nai py, no nai py awm ali bi y leang bo: atiti kangman i naichi ly tama bo,” nanai kathai.

AMTENG HAI NAI 6:8

Hunaibaly kai ly khen i, khen cham, keaungngo ka-mang harei awm:huni tleaung y atang nai keung i amyn ly Dei Naira ne: naibaly Tavau Kho ly ni teng y abang bo. Naibaly nini ly haisau hawi, takang theu hai nai hawi, kanghawi kanglai tym hai nai hawi, khaileaung i mawi kasichi ai py teaung iy, khaileaung phy palyhrei ra y phyrei y padei ai nai leu nga bo.

1 SAMUELA 15:29

Israela chengchi i nang parai nai Tameuh ly ka-chawi thui y, paleung py amtlau vai y leang; mymy ly khumi kamta, mymy i paleung amtlau vui ai ny y,” napi.