HOSEA 10:14 - Khumi Common Language Bible

¹⁴ tavai keung y nangchi ai paleung ka-echi my tiu iy, nangchi i amtangrachi phra pawn ai. Huni ly tavai keung y Salman samrang my Bethabela mary ai taphra nai kani lawm iy, amhm hawi deaungdichi ly dei lawm na pa-rei padei nai avum ai.

HOSEA 10:14 ပူးပေါင်းရင်းမြစ်များ

ATITI AWM ANGCHEI NAI 32:11

Kai i amjo Esaw teng i nai kai ai atleu kyh ba, kai ly khri pa-rei paleung mawn na bo. Deaungdichi hawi neampachychi ai py, kaichi bawibawi ai py ang tiu iy ang padei pawn ai nai ni ly ang jeu nai bo.

2 ARENG KEH 17:16

Nichi ly mychi i Areng Tameuh i Reita bawibawichi taphra u iy, chiu ai nai sikatai myn nyhrei sa u. Nichi ly Aser tameuh nu myn py sa u; ka-si taukichi py chiu u iy, bala tameuh ai py chiu u bo.

2 ARENG KEH 17:3

Asuria empara samrang Shalmaneser my tavai tiu nai khala, Hosea ly tavai sum nai deaungkho y saneng tleirei kahm pei ai nai tla.

2 ARENG KEH 18:33

Khumi takhrachi i tameuhchi ly huni khumichi i pri ai, Asuria empara samrang kiu i nai atleu pi sai a?

ISAIA 17:3

Israela pri ly paleung ka-echi ai amtang pajau ai nai atho by y ai. Damaska mary py tlamsa nai tama vui ai. Dei kamthum Suria chengchi ly Israela chengchi kamta, tahm anem ai. Hini ly ati cheaungkhang sa thai nai keung kai, Areng my thui pi nai leu ne,” napi.

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

JEREMIA 13:14

Naibaly kai ly chy-ychi tengtawi adeng hai iy kawi nai kamta, nichi ai katheang kalen takhawi y naimy kataphra ai. Mani pahen naira, tamen naira hawi neaung hawi naira my ly nichi ai padei ai nai molam y kai ai paka pajau ai ny y,” napi.

JEREMIA 48:41

Marychi hawi amtangrachi ai ly peang vui ai. Huni kani y Moba tavaimichi ly deaungdi tapen ai nai achai nai neampachy kamta, jei hyn u ai.

HOSEA 10:15

Bethela mary i khumichi awi, nangchi ly khri pa-rei sa tamang u nai deaungkho y, huna nai leaungsaichi hawi avum u ai. Tavai amteaung phai amteaung baly, Israela samrang ly dei ai,” napi.

HOSEA 13:16

Samari mary i khumichi ly kai ai tiu nai deaungkho y, pajeng naira avum ai. Samari khumichi ly tavai molam y dei u ai. Deaungdichochi ly khaileaung y athyh iy, padei nai avum u ai. Neampachy jeubomchi i kajeu py, phokra nai avum ai.

AMOS 3:14

Kai ly Israela chengchi ai pajeng nai kani y, Bethela maichamchi ai taphra vui ai. Maicham tleirei i takichira y awm nai taki kamsuichi tameang iy, khaileaung y tla hai ai.

AMOS 3:8

Khrangsi hang baly ami py jei y nai awm pajau ai mo? Sa thai naira angym nai Areng my leu pei baly ami mo py, leu pei nai ai aeu y nai awm pajau na a?

AMOS 9:5

Kani pri tavailuchi i Areng ly khaileaung y abi nai deaungkho y, kaleih pui theu bo; khaileaung y awm nai bawibawichi py vo ai. Khaileaung pri verei ly Aikupta pri i Naing tavo kamta, anem lawh, asang lawh ai. 1

MIKHA 5:11

Kai ly nangchi i pri y awm nai marychi taphra iy, nangchi i amtangrachi taphra ai.

NAHUM 3:10

thebe mary i khumichi ly pri pala naira avum u iy, nichi i cho chanauchi ly lam sangum tleirei y, khyh pakhau nai avum u bo. Nichi theung i tahm awm nai khumichi ai sengkry hawi pakheng iy, mychi tengtawi tambe va i aphy u bo.

NAHUM 3:12

Nang i amtangra ngiereichi ly athai kangmyn awm nai thaidu keungchi hawi atawm iy, keung tahyn baly cha ai ngai nai khumi i labeaung kho y athaichi athun ai!

HABAKKUK 1:10

Nichi ly pri peang nai samrangchi ai, khumi aniu y nai sa u bo. Samrang i bangtangchi ai panui hai u. Nichi ai mani mo amtangra py paka pajau y. Nichi ly abyhra angawmchi taphum iy, amtangrachi ai tiu pajau vui nai ne.