HEBRAI 9:28 - Khumi Common Language Bible

²⁸ Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

HEBRAI 9:28 ပူးပေါင်းရင်းမြစ်များ

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

Levi 10:17

“Nangchi ly ati mana nai y huni tawnbawi mawi ai meingtym kachaira cho u y lawh mo? Kamngo pahen nai katalamra ly talam patyp nai ne i, Areng my Israela chengchi i vui kamngo pahen pi ai nai molam, nangchi ai huni tawnbawi mawi kang pei nai ne.

ZEKHARIAH 14:5

Nangchi ly mawi aseih thla nai nyhrei, leaunghawi lam mang preang iy tleaung u ai; Juda samrang Uzia deung y kaleih theu nai thym khala, nangchi i amsi pajochi preang u pawn nai kamta, nangchi py preang u teang ai. Kai i Areng Tameuh ly mymy hawi vanrei, kani pri amtaw thauchi ai hawi iy ang jeu ai.

Kati Nai 18:1

Areng my Aron teng y, “Nang hawi nang i chapochi py, Levi theaungchi py, kai i awmra Tabynako i vui reita sa naira y tamang lawh baly, nangchi ly pajeng naira avum u ai; na i py pathyp pi nai keung kalop sa naira y tamang lawh baly, nang hawi nang i chapochi naini pajeng naira avum u ai.

Kati Nai 18:23

Vai i dengdairei Levi theaungchi naini Tabynako ai kry iy, Tabynako i vui atiti kalop angym pa-rei sa ai nai tla. Hini reita ly nang i kangpreangchi my teaung patawm jojo ai nai tla.

MATTHAI 20:28

hunai kamta teang khumi i Chapo ly mymy ai sabawm ai nai hau nai ny y i, kalangchi ai sabawm ai nai hawi khumi neangneangchi ai atleu ai nai mymy i hengra pei lawh ai nai py ang jeu nai ne,” napi.

MATTHAI 25:31

“Na i py Khumi i Chapo ly kani pri i amtaw thau nai bawibawichi hawi, mymy i nang parai naira amthyp naimy ang jeu nai neng khala y ly, mymy i nang parai nai atehra y ateh ai;

MATTHAI 26:28

“nangchi bawibawi nei u; hini ly kai i thi, kamngo pahen ai nai khumi neangneangchi i vui theu nai leu maikawm ne.

JOHAN 14:3

Naibaly kai chei iy nangchi i vui meingtym sa rym baly, nangchi py kai i awmra y awm thai ai nai, kai kang jeu bi ai i nangchi ai py kai teng y kang la ai.

AMTAW 1:11

Nini my ly, “Kalili pri i khumichi awi, ati mana nai angdo naimy kani mang y khen u ryry lawh mo? Hini Isu, nangchi teng i dengdairei kani mang y pahawi kalau nai ly, kani mang y kalau nai nangchi i niu nai kamta mymy ly ang jeu takengkei teang ai,” napi.

ROM AVANGCHI TENG Y PAWLA I CHA PA NAI 3:25

Tameuh i amnym pajau naira y jangni i kamngo nairachi ai ly dawn pi y nai awm nai deaungkho y, Tameuh my mymy i hawi naira patei ai nai Krista Isu ai ly mymy i thi deaungkho y kamngo ahui nai langseaung syn naira y amteng hai; huni ly ym nai deaungkho y nga nai ne;

ROM AVANGCHI TENG Y PAWLA I CHA PA NAI 5:15

Na i py huni atiti jawm pei nai ly kamngo naira hawi atawm y leang teang. Khumi leaungrei ly kamngo nai deaungkho y malawn py khumi neangneang dei baly, Tameuh i pahenra hawi, huni pahenra i pei nai khumi leaungrei Isu Krista py khumi neangneangchi i tlang tleaung y bawn nai awm khyp bo.

ROM AVANGCHI TENG Y PAWLA I CHA PA NAI 6:10

Mymy i dei nai ly kamngo mang y ly tlenrei chy dei nai ne; mymy i heng nai naini Tameuh mang y heng nai ne.

ROM AVANGCHI TENG Y PAWLA I CHA PA NAI 8:23

Huni khyh ny y leang, achi kypkyp py phailo i amtheaung hai man naira nga naichi ly achi i chanau lawn ai naira ajeng iy (huni ly tlang i atleu naira ne.) achi py paleung y tangam teang.

ROM AVANGCHI TENG Y PAWLA I CHA PA NAI 8:3

Naibaly tlang deaungkho y Reita ly ham y i sa pajau ai vuilam ny y nai ly, achi, tlang i reita y tako y naimy Phailo i reita y takho lawh nai keungchi y ly Reita leu khai rym nai ly sa angym naimy awm thai ai nai,

I KORINTH 1:7

hunaibaly achi i Areng Isu Krista i amteng nai ai ajeng nai, atiti sa thai naira pei ryry naira y nangchi ly ngo y nai ny y leang;

I KORINTH 15:54

Hunaibaly hini veaung thai nai ly veaung thai y naira akhiu ai nai khala y hawi, hini dei thai nai ly dei thai y naira akhiu ai nai khala y py, huni neng khypkhyp y ly, “Pajau naira my deira ai pajawn be bo,” nanai tajiu nai ly tym khyp ai. Aw deinaira, nang i pajau naira ly ma mang y awm veng mo? Aw dei naira, nang i thailai ly ma mang y awm veng mo?

I THESALONIKA 1:10

mynchi mang i nai Tameuh mang y hi u pawn nai sai py pany hai u reng nai ne.

II THESALONIKA 2:1

Na i py amjo amnauchi awi, achi i Areng Isu Krista ang jeu ai nai hawi, achi ly mymy teng y achu ai nai molam y ly,

II TIMOTHEI 4:8

Vai ly kai i vui y hawi naira areng lukhym ly khai yb veng bo; huni ly Areng, tara chih nai keung kahawi my huni kani y ly ang pei ai; kai leaungrei khyh ny y i, mymy i amteng ai nai ngai nai ngiereichi teng y py pei ai.

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

HEBRAI 1:14

Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?

HEBRAI 10:10

Isu Krista i tlang talam bi ai nai aly by y pa-rei tlenrei my talam nai deaungkho y huni kangai y ly achi ai ang chai hai bo.

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;

HEBRAI 2:3

achi ly hina tanrei paheng naira aly len parai nai ai dawndan y baly mana tleaung thai rengrang ai mo? Huni paheng nai satang ly angchei khala y Areng ai teaung nai thui veng bo i, thai nai keungchi ly achi ai ang khaw pi;

HEBRAI 4:15

Ati mana nai mo nabaly achi ly achi i ham y nai sai dawn hai ai nai pany pajau y nai pathyp pi nai keung kalen keh ai ly ngo y leang; huna ny y naimy achi kamta parawi naira lam cheaungkhang avum teang nai, kamngo mang y so y nai ai nga nai teu.

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

HEBRAI 7:27

mymy ly huni pathyp pi nai keung kalen kehchi i sa nai kamta, kani tleirei amy i kamngo nairachi deaungkho y talam manme veng iy, huni bo y ly khumi humchi i kamngo nairachi deaungkho y talam ai nai aly ngai y leang; ati mana nai mo nabaly huni ly amymy ai atalam amang nai thym khala y ly sa bi ai nai aly by y pa-rei tlenrei my sa na veng.

HEBRAI 9:25

naibaly pathyp pi nai keung kalen keh ly saneng tleirei amy i thi ny y nai, thi syn nai tarawi y Meingtym Kachai y kun reng nai kamta, ni ly amy ai atalam jojo ai nai py kun y leang;

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;

II PETERA 3:12

Huni neng deaungkho y kani ai ly kang iy tama ai i, atiti pakeungchi py khri pa-rei angngo nai mai y ang kang bebe ai bo.

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.

I JOHAN 3:5

Mymy ly kamngo la vui ai nai amteng bo, nanai ly nangchi pany; naibaly mymy y ly kamngo ati sai py by y leang.

JUDA 1:21

Phailo Kachai y chiu sa naimy deungtasarei hengra nga ai nai pa-rei achi i Areng Isu Krista i pahen naira ajeng nai tarawi y Tameuh i tamen naira y akry u.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.