HEBRAI 9:26 - Khumi Common Language Bible

²⁶ hunai ne mo khyly mymy ly khaileaung palum angchei kha i ka-so tlen majirei mo patang ai nai tla lawh veng; na i py vai dymkhawn i neng tem naira y ly amymy ai apathyp nai deaungkho y kamngo tama hai vui ai nai tlenrei my ni ai amteng hai bo.

HEBRAI 9:26 ပူးပေါင်းရင်းမြစ်များ

2 SAMUELA 12:13

Davida my, “Kai ly Areng i ngai y nai kasa lawh bo,” nanai ahui baly Nathan my, “Areng ly nang i kamngo pahen bo i, deira i nai lawi hai bo.

2 SAMUELA 24:10

Na i py Davida ly khumi amyn vuikanai la chum nai khala, mymy teng y patang nairachi tym i Areng teng y, “Kai ly hini ka-jei awm nai kamngo sa lawh bo; kai i kamngo pahen pi kyh ba; kai ly kamthu kamleaung kamta sa tamang lawh bo,” napi.

JOBA 7:21

Nang ly kai i kamngo pahen pi pajau y a? Kai i sa tamang nai pahen pajau y nai sai a? Kra y naimy kai ly tapreaung angawm y kasatla ai; nangmy hau nai khala, kai kaawm ai ny y leaung bo.

SAM 103:12

Nisi kangtem ly nidym kangtem hawi palo nai kamta, mymy ly achi i kamngochi ai py, achi hawi palo hai veng bo.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

DANIELA 10:14

Vai, kai kang jeu nai aly ly mo mang i neng y nang i chengchi avum u ai nai leaungsaichi, nang teng y pany hai ai nai molam y ne. Hini paleung mei y niu nai ly mo mang i vui ne,” napi.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

MIKHA 4:1

Mo mang i neng y Achura yhm awm nai mawi ly asang keh nai mawi lawm ai. Mawi bawibawichi tleaung y py asang ai. Khumi cheng neangneangchi ly huni mawi mang y jeu achu iy,

MATTHAI 13:39

hei nai paleung ka-e ly diabola ne; choh tyn nai ly khaileaung pri tem ai nai neng ne; choh tyn nai keungchi ly kani pri i amtaw thau naichi ne.

MATTHAI 13:40

Hunaibaly choh myn la achu iy mai y leng nai kamta ly khaileaung pri tem ai nai neng khala y ly awm teang ai.

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

JOHAN 1:29

Naibaly mymy ly khawn mang y Isu ai ni teng y jeu ai tau nai niu i, “Khen cham, Tameuh i Beram Cho, khaileaung pri i kamngo la pi veng nai keung ho!

JOHAN 17:24

Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.

I KORINTH 10:11

Naibaly huni ly amtiu ai naira lawn ai nai nichi i tlang tleaung y tym hai nai chy bo; achi, neng tem naira y tym naichi ai ang parip ai nai tajiu nai ne.

KALATIA 4:1

Na i py kai ly hinai kana nai ne; Yhmtheaung amtym ai nai keung ly ati cheaungkhangchi i tlang tleaung y lu ne i py, deaungdi nai khala y ly miseaung hawi ati sai py takhra lawh y leang;

EPHESI 1:10

hunaibaly mymy ly mymy y tau nai kamta neng angym khyp nai khala y ly kani mang y atiti awm naichi ai hawi, khaileaung tleaung y atiti awm naichi ai py, ati cheaungkhang ai Krista y pahawi achu ai nai ly mymy i ngai nai kamta ne.

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

HEBRAI 10:10

Isu Krista i tlang talam bi ai nai aly by y pa-rei tlenrei my talam nai deaungkho y huni kangai y ly achi ai ang chai hai bo.

HEBRAI 10:12

na i py ni ly deungtasarei i kavui kamngo nairachi i vui y apathyp naira harei talam nai bo y, Tameuh i lamtang mang y ateh lawh veng;

HEBRAI 10:26

Achi ly leu meitang pany naira kangym nga nai bo y ly atiti kamngo sa ta-li baly, kamngo nairachi i vui y apathyp naira ly pipi by y leang bo i,

HEBRAI 10:4

Si katai hawi mi-ichi i thi ly kamngo nairachi tama hai pajau ai nai ly aveng.

HEBRAI 4:3

Achi ym chum naichi ly huni anawn naira y kun dudu nai ne he; khaileaung palum angchei khala i dengdairei atiti sanaichi ai sa pajau iy py, mymy i thui nai kamta, “Kai i kado theu nai vaineng abeu nai kamta ly, Nichi ly kaimy i anawn naira y kun y ai,” napi.

HEBRAI 7:27

mymy ly huni pathyp pi nai keung kalen kehchi i sa nai kamta, kani tleirei amy i kamngo nairachi deaungkho y talam manme veng iy, huni bo y ly khumi humchi i kamngo nairachi deaungkho y talam ai nai aly ngai y leang; ati mana nai mo nabaly huni ly amymy ai atalam amang nai thym khala y ly sa bi ai nai aly by y pa-rei tlenrei my sa na veng.

HEBRAI 9:12

naibaly mymy ly mi-i hawi si cho i thi deaungkho y ny y naimy, mymy i thi kypkyp deaungkho y Meingtym Kachai y ly kun bi ai nai aly by y pa-rei tlenrei my kun i, deungtasarei atleu naira nga chum bo.

HEBRAI 9:14

deungtasarei Phailo i saho y meimai cheh ai by y nai Tameuh teng y atalam nai Krista i thi my ly Tameuh kangheng i kalop sa ai nai, nangchi hawi nai hawi y nai pany naira ai ly hini hengra abawi y nai atiti sa naira y ly mana tanrei pachai ai mo?

I PETERA 1:20

Ni ai ly khaileaung palum y rai khala y khai rym nai awm khypkhyp nai bo, na i py kangkhym kangtem y ly nangmychi deaungkho y mymy ai amteng hai bo;

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;

I PETERA 4:7

Na i py atiti bawibawi i tem naira ly kasa bo, hunai deaungkho y nangchi ly chiu sa thai ai nai paleung kateng awm iy amkym u;

I JOHAN 3:5

Mymy ly kamngo la vui ai nai amteng bo, nanai ly nangchi pany; naibaly mymy y ly kamngo ati sai py by y leang.

I JOHAN 3:8

kamngo sa nai keung ly diabola i ne: diabola ly angchei kha i dengdairei atiti kamngo sa nai ne. Tameuh i Chapo ly diabola i sa nai sai taphra thai ai nai amteng nai ne.

AMTENG HAI NAI 13:8

Naibaly khaileaung pri y awm nai bawibawichi khaileaung palum angchei khala y tleh nai Beram Cho i heng naira cha-iu y amyn tajiu y nai ngiereichi ly ni ai chiu u ai.

AMTENG HAI NAI 17:8

Nang i niu nai mawi kasi ly jangni awm khyp i, vai by y leang; naibaly angawm kalawi by y nai theung i dengdairei ang theu kalau ai i, tama naira y chei ai. Naibaly khaileaung pri y awm nai, khaileaung palum angchei khalai dengdairei heng naira cha-iu y amyn tajiu y naichi ly mawi kasi ai niu u nai khala y, jangni awm khyp i, vai by y nai, ang jeu bi ai nai ly rengrang na u ai.