HEBRAI 9:22 - Khumi Common Language Bible

²² Naibaly Reita y ly ati cheaungkhang thi y pachai ai nai tla lawn reng, nanai kathui pajau ngaw khyh, naibaly thi theu nai ny y baly pipi pahen naira by y leang bo.

HEBRAI 9:22 ပူးပေါင်းရင်းမြစ်များ

Ezekiela 43:18

Sa thai naira angym nai Areng my kai teng y, “Nang khumicho awi, kai i thui nai tangai ba. Maicham sa chum nai khala, nang ly tawnbawichi leng patlum nai, tawnbawichi i thi hawi maichamra katheng iy maicham khai takhra ai nai tla.

Levi 14:14

Pathyp pi nai keung ly kachai sa nai khumi i lamtang kano sampum, lamtang kiupui hawi lamtang mang kheupuira y beram thi tabei ai nai tla.

Levi 14:25

Ni ly beram tleh iy thi maidenrei hawi, huni khumi i lamtang kano sangpum, lamtang kiupui hawi lamtang kheupuira y tabei ai nai tla.

Levi 14:6

Pathyp pi nai keung ly saitleang keung, kalang kamleng, hussop kateang hawi vanrei tavo kangheng ai kadeng yb nai tavo thira y, pani ai nai tla.

Levi 17:11

Heng nai amjychi i hengra ly thi y awm nai deaungkho y, Areng ly khumichi i kamngo pahen pi ai nai thi ngierei maicham tleaung y leih ai nai tla, nanai leu pei nai ne. Thi ly heng naira ne i, kamngo pachai thai.

Levi 4:20

Ni ly kamngo pahen nai kapathypra talam nai reita kamta, huni tawnbawi talam ai nai tla. Pathyp pi nai keung ly hina nai kamta, khumichi i kamngo molam y tawnbawi apathyp nai deaungkho y, khumichi ly kamngo lawi naira nga u ai.

Levi 4:26

Naibaly leunghawi kapathyp tawnbawichira i thau ai leng patlum nai kamta, mi-i thau ngiereichi ai, maicham salo y leng patlum ai nai tla. Hunai kamta khyp pathyp pi nai keung ly peang nai keung samrang i kamngo molam talam nai deaungkho y, huni samrang ly kamngo lawi naira nga ai.

Levi 4:35

Naibaly leunghawi katalamra tawnbawi thau la nai kamta, beram nu i thau ngiereichi la iy, katalamra hawi vanrei, maicham salo y leng patlum ai nai tla. Pathyp pi nai keung ly hina nai kamta, khumi leaungrei i kamngo molam pathyp pi nai deaungkho y, huni khumi ly kamngo pahen naira nga ai.

Levi 5:10

Pa-nyh tavo ai ly reita kamta leng patlum ai nai tla; huna nai kamta pathyp pi nai keung ly huni khumi pahenra nga ai nai talam pi ai nai tla. Naibaly huni khumi py kamngo lawira nga ai.

Levi 5:11

Ni ly yhm buhu bomrei, ti y baly amprym buhu bomrei py, by y lawh baly, kamngo pahen nai kapathypra i vui tako dei sierei, pathyp pi nai keung teng y syn ai nai tla. Huni katalamra ly teicha teinei katalamra ny y; kamngo pahen nai katalamra ne nai deaungkho y, tako dei salo y olive asitui, ti y baly mui kahawi leih ai nai avo y.

Levi 5:12

Pathyp pi nai keung ly Areng teng y tako dei talam be nai ka-ma-ra lawm ai nai tako dei kiu angsorei la iy leng patlum ai nai tla; hini ly kamngo pahen nai katalamra ne.

Levi 5:18

Ni ly pathyp pi nai keung teng y no-na by y nai beram katai, ti y baly mi-i katai ha harei vang apani yb nai tangka py talam ai nai tla. Naibaly pathyp pi nai keung ly huni khumi i kamngo molam pathyp pi nai deaungkho y, ni ly kamngo pahen naira nga ai.

Levi 6:7

Naibaly pathyp pi nai keung my, huni khumi i kamngo molam pathyp pi nai deaungkho y, ni ly kamngo pahen naira nga ai.