HEBRAI 8:9 - Khumi Common Language Bible

⁹ Mymychi i amsi pajochi ai Aikupta pri i dengdairei pahawi ai nai Nichi i kiu y kapatawn nai kani y, Nichi teng y kai i leu maikawm khai nai kamta ny y; Ati mana nai mo nabaly nichi ly kai i leu maikawm y awm u jo y; Hunaibaly nichi ai ly kadawn hai y bo, Areng my napi.

HEBRAI 8:9 ပူးပေါင်းရင်းမြစ်များ

ATITI AWM ANGCHEI NAI 19:16

Lota ly niniuna nai deaungkho y Areng my pahen i, mymy i chaniu leaung nyhrei ai py, aju ai py, mymy ai py kiuban y amkhaw iy, mary theung i nai theu hai bo.

JOBA 8:20

Na i py Tameuh ly mymy tlang tleaung y ka-ym awm naichi ai, mana khala py khai su ai ny y. Khumi hawi y naichi ai ly mana khala py sabawm ai ny y.

SAM 105:43

Hunai deaungkho y mymy ly mymy i khumichi ai pahawi nai ne; nichi ly amo theu naimy khulym thui iy aeu u bo.

SAM 77:20

Nang ly Mosi hawi Aron nini i lu sa nai hawimy, nangmy i khumichi ai, beram tym nai keung kamta pahawi bo.

SAM 78:57

Mychi i amsi pajochi kamta leu tangai y i, tiu u bo; nichi ly thailiho ko nai khala y thailiho chyn kataw seaung y nai kamta, ka-ym by y nai khumichi ne.

THEU NAI 32:8

Nichi ly kai i reita lam i nai hi u vui bo; muku hawi si cho myn sa iy huni myn y apathyp i, chiu u bo. Huni tameuh ly nichi ai Aikupta pri i dengdairei pahawi nai tameuh ne, nanai aeu u sau na bo,” napi.

THEU NAI 34:10

Areng my Mosi teng y, “Kai ly vai, Israela chengchi hawi Leu Maikawm asa ai. Khaileaung pri cheng takhrachi theung y py so vai y nai, nichi i mei ka-niu y atiti len parai tlai naichi sa pi ai. Kai, Areng leaungrei naini sa thai naira len parai naichi sa pajau khyh, nanai khumi bawibawichi my niu u ai; ati mana nai mo na baly nangchi i vui Kai, Areng my ka-jei hawi parai nai rengrang tlai naichi kang sa pi ai nai ne.

Solomon i khulym 8:5

Mymy i khrei nai khumi hawi kiu asyn iy daichi ka-vym mang jeu nai ly ami mo? Kai ly khrei nai keung i tapen nai meingtym apple keung anui y, ni ai i kapalaw nai ne.

ISAIA 40:11

Mymy ly beram typ nai keung kamta, mymy i beram kanghu ai pacho panei iy kry ai. Mymy ly beramchochi ai pangym iy, kiu hawi tapawm naimy nichi i amhmchi ai lam patei iy pahawi kajai ai.

ISAIA 41:13

Kai ly nangchi i Areng Tameuh ne iy, nangchi ai atho awm hai bo. ‘Jei u moh, kaimy sabawm ai,’ nanai nangchi ai kang thui pi bo,” napi.

ISAIA 51:18

Nang ai lam patei pi ai nai khumi leaungrei py by y. Nang i chengchi theung y nang ai kiu hawi ang pahawi ai nai khumi leaungrei py by y.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

JEREMIA 31:32

Huni Leu Maikawm ly nichi i amsi pajochi ai Aikupta pri i dengdairei patheu nai thym khala i, nichi hawi asa nai Leu Maikawm hawi atawm ai ny y. Kai ly nichi i juvo kamta ne teu i py, nichi ly kai hawi asa nai Leu Maikawm ai patawm u y.

TANGAM NAI LEU 4:16

Areng ly nichi ai dawndan pi y nai deaungkho y, mymy ly nichi ai ahei hai phro nai ne. Kaichi i pathyp pi nai keungchi hawi lu sa nai keungchi ai py tahm khai y, meimai khen y leang bo.

Ezekiela 16:59

Sa thai naira angym nai Areng my, “Nang ly nangmy i adeu nai leuchi ai tahm khai y, Leu Maikawm py taphra nai deaungkho y nang, nga ai ataing nai kamngolai kang pajeng ai.

Ezekiela 16:8

“Kai ly nang i sahawi mang aleaung bi bo. Huna nai khala nang ly khrei nai paleung mang y tleaungri aveang nai neng tym bo, nanai kang niu nai deaungkho y, kai ly tlang ka-keu naimy awm nai nang ai kai i ateaung hawi kang khiu iy, nang ai kang khrei mang, nanai adeu chum baly, nang hawi leu maikawm asa i, nang ly kai i aju lawm bo,” napi. Hini ly sa thai naira angym nai Areng i thui nai leu ne.

AMOS 5:22

Nangchi i leng patlum nai kapathyp, teicha teinei talam naichi ai kai aly ngai y. Veung hawi nai tawnbawichi hawi apathyp nai py, kai aly ngai y.

MALAKHI 2:13

Nangchi i sa nai takhra harei awm rai; nangchi ly nangmychi syn nai katalamrachi ai Areng my kawn pi y nai deaungkho y, vo tangam naimy mymy i maicham ai meikatuira y anum hai bo.

MARKA 8:23

Naibaly mymy ly mei kamju i kiu y amkhaw iy, avang i dengdairei pahawi; naibaly ni i mei y pachi pathawi i, ni i tlang tleaung y kiu tamam nai bo y, “Atiti niu thai a?”, nanai deng.

AMTAW 13:11

Naibaly vai ly khen cham, nang i tlang tleaung y Areng i kiu ang tym nai bo he, nang ly mei paju ai i, kani kangvang niu y ai rai,” napi. Hunaibaly tamai hawi kaveng my mymy ai ly tabawm praw i, kiu y pahawi ai nai keung hau nai aleaung ryry.

AMTAW 7:36

Mymy ly Aikupta pri y hawi, Pangli Tui Kamsen y hawi daichi ka-vym y saneng vui palyhrei sala y py atiti rengrang hawi ka-ma-rachi patei veng iy, mymychi ai theu hai iy pahawi bo.

AMTAW 9:8

Naibaly Sawla ly khaileaung i nai angthau; naibaly mei pali i ati sai py niu thai y bo; hunaibaly nichi ly kiu y pahawi naimy ni ai Damaska avang y tym hai bo.

KALATIA 4:24

Huni leu ly pata naira ne; hunini ly leu maikawm nyhrei nai ne; leaungrei nai ly Sinai Mawi i nai, miseaung lawn ai nai tapen nai keung ly; huni ly Hakari ne.

Leu Thui Nai 29:1

Sinai mawi saleung y Areng ly Israela chengchi hawi leu maikawm asa pajau nai bo y, vai Moba pri y Mosi dengdairei Israela chengchi hawi Leu Maikawm asa panawi bi nai ne.

Leu Thui Nai 29:12

Nangchi bawibawi ly nangmychi i Areng Tameuh hawi vaini vaineng abeu iy, Leu Maikawm asa ai nai tla.

Leu Thui Nai 29:25

Pathang pi nai ly ‘Areng ly nichi i amsi pajochi ai Aikupta pri i dengdairei pahawi nai khala, nichi i amsi pajochi hawi asa nai Leu Maikawm ai taphra nai deaungkho y ne.