HEBRAI 8:1 - Khumi Common Language Bible

¹ Hunaibaly kaichi i leu thui naichi theung y aly len keh nai ly hini ne he: achi ly hunai kamta pathyp pi nai keung kalen keh;

HEBRAI 8:1 ပူးပေါင်းရင်းမြစ်များ

1 NENG SATANG 29:11

Nang ly nang parai iy sa thai naira phum-ang, haiho, nang parai naira kawi angym nai ne. Kani khusang hawi khaileaung salo y awm nai ngiereichi peang iy, nang ly khumi cheng cheaungkhangchi ai, sa thai naira phum-ang hawi peang nai samrang ne.

JOBA 37:22

Tosyh ngan mang y muku an aleaung nanai Tameuh i nang parai nai sai ly ka-jei awm nai ne.

SAM 104:1

Aw Kai i phailo, Areng ai palo! Aw kai i Areng Tameuh, nang ly khri pa-rei nang parai! Nang ly sa thai naira phum-angchi hawi amthyp nai ne.

SAM 110:1

Areng my, “Kai ly nang i paleung ka-echi ai nang i kheu khaira lawn hai ai; huna nai lawm y ryrei ly kai i lamtang mang y ateh,” nanai kai i Areng teng y leu pei bo.

SAM 145:12

Hina nai y khumi bawibawichi ly nang i sa nai saichi ai py, nang i pri nang parai nai saichi ai py, pany u ai.

SAM 21:5

Nangmy sabawm nai deaungkho y, samrang ly sa thai naira angvang na. Nang ly ni ai amthang leaung ai nai hawi, apu parai naira pei pi bo.

ISAIA 24:14

Dei kamthum khumichi ly amo theu naimy khulym thui u ai. Nidym mang i khumichi ly Areng i nang parai nai sai pany hai iy,

MIKHA 5:4

Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.

MARKA 16:19

Hunaibaly Areng Isu ai ly nichi teng y leu thui pajau iy, kani pri mang y hawi kalau i, Tameuh i lamtang mang y ateh bo.

EPHESI 6:20

hunira y ly kai i thui ai avo nai kamta vam parai naimy kathui thai ai nai hawi, kai i vui py hnei pi u kyh; kai ly huni Satang Kahawi deaungkho y sengkry pachu nai savai ne.

KOLOSA 3:1

Hunaibaly nangchi ly Krista hawi vanrei pathau nai awm u chum bo nabaly, salo mang i, Tameuh i lamtang mang y ateh nai Krista i awm naira i atiti awm naichi ai hau u.

HEBRAI 1:13

Na i py mymy ly, “Nang i paleung ka-echi ai ly nang i kheu amchym naira kaso y ryrei ly, Kai i lamtang mang y ateh,” nanai kani pri i amtaw thau naichi theung y ami i molam y thui vai mo?

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 10:12

na i py ni ly deungtasarei i kavui kamngo nairachi i vui y apathyp naira harei talam nai bo y, Tameuh i lamtang mang y ateh lawh veng;

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

HEBRAI 2:17

Hunaibaly mymy ly khumichi i vui y kamngo tama hai naira lawn ai nai, Tameuh mang i atiti ra y ly pathyp pi nai keung kalen keh pahen parai nai hawi ka-ym awm parai nai lawn thai ai nai, cheaungkhangra y mymy i amjo amnauchi kamta awm ai nai ly mymy i vui aeang parai nai angchi yb nai ne.

HEBRAI 3:1

Hunaibaly amjo amnau kachai, kani pri mang i palau nai phy nga naichi awi, achi i ym nai leu Amtaw Thau nai Keung hawi, Pathyp pi nai Keung kalen keh Isu ai ly dawn u.

HEBRAI 4:14

Hunaibaly kani mang y tako prei chum nai pathyp pi nai keung kalen keh nang parai nai, Isu, Tameuh i Chapo ai ly achi my nga nai deaungkho y, achi i ym nai leu patawm u cheng sina.

AMTENG HAI NAI 3:21

Kai ly pajau i Ngaai teng y ni i areng atehra y ka-teh nai kamta ly, pajau nai keung ai ly kai teng y kai i areng atehra y ka-teh hai ai.