HEBRAI 7:19 - Khumi Common Language Bible

¹⁹ (Reita ly ati sai py angym hai y leang:) naibaly athang khai naira hawi kyh nai ai tym hai lawh nai ne, huni i saho y achi ly Tameuh teng y kasa jojo.

HEBRAI 7:19 ပူးပေါင်းရင်းမြစ်များ

SAM 73:28

Na i py kai i vui ly Tameuh i sahawi y awm ai nga nai, salo kangteng Areng teng y abyh ai nga nai hawi, mymy i sa nai rengrang nai saichi ai, amthang hai ai nga nai ly khri pa-rei hawi parai na ly!

TANGAM NAI LEU 3:57

Kai ai jei moh, nanai pathang pi bo.

JOHAN 1:17

Ati mana nai mo nabaly Mosi i saho y Reita ang pei bo; na i py pahenra hawi leu meitang py Isu Krista i saho y tym.

JOHAN 14:6

Isu my ni teng y, “Kai ly lam py, leu meitang py, hengra py ne.

AMTAW 13:39

ami py ym nai ngierei ly ati cheaungkhangra y Mosi i Reita y eaung hai naira awm thai y nai ly mymy ly eaung hai bo.

ROM AVANGCHI TENG Y PAWLA I CHA PA NAI 5:2

mymy i saho y teang, achi i hini pahenra kakhaw angdo naira y ly ym naira deaungkho y kun bo; naibaly Tameuh i nang parai naira ai phy nga ai nai athang khai iy kawn u sina.

ROM AVANGCHI TENG Y PAWLA I CHA PA NAI 7:7

Tumbaly achi ly ati thui ai mo? Reita ly kamngo lawh a? Ny y leang. Na i py Reita ny y nai khyly kai ly kamngo apany y leang bo; Reita my ly, “Paleung no moh,” tapi moh khyly kai ly paleung no ai nai kapany y leang bo:

ROM AVANGCHI TENG Y PAWLA I CHA PA NAI 8:3

Naibaly tlang deaungkho y Reita ly ham y i sa pajau ai vuilam ny y nai ly, achi, tlang i reita y tako y naimy Phailo i reita y takho lawh nai keungchi y ly Reita leu khai rym nai ly sa angym naimy awm thai ai nai,

KALATIA 2:16

na i py Reita i atitichi sa nai deaungkho y ami my eaung naira ngo y leang, Isu Krista ai ym nai deaungkho y harei nga khyh, nanai achi py Reita i atitichi sa nai deaungkho y ny y i, Krista ai ym nai deaungkho y eaung naira nga thai ai nai, achi ly Krista Isu ai ym nai ne; khumi nanai ly Reita i atitichi sa nai deaungkho y eaung naira ha py ngo y leang.

KALATIA 3:21

Naibaly Reita ly Tameuh i leu adeu naichi ai ly paka nai sai a? Ny y leang; Reita y ang paheng thai nai ly ang pei chum makho baly, hawi naira ly Reita deaungkho y awm takengkei ai nai tla.

KALATIA 3:24

Hunaibaly achi ly ym nai deaungkho y eaung naira nga thai ai nai, Reita ly achi ai Krista teng y ang pahawi nai ne.

EPHESI 3:12

achi ly huni Krista Isu ai ym nai deaungkho y mymy y ly amjeaung naira hawi vam parai naimy kun thai ai naira nga bo.

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

I TIMOTHEI 1:1

Achi ai paheng nai keung Tameuh hawi, achi i athang khai naira Krista Isu i leu pei nai kamta Krista Isu i amtaw thau nai Pawla my ly,

HEBRAI 10:1

Reita ly atiti kahawi awm ai naichi atawm tatang nai by y naimy, pa-pui awm khyh nai y, saneng tleirei apathyp jojo naira talam reng nai deaungko y jeu kasa naichi ai ly mana khala y py angym hai pajau y leang.

HEBRAI 11:40

ati mana nai mo nabaly achi ai tabawi y nai ly nichi ai angym hai y ai nai, Tameuh my achi i molam y atiti hawi tleaung hawi ra nai ang sa pi chum veng bo.

HEBRAI 11:6

Na i py ym naira ny y baly mymy ai kawn pajau ai nai ly aveng. Ati mana nai mo nabaly Tameuh teng y ahihawi nai khumi ly Tameuh ly awm, nanai hawi, mymy ai hau nai keungchi teng y kawn nai vang pei nai keung ne, nanai py ym ai nai tla.

HEBRAI 3:6

na i py Krista ly Tameuh i dengtheungchi i tlang tleaung y Chapo y ka-ym awm nai ne, naibaly achi ly tem khala y khrairei vam naira hawi athang khai naira i amlyh naira khaw parai pa-rei my patawm cheng baly, achi ly mymy i dengtheungchi ne.

HEBRAI 4:16

Hunaibaly achi ly pahenra nga thai ai nai hawi, aly aeang nai neng khala y pahenra i sabawm naira nga thai ai nai py, pahen naira areng atehra mang y vam parai naimy kasa u sina.

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.

HEBRAI 7:11

Hunaibaly Levichi ly pathyp pi nai keung lawn nai deaungkho y angym naira nga pajau nai ne lawh baly (huni i anui y ly khumi humchi ly Reita nga veng), Aron kamta khai rym nai ny y naimy, Melkisadeka kamta pathyp pi nai keung takhra theu ai nai ati aly awm mo?

HEBRAI 7:20

Naibaly huni ly vaineng abeu y nai deaungkho y ny y leang.

HEBRAI 7:25

Hunaibaly mymychi ai chiu sa pi ai nai mymy ly deungtasarei heng jojo nai deaungkho y mymy i saho y Tameuh teng y jeu naichi ai ly angym pa-rei ang paheng pajau.

HEBRAI 8:6

Vai naini mymy ly sa nai sai hawi keh nai nga bo; ati mana nai mo nabaly mymy ly leu adeu naira hawi keh naichi salo y sa nai leu maikawm hawi ra hawi ra nai i savai aleaung bo.

HEBRAI 9:9

Huni ly vai dymkhawn i pata naira ne; huni kamta atiti pei nai hawi apathyp nairachi py talam pi reng; hunichi ly hawi nai hawi y nai pany naira y ly chiu nai keung ai ly angym hai pajau y leang:

JAKOB 4:8

Tameuh hawi kasa u, hunaibaly ni py ang kasa ai mang. Khumi kamngochi awi, nangchi i kiu ly asi u pan; atiti sa nai bawibawira y so tangei chei y naichi awi, nangchi i paleung apachai u.