HEBRAI 6:2 - Khumi Common Language Bible

² Krista i satang pakeung sangumchi thui pi ali y i, khumi ka-cheng lawn ai nai atho so u veangveang sina.

HEBRAI 6:2 ပူးပေါင်းရင်းမြစ်များ

Parip nai leu 12:14

Achi i sa nai leaungsai bawibawichi ai hawi nai py ne sy, hawi y nai py ne sy, kangviu y sa nai saichi py ne sy, Tameuh my tara chih ai.

ISAIA 26:19

Kaichi khumichi theung i dei chum naichi ly heng u ali teang ai! Nichi i ngan tlangchi ly heng teang ai. Tapreaung angawm y aseaung nai khumi kadeichi ly amo theu naimy khulym thui u ai. Reaung amchang nai kadamchi ly khaileaung y apu hai ali teang nai kamta, neng kra parai nai khala i dei chum nai khumichi ai, Areng ly heng hai ali teang ai.

DANIELA 12:2

Dei chum nai khumi neangneangchi ly heng u ali teang ai. Nichi theung i phyrei khumichi ly deungtasarei hengra nga u ai. Phyreichi ly deungtasarei tahm anem naira avum u ai.

MATTHAI 28:19

Hunaibaly cheng cheaungkhangchi ai abang nai khumi palawn ai nai chei u ly, nichi ai Ampo hawi Chapo hawi Philo Kaichai i amyn y baptis so u:

MATTHAI 3:14

Na i py Johan my ly “Kai ly nang teng y baptisma nga ai nai aly awm, nang ly kai teng y jeu lawh a?” nanai mymy ai paka ai nai tau.

MARKA 16:16

Ym iy baptisma nga nai khumi ly hengra nga ai; ym y nai khumi ly sum naira nga ai.

MARKA 7:4

naibaly seng i dengdairei vawi nai khala y py tui ahiu y baly cho vai y. Leu takhra neangneang tangai cheng ai nai, khauchi, laawmchi, kheu paja laawmchi paju ai nai nga nai py awm asai rai.

MARKA 7:8

Nangchi ly Tameuh i leu pei nai ly patlaw jo iy, khumi i tanyn patawm u cheng lawh nai na a hi ly,” napi.

LUKA 11:38

Naibaly mymy ly kiu asi y naimy biu o nai ly Pharisai my niu i rengrang tlai ly, napi.

LUKA 12:50

Na i py kai baptisma nga ai nai awm rai, huni law y nai ryrei ly kai khri taho amchei na ly.

LUKA 14:14

Hunichi my ly ang heung ai nai by y nai deaungkho y nangchi taham hawi ai; khumi kahawichi angthau bi nai neng khala y ly ang heung bi ai,” napi.

LUKA 3:16

“Kai ly nangchi ai tui hawi baptis kang sa nai teu; na i py kai tleaung y len keh nai leaungrei ang jeu ai, kai ly ni i phainai vui su ai nai py ataing y leang: ni my ly Phailo Kachai hawi mai hawi baptis ang sa pi ai mang.

JOHAN 1:33

Kai ly mymy ai pany y, na i py tui y baptis sa ai nai kai ai pato nai keung ly kai teng y, ‘Phailo ly ami i tlang tleaung y kathiu iy chym nai nang niu nai ngierei ly, mymy kypkyp ly Phailo Kachai y baptis sa ai nai keung ne ai,’ ang napi.

JOHAN 5:29

atiti kahawi sa naichi ly hengra nga ai nai angthau u bi ai; atiti hawi y sa naichi ly sumra nga ai nai angthau u bi ai.

AMTAW 10:47

Naibaly Petera ly thui bi i, “Hini, kaimychi kamta Phailo Kachai nga teang naichi ai baptis so y ai nai tui teaung ai nai ami my ang paka thai mo?” napi.

AMTAW 13:3

Hunaibaly nichi ly biu hai nai hawi chiu sa nai hawi nini i tlang tleaung y kiu tamam nai bo y ly nini ai tako hai bo.

AMTAW 16:15

Naibaly mymy hawi, my i dengtheaungchi hawi baptisma nga pajau nai kha y, “Kai ly Areng ai ym tatang, nanai nangchi athang khai baly, kai i yhm y ango u ba,” napi; naibaly mymy ly kaichi ai khrikhri pa-rei takeng i patawn bo.

AMTAW 16:33

Naibaly huni vum y huna nai thym khyp khala y my nini ai pahawi iy pakhau nai tamo ly sawp pi pan; naibaly mymy hawi mymy i dengtheungchi bawibawi py baptisma nga praw ryp.

AMTAW 17:18

Naibaly Epikuria khumi hawi Stoik khumichi theung y khumi kacheng amichi mo mymy hawi avum. Phyreichi ly, “Hini khumi leu kapeung ly ati thui ai nai tau mo?” napi. Phyreichi my ly, “Tameuh takhrachi i satang thui nai ngaw khyh,” napi. mymy ly Isu i satang hawi angthau bi nai leu py thui pi nai deaungkho y.

AMTAW 2:38

Naibaly Petera ly nichi teng y, “Uikhei u ly, nangchi i kamngo pahen ai nai Isu Krista i amyn y baptisma ngo u bawibawi, hunaibaly Phailo kachai pei nai ly nangchi py ngai ai.

AMTAW 2:41

Naibaly ni i leu tangai nai ngierei ly baptisma nga bo, naibaly huni kani y ly khumi sang thomrei awm panawi bi.

AMTAW 23:6

Naibaly phyrei ly Saddukaichi, phyrei ly Pharisaichi ne, nanai Pawla niu iy, tara chih keungchi theung y aeu i, “Amjo amnauchi awi, kai ly Pharisai ne, Pharisai i chapo py ne ryp; kadeichi i vui athang khai naira hawi angthau bi naira py kai ai ang deng nai he,” napi.

AMTAW 24:15

naibaly khumi kahawichi py, hawi y naichi py angthau bi ai, nanai Tameuh teng y athang khai nai, hinichi py huni ly ym teang makho;

AMTAW 24:21

hini leu sairei ny y baly mymychi theung y kai angdo iy, ‘Kadeichi angthau bi nai leu y vaini ly nangchi i mo y kai ai deng nai bo he,’ kanapi nai ly,” nanai pathang.

AMTAW 24:25

Naibaly Pawla my ly hawi sa nai leu hawi, amkym ai nai leu py, tara chih nai tym ai nai leu py ka-thui thui pi nai thym khala y ly Felika ly khri pa-rei jei i, “Vai ly leh teu rai, kaimy neng avo nai khala y kang palau ai mang,” napi.

AMTAW 26:8

“Tameuh my kadeichi ai pathau nanai ly ati mana nai ka-ym by y nai palawn lawh?

AMTAW 4:2

Isu deaungkho y kadeichi theung i nai angthau bi nai leu thui pi nai y py nichi ly khrikhri pa-rei paleung hawi y parai.

AMTAW 6:6

nichi ly chiu sa i mymychi i tlang tleaung y kiu tamam.

ROM AVANGCHI TENG Y PAWLA I CHA PA NAI 2:16

mymychi i hawi nai hawi y nai pany naira my pany hai iy mymychi i dawn naira my apasum py apasum lawh ai, ti y baly akhi py akhi hai lawh ai.

I KORINTH 10:2

naibaly nichi bawibawi ly khupanym y hawi pangli y py Mosi teng y baptisma nga u bebe;

I KORINTH 12:13

Achi bawibawi ly Judachi mo Krikchi mo, miseaung mo miseaung ny y nai mo, tlang bomrei y awm ai nai achi ly Phailo harei y baptisma nga bawibawi i, Phailo harei y ang nei hai bawibawi teang.

II KORINTH 5:10

Achi bawibawi ly tlang y atiti sa naichi, hawi nai hawi y nai achi i sa nai kamta nga bawibawi thai ai nai, achi ai ly Krista i tara chih nai atehra mo y amteng hai bebe ai nai tla.

PHILIPI 3:21

Mymy ly mymy i sa nai kamta sa iy, ati cheaungkhang ai py mymy ngaingai anui y khai pajau, achi i tahm anem nai thym kha i tlang ai ly mymy i nang parai nai tlang kamta awm ai nai sa palai bi ai.

KOLOSA 2:12

nangchi ly baptisma y ly mymy hawi vanrei a-up u teang nai veng bo, hunira y ly, kadeichi theung i dengdairei mymy ai pathau nai keung Tameuh i sa nai sai ym nai deaungkho y, nangchi ai mymy hawi vanrei ang pathau teang nai veng bo.

II TIMOTHEI 2:18

nini ly “Angthau bi nai ly vai py ne palai veng bo,” na hawi iy, leu meitang lam ai ly tako hawi akawi veng i, phyreichi i ym naira ai ly atlym hai bo.

HEBRAI 11:35

Neampachychi my nichi i kadeichi ai angthau bi naira y nga teang; khumi takhrachi my khri pa-rei ana patheng paang nai, angthau bi naira hawi tleaung hawi ra nga u thai ai nai lawi naira ly ngai y leang bo;

HEBRAI 9:10

cha nei ai naichi, tui y paju nai takhra takhrachi, hunichi ly tlang i reita ne, sa palai bi ai nai neng tym y ryrei ly khai rym nai teu.

II PETERA 3:7

na i py vai i kani khaileaung ly huni leu deaungkho y Tameuh ai tahm khai y naichi ai tara chih ai nai hawi tama hai ai nai kani i vui y khai iy, mai i vui pateung achu nai lawn bo.