HEBRAI 5:12 - Khumi Common Language Bible

¹² Ati mana nai mo nabaly huna tanrei kra iy nangchi ly patiu nai keung y lawn, nanai pa-rei awm na teu iy py, Tameuh i leu sangum pakeungchi nangchi ai patiu ai nai aly ngai rai nai khumi lawn u lawh veng bo he; nangchi ly biu tang ny y naimy kanu hang aly awm.

HEBRAI 5:12 ပူးပေါင်းရင်းမြစ်များ

2 SAMUELA 16:23

Hunai thym khala y khumichi my Ahithophela i tau pei nai ly Tameuh teng i tau pei nai palawn u. Davida hawi Abasalom nini py dawn hawi teang bo.

EZARA 7:10

Ezara ly mymy deungrei Areng i Reita leu amtiu nai, tangai nai hawi atyp nai ne i, huni Reita theung y awm nai leu pei naichi hawi reita tanynchi ai Israela chengchi teng y patiu pi nai ne.

SAM 34:11

Deaungdi ahawichi awi, kai teng y jeu iy kai i leu tangai u; Areng ai tahm khai thai ai nai, nangchi ai kaimy kang patiu pi ai.

ISAIA 28:13

Huna nai y Areng ly nangchi ai hawihai palai kamsi kamdi, lamrei chum baly lamrei, sairei chum baly sairei patiu pi ai. Hunai deaungkho y nangchi ly kheu takan nai tleirei atlym u ai. Nangchi ly tamo kalem nga iy deaung y man i, patiu nai avum u ai.

ISAIA 55:1

Areng my, “Tui ahai nai khumi bawibawichi awi, jeu u; hi y tui awm! Paisa tangka by y nai khumichi awi jeu u ly, choh van iy cho u! Kanu tui hawi kreip hang vang u! nangchi ati sai py vang tlo y leang!

MATTHAI 17:17

Naibaly Isu my ly, “Aw, vai deung kangthau ym naira by y nai hawi, kateng so y naichi awi, kai ly nangchi teng y mana tanrei kang awm hai ai mo? Mana tanrei kang kham hai thai ai mo? Ni ai ly hi y kai teng y hawi u,” nanai pathang.

MARKA 9:19

Naibaly mymy ly nichi teng y, “Aw vai deung kangthau ym naira by y naichi awi, kai ly nangchi teng y mana tanrei kang awm hai ai mo? mana tanrei kang kham hai thai ai mo? Ni ai ly kai teng y hawi u,” napi.

AMTAW 7:38

Huni Mosi ly Sinai mawi y arum hai nai kani pri i amtaw thau nai hawi, achi i amsi sangumchi hawi daichi ka-vym y achu naichi theung y awm nai ne; mymy ly ang pei pateang ai nai Tameuh i leu kangheng nga nai keung ne;

ROM AVANGCHI TENG Y PAWLA I CHA PA NAI 3:2

Lengkhym takip naira py ati kamran awm mo? Lam cheaungkhangra y chawn parai; angchei y ly nichi teng y Tameuh i leu sai ly kry hai nai deaungkho y chawn naira ne.

I KORINTH 14:19

na i py palau takhra kamkawmchi i achu naira y ly leu athai y nai meaungkateaungrei thui nai tleaung y ly, khumi takhrachi ai kapatiu thai ai nai, kaimy i pany thai naira y leu sai pangrei chy thui ai nai kangai keh.

I KORINTH 14:20

Amjo amnauchi awi, paleung y ly deaungdi kamta awm u reng moh; ne mang ly kamngora y ly deaungdi chymplei nai kamta awm u ly, na i py paleung y ly khumi ka-cheang lawn u.

KALATIA 4:3

Hunai kamta ly achi py deungdi khala y ly khaileaung pri i pakeungchi i anui i miseaung y awm.

PHILIPI 3:1

Kangkhym i naira y ly amjo amnauchi awi, Areng y kawn u. Nangchi teng y huni atiti tajiu anawi bi nai ly kai i vui palei ai awm nai ny y leang, nangchi i vui chawn lawh veng.

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

HEBRAI 10:32

Na i py jangni y nangchi ai angvang hai nai bo y khri pa-rei khrukhra la parai nai patang nai thym khala i kani ly adawn u vau;

HEBRAI 5:11

Kaichi ly huni molam y leu neangneang thui ai nai awm i, nangchi ly kano kapang lawn lawh nai deaungkho y thui pi pachai ai nai rai parai.

HEBRAI 5:13

Kanu hang y kan nai ngierei ly hawi naira leu y ly pany naira by y leang: mymy ly deungdi nai deaungkho y teu.

HEBRAI 6:1

Hunaibaly hengra abawi y nai atiti sa naira i nai uikhei iy Tameuh mang y ym nai, tui y paju nairachi hawi kiu tamam nai py, kadeichi i angthau bi naira hawi deungtasarei tara chih naira patiu nai lengseaung leng nai ly leng ali y naimy,

I PETERA 2:2

deaungdi chymblei nai kamta ly phailo mang i kanu hang, tapawp paryp naira ati sai py tabawi y nai ly khri pa-rei ngai u, hunira y ly hengra ka-lawn pa-rei veang u thai ai nai;

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.