HEBRAI 4:15 - Khumi Common Language Bible

¹⁵ Ati mana nai mo nabaly achi ly achi i ham y nai sai dawn hai ai nai pany pajau y nai pathyp pi nai keung kalen keh ai ly ngo y leang; huna ny y naimy achi kamta parawi naira lam cheaungkhang avum teang nai, kamngo mang y so y nai ai nga nai teu.

HEBRAI 4:15 ပူးပေါင်းရင်းမြစ်များ

THEU NAI 23:9

“Nangchi ly Aikupta pri y angvyn kamta awm u reng nai deaungkho y, angvyn i ka-dawn pany iy nangchi i pri y angvyn lawm nai cheng takhrachi ai ano moh.

ISAIA 53:9

Ni ly hawi y naira sairei py sa tamang nai by y. Ka-chawi py thui vai y. Na i py ni ly achi khumichi i kamngo deaungkho y, padei nai avum iy, khumi kamngo hawi vanrei pavum nai py, khumi kanang hawi vanrei up nai py, avum nai ne.”

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

MATTHAI 12:20

Mymy ly eaung ai nai tara chih nai ly tym hai y ryrei ly, Kadi du nai satleung taphra y ai, Teicha angveaung paijei nai py padei y ai,

MATTHAI 4:1

Hunai pajau khala y Phailo ly Isu ai diabola my prawi ai nai daichi ka-vym y pahawi bo.

LUKA 22:28

Kai ly parawi naira avum nai sala ryrei ly kai ai awm hai nai keung nangchi ne;

LUKA 4:2

naibaly diabola my parawi nai tarawi y daichi ka-vym y Phailo my pahawi nai kani vui palyhrei awm. Naibaly hunai kha y ly mymy ly ati sai py cho y i, kangkhym y ly kajeu alam bo.

JOHAN 8:46

Kai ai kamngo lam y pasum thai ai nai nangchi theung y ami awm mo? Kai ly leu meitang thui nai ne baly ati mana nai kai ai ym u y?

ROM AVANGCHI TENG Y PAWLA I CHA PA NAI 8:3

Naibaly tlang deaungkho y Reita ly ham y i sa pajau ai vuilam ny y nai ly, achi, tlang i reita y tako y naimy Phailo i reita y takho lawh nai keungchi y ly Reita leu khai rym nai ly sa angym naimy awm thai ai nai,

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

HEBRAI 4:14

Hunaibaly kani mang y tako prei chum nai pathyp pi nai keung kalen keh nang parai nai, Isu, Tameuh i Chapo ai ly achi my nga nai deaungkho y, achi i ym nai leu patawm u cheng sina.

HEBRAI 5:2

naibaly mymy kypkyp ai ly ham y naira my taki teang nai deaungkho y, ni ly ati sai py pany y nai hawi lam tamang naichi i tlang tleaung y neaung kham thai reng nai ne;

HEBRAI 7:26

Hunai kamta pathyp pi nai keung kalen keh, khumi kachai, ka-di ka-de y nai, anyng akau y nai, khumi kamngochi teng i nai awm takhra iy, kani tleaung y salo keh naira y tym hai nai ly achi i vui awm angchi yb nai ne;

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

I PETERA 2:22

Mymy ly kamngo pipi so y leang, mymy i labeaung y py tapawp paryp naira ha py by y;

I JOHAN 3:5

Mymy ly kamngo la vui ai nai amteng bo, nanai ly nangchi pany; naibaly mymy y ly kamngo ati sai py by y leang.