HEBRAI 4:14 - Khumi Common Language Bible

¹⁴ Hunaibaly kani mang y tako prei chum nai pathyp pi nai keung kalen keh nang parai nai, Isu, Tameuh i Chapo ai ly achi my nga nai deaungkho y, achi i ym nai leu patawm u cheng sina.

HEBRAI 4:14 ပူးပေါင်းရင်းမြစ်များ

Ezekiela 46:10

Samrang ly khumichi kun nai khala kun iy, nichi theu nai khala theu ai nai tla.

MATTHAI 4:3

Naibaly parawi nai keung ly tym i mymy teng y, “Nang ly Tameuh i Chapo ne nabaly hini lengseaung ly tako lawn ai nai leu pei bei,” napi.

MARKA 1:1

Tameuh i Chapo Isu Krista i Satang Kahawi angchei i nai ly.

MARKA 16:19

Hunaibaly Areng Isu ai ly nichi teng y leu thui pajau iy, kani pri mang y hawi kalau i, Tameuh i lamtang mang y ateh bo.

LUKA 24:51

Naibaly hina nai ne, amtheaung hai nai thym khala y nichi hawi amprei i, ni ai ly kani pri mangy pahawi kalau veng bo.

AMTAW 1:11

Nini my ly, “Kalili pri i khumichi awi, ati mana nai angdo naimy kani mang y khen u ryry lawh mo? Hini Isu, nangchi teng i dengdairei kani mang y pahawi kalau nai ly, kani mang y kalau nai nangchi i niu nai kamta mymy ly ang jeu takengkei teang ai,” napi.

AMTAW 3:21

ni ai ly ati cheaungkhang sa palai nai neng tym y ryrei ly kani my kawn ai nai tla rai: huni leu ly Tameuhmy khaileaung palum angchei khyp khala i dengairei amo kachaichi i labeaung y thui yb bo.

ROM AVANGCHI TENG Y PAWLA I CHA PA NAI 8:34

pasum ai nai keung ly ami mo? Dei nai ly Krista ne; ne, mymy ai ly pathau teang veng bo; mymy ly Tameuh i lamtang mang y awm i, achi ai chiu ang sa pi nai keung ne teang.

II KORINTH 12:2

Kai ly Krista i khumi leaungrei ai kapany, vai ly saneng holai palyhrei awm bo: mymy kypkyp ai ly pa-thom nai kani pri y la kalau bo (tlang y awm nai mo kapany y, tlang y ny y naimy awm nai mo py kapany y leang; Tameuh my pany.)

II KORINTH 9:13

hini sabawm naira y nangchi ai ang cham nai deaungkho y, Krista i Satang Kahawi mang y nangchi i leu ym u nai patawm nai sai deaungkho y hawi, mymychi i vui hawi khumi bawibawichi i vui khai achu naira y nangchi i atiti paawh y naimy pei nai deaungkho y py, nichi ly Tameuh ai tahm pasang nai chy bo;

EPHESI 4:10

Kathiu nai keung my ly ati cheaungkhang kawi hai thai ai nai, kani pri meingtym bawibawi salo kangteng y lyn kalau nai ne.)

HEBRAI 1:8

Na i py Chapo i molam y naini hini thui nai ne; “Aw Tameuh, nang i areng atehra ly deungtasarei awm ai nai ne; Teng naira areng cheaungvawi py nang i peang naira i areng cheaungvawi ne.

HEBRAI 10:12

na i py ni ly deungtasarei i kavui kamngo nairachi i vui y apathyp naira harei talam nai bo y, Tameuh i lamtang mang y ateh lawh veng;

HEBRAI 10:23

Hini achi i athang khai naira i ym nai leu amchyh y ai nai patawn u cheng sina; ati mana nai mo nabaly leu adeu nai keung ly ka-ym awm nai ne:

HEBRAI 10:29

hunaibaly Tameuh i Chapo ai kheu anui y chiu nai, mymy ai chai hai nai leu maikawm thi ai ly atiti rumrang y palawn lawh iy, pahenra Phailo ai pangaw hai nai keung i tlang tleaung y ly mana tanrei pajeng naira ty keh nai patang ai nai ataing, nanai mana dawn u mo?

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

HEBRAI 2:1

Hunai deaungkho y achi ly achi i kano y thai naichi ly hawihai palai dawn nai tleaung y dawn ra ai nai tla, ti y baly achi ly ajau vui lawh na.

HEBRAI 2:17

Hunaibaly mymy ly khumichi i vui y kamngo tama hai naira lawn ai nai, Tameuh mang i atiti ra y ly pathyp pi nai keung kalen keh pahen parai nai hawi ka-ym awm parai nai lawn thai ai nai, cheaungkhangra y mymy i amjo amnauchi kamta awm ai nai ly mymy i vui aeang parai nai angchi yb nai ne.

HEBRAI 3:1

Hunaibaly amjo amnau kachai, kani pri mang i palau nai phy nga naichi awi, achi i ym nai leu Amtaw Thau nai Keung hawi, Pathyp pi nai Keung kalen keh Isu ai ly dawn u.

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

HEBRAI 6:20

Hunira y ly Isu ly Melkisadeka kamta deungtasarei pathyp pi nai keung kalen keh y lawn chum iy, achi i vui mo mang y chei man nai keung y kun bo.

HEBRAI 6:6

nichi ly Tameuh i Chapo ai ly mymychi i vui y tahen anawi bi nai amthang hai leaung nai ne nai deaungkho y, nichi ai ly uikhei hai palai bi ai nai vuilam ny y leang.

HEBRAI 7:3

ni ly ampo py by y, amhm py by y, amsi sangumchi i satang py by y, awm angchei nai kani py by y, hengra tem nai py by y, Tameuh i Chapo kamta sa nai ne lawh veng; mymy ly temma pany y nai pathyp pi nai keung ne.

HEBRAI 8:1

Hunaibaly kaichi i leu thui naichi theung y aly len keh nai ly hini ne he: achi ly hunai kamta pathyp pi nai keung kalen keh;

HEBRAI 9:12

naibaly mymy ly mi-i hawi si cho i thi deaungkho y ny y naimy, mymy i thi kypkyp deaungkho y Meingtym Kachai y ly kun bi ai nai aly by y pa-rei tlenrei my kun i, deungtasarei atleu naira nga chum bo.

HEBRAI 9:24

Krista ly kiu y sa nai Meingtym Kachai, meitang atawm hai naira y kun y leang; na i py vai ly Tameuh i mo y achi i jeng y angdo ai nai kani mang kypkyp y kun lawh veng;

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.