HEBRAI 3:5 - Khumi Common Language Bible

⁵ Naibaly huni bo y leu thui nai pany hai ai nai ly, Mosi my ly Tameuh i dengtheung bawibawichi theung y kalop sa nai keung ka-ym awm khypkhyp nai bo;

HEBRAI 3:5 ပူးပေါင်းရင်းမြစ်များ

NEHEMIA 9:14

Nang ly nichi teng y anawn kani ai kani kachai palawn iy, ja ai nai leu pei, nang my i miseaung Mosi dengdairei Reitachi pei pi bo.

SAM 105:26

Naibaly mymy ly mymy i miseaung Mosi hawi mymy vawi takhra nai Aron ai pato bo.

THEU NAI 14:31

Naibaly Areng ly mymy i nang parai nai sa thai naira hawimy Aikupta chengchi ai pasum naichi, Israela chengchi ly niu nai khala y, nichi ly Areng ai jei kaji naimy tahm khai u; naibaly Areng ai py, mymy i miseaung Mosi ai py ym u bo.

THEU NAI 40:16

Mosi ly Areng my leu pei nai kamta sa bo.

Kati Nai 12:7

Kai i miseaung Mosi ly huna nai amo py ny y; kai i khumi Israela cheng theaung verei kry ai nai ni teng y kaimy au nai ne.

MATTHAI 24:45

“Hunaibaly dengtheungchi ai kry iy avo nai neng tleirei y biu an dawn pi ai nai, yhmkeung i khai nai miseaung ka-ym kaawm cheng nai ly ami mo?

MATTHAI 25:21

Yhmkeung my ly ni teng y, ‘Miseaung kahawi ka-ym awm nai, nang i sa nai ly hawi mang; nang ly maiden chy naira y ka-ym awm i, nawi parai naira tleaung y kang khai ai mang; nang i yhmkeung i kawn naira y kawn teang,’ napi.

LUKA 12:42

Naibaly Areng my, “Hunaibaly dengtheaungchi ai kry iy avo nai neng tleirei y biu an dawn pi ai nai yhmkeung i khai nai yhmtheaung kry nai keung ka-ym kaawm cheng nai ly ami mo?

LUKA 24:27

Naibaly Mosi hawi amochi i tajiu nai bawibawi amteaung iy, Tameuh i cha-iu bawibawi y amymy isatang tajiu nai ngierei ly nini ai thui pi pachai bo.

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.

JOHAN 5:39

“Tameuh i cha-iu theung y deungtasarei hengra awm, nanai ym u nai deaungkho y nangchi hawihai my phain; naibaly huni ly kai i satang pany hai reng;

AMTAW 28:23

Naibaly nichi ly mymy ai kani adeu i, mymy i anga nai yhm y mymy teng y khumi neangneang jeu u, naibaly mymy ly khawn mang i dengdairei dym mang y khrairei huni leu ly thui pi pachai i, Tameuh i peang nai satang pany hai; Mosi i Reita cha-iu leu hawi amochi i cha-iu leu y py Isu mang y mymychi ai parawi ryry.

AMTAW 7:37

“Huni Mosi kypkyp ly Israela kangpreangchi teng y, ‘Tameuh my nangchi i amjo amnauchi theung i nai kai kamta amo leaungrei ai ang theu hai ai,’ napi nai keung ne.

ROM AVANGCHI TENG Y PAWLA I CHA PA NAI 3:21

Na i py vai ly Reita hawi amochi my pany hai nai kamta, Reita ny y naimy Tameuh i hawi naira ly amteng hai bo;

I KORINTH 4:2

Hini ra y py kry nai keung ly ka-ym awm nai khumi ne ai nai aly ngai.

Leu Thui Nai 3:24

“Sa thai naira awm nai Areng awi, nang i sa ai nai nang parai iy lyh ai hawi naichi ly kai ai pany huihai nai ryrei patei kyh ba. Kani mang py, khaileaung mang py nang ka-tawm nang parai nai Tameuh by y leang!

Leu Thui Nai 34:5

Hunai deaungkho y Areng my leu pei nai kamta, mymy i miseaung Mosi ly Moba pri y dei bo.

I TIMOTHEI 1:12

Kai ai ham hai nai keung Krista Isu, achi i Areng teng y ly kawn nai leu kathui pi;

HEBRAI 1:1

Tameuh my jangni y sangum cheaungkhangra y amsi pajochi teng y amochi ai leu thui hai;

HEBRAI 3:2

Tameuh i dengtheung bawibawichi theung y Mosi my ka-ym awm nai kamta ly, ni ly mymy ai sa nai keung teng y ka-ym awm nai ne.

HEBRAI 3:4

Dengtheung tleirei y amimi mo ly lu y awm bawibawi veng; cheaungkhang i lu naini Tameuh ne.

HEBRAI 8:5

nichi ly kani pri mang i atiti ka-tawmchi hawi pa-pui i kalop sa u lawh reng. Ne, Mosi my achura yhm jang ai nai tau thym khala y ly Tameuh my thui pi nai kamta, “Mawi y khen pata ai naira ang patei nai kamta ly cheaungkhang sa ai nai amkym,” napi.

HEBRAI 9:24

Krista ly kiu y sa nai Meingtym Kachai, meitang atawm hai naira y kun y leang; na i py vai ly Tameuh i mo y achi i jeng y angdo ai nai kani mang kypkyp y kun lawh veng;

JOSUA 1:15

Nangchi i Areng Tameuh my pei nai Jordan tavo nidym mang i pri tiu u pajau ai nai pa-rei, nichi ai sabawm ai nai tla. Israela chengchi tlamsa naimy awm u nai khala, nangchi ly Areng i miseaung Mosi my pei nai Jordan tavo nisi mang i pri y vawi u pajau ai,” napi.

JOSUA 1:2

“Kai i miseaung Mosi ly dei bo. Nang hawi Israela cheng bawibawichi ly Jordan tavo angpeang u iy, kaimy kang pei ai nai pri theung y kun ai nai vaimy angvei u rym.

JOSUA 1:7

Atho sa iy vam parai naimy awm ba. Kai i miseaung Mosi my pei nai reita bawibawichi ai takhawi y naimy kry ba. Reita leu pei nai ngierei ai ati sai py takhawi y naimy kry baly, nang ly nangmy dawn nai kamta eaung ai.

JOSUA 8:31

Areng i miseaung Mosi i reitara y, “Tamo ateaung alangchi hawi, sih y nai lengseaungchi hawi maicham sa ai nai tla,” nanai leu pei nai kamta, huni maicham ai sa. Nichi ly leng patlum nai kapathypra hawi, amkawm nai kapathyprachi maicham tleaung y Areng teng y talam u bo.

JOSUA 8:33

Lu sa naichi, miteaungkehchi, tara chih nai keungchi dengdairei, Israela cheng bawibawichi ly nichi hawi vanrei awm nai cheng takhrachi py, Areng i Leu Maikawm Pawm angjeaung nai Levi theaung pathyp pi nai keungchi i hi mang hu mang, Pawm i langvawi lamtang aphy iy angdo u. Khumi phy ka-hyhreichi ly Kerazin mawi ai nithun thun iy vai, phy ka-hyhreichi ly Ebala mawi ai nithun thun naimy angdo u bo. Nichi ly amtheaung naira nga u ai nai khala y, huna nai sa u ai nai tla, nanai Areng i miseaung Mosi my leu pei nai ne.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.