HEBRAI 2:13 - Khumi Common Language Bible

¹³ Naibaly, “Khen cham, kai hawi Tameuh i kai ai pei nai deaungdichi,” napi taleang bi.

HEBRAI 2:13 ပူးပေါင်းရင်းမြစ်များ

ATITI AWM ANGCHEI NAI 33:5

Esaw ly khen aki prei i, neampachychi hawi deaungdichi ai niu baly, “Nang hawi vanrei abawi nai hini khumichi ly amichi mo?” nanai deng. Jakob my, “Jai awi, hinichi ly Tameuh my ang pei nai kai i chanauchi ne,” napi.

ATITI AWM ANGCHEI NAI 48:9

Josepha my, “Tameuh my kai ai Aikupta pri y awm nai khala y ang pei nai kai i chapo ni ne,” nanai pathang. Jakob my, “Kai teng y jeu hai, kaimy amtheaung hai ai,” napi.

2 SAMUELA 22:3

Kai i Tameuh ly kai ai atleu nai deaungkho y, kai ly chymme naira nga bo. Mymy ly khupui kamta kai ai ama hai; mymy ly kai mang y asa hai iy kai ai chymme naimy ang khai bo. Mymy ly kai i atleu keung ne; kai ai ama hai iy pahyp y naimy ana naira i py atleu bo.

SAM 127:3

Cho chanauchi ly Areng my pei nai langseaungchi ne; nichi ly amtheaung hai naira tatangchi ne.

SAM 16:1

Aw Tameuh, kai ly nang teng y abyh bo; hunai deaungkho y kai ai ama hai iy kry ba.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 91:2

Mymy teng y, “Nang ly kai ai ama hai nai hawi kai i abyhra lengseaung yhm ne; nang ly kai i Tameuh ne i, kai ly nang ai ym nai ne,” nanai thui pajau ai.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 53:10

Areng my, “Ni ly kai i kangai y no patang nai avum bo. Ni ly mymy i tlang a-au nai ly kamngo pahen nai kapathypra ne. Hunai deaungkho y ni ly mymy i cho chanau kangpreang neangneang niu ai. Ni ly heng sau ai. Mymy deaungkho y kai i dawn pasym naichi py eaung naira nga ai.

MATTHAI 27:43

Ni ly Tameuh ai ym chy bo; hawi mang, mymy ly ni ai ngai baly vai palawi sy; ‘Kai ly Tameuh i Chapo ne,’ na chy bo,” napi nai panui hai u.

JOHAN 10:29

Nichi ai kai teng y au nai keung Ngaai ly bawibawichi tleaung y len keh nai ne: ami py Ngaai i kiu i nai ang lawm pi thai y leang.

I KORINTH 4:15

Nangchi ly Krista y patiu nai keungchi kati pajau y pa-rei awm iy py, nangchi ly ampo neangneang by y leang; kaimy Krista Isu y Satang Kahawi saho y kang tapen nai teu.