HEBRAI 2:10 - Khumi Common Language Bible

¹⁰ Ati mana nai mo nabaly ni i vui y ati cheaungkhang awm nai hawi, ni i saho y ati cheaungkhang awm teang nai keung i vui ly, chanau neangneangchi ai nang parai naira y hawi ai nai, nichi i heng naira sa pi nai keung ai ly patang nairachi deaungkho y angym hai ai nai avo parai.

HEBRAI 2:10 ပူးပေါင်းရင်းမြစ်များ

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

LEU KACHENG 16:4

Areng i sa nai ati cheaungkhangchi i vui ly paran yb nai awm. Khumi hawi y naichi i vui malawn py, patang naira avum hai ai nai paran yb nai awm.

ISAIA 43:21

Huni khumichi ly kaimy i vui, kai i sa nai khumichi ne; nichi my py kai ai palo u ai.

ISAIA 55:4

Kai ly ni ai khumi cheng cheaungkhangchi i tavailu areng kehra y khai iy, kai i sa thai naira ly khumichi i mo y, pany hai pi ai.

HOSEA 8:10

Na i py kai ly vai, nichi ai angym hai iy pajeng ai. Nichi ly kra y naimy Asuria empara samrang i ana nai khri pa-rei avum u ai.

MIKHA 2:13

Nichi ai pri palara i nai lawi teang ai nai, Tameuh kypkyp my lam patei pi ai. Nichi ly mary apai katheuchi taphra vui iy, tleaung u ai. Nichi i samrang, Areng mymy kypkyp ly nichi ai pahawi ai.

LUKA 13:32

Naibaly ni my ly mymychi teng y, “Huni khiva teng y ly hini leu thui u: ‘Khen cham, vaini hawi, khawndam hawi vawinamchi ai patheu iy no nai py hawi sa i, kani pa-thom y ly angym ai bo.

LUKA 2:14

“Salo Kangteng i Tameuh nang parai nai awm sy, Khaileaung tleaung i mymy i kawn parai nai khuhmichi teng y aly nai awm sy,” nanai Tameuh ai palo.

LUKA 24:26

Krista ly huna nai atiti patang iy nang parai naira y kun ai nai angchi ny y a?” napi.

LUKA 24:46

Naibaly mychi teng y, “Krista ly patang ai i, kani thomrei kani y ly kadeichi theung i nai angthau bi ai nai tla;

JOHAN 11:52

Tameuh i chanau khaileaung pri y ahei nai bawibawichi ai ly kamkawm harei y pahawi achu ai nai py ne.

JOHAN 19:30

Naibaly Isu ly kreip athai hang nei pajau baly, “Angym bo,” napi i, lu meung iy mymy i phailo patlaw bo.

AMTAW 3:15

na i py mymy ai ly Tameuh my kadeichi theung i dengdairei pathau teang bo, kaichi ly huni pany hai nai keung ne.

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

ROM AVANGCHI TENG Y PAWLA I CHA PA NAI 11:36

Mymy teng i dengdairei hawi, mymy deaungkho y hawi, mymy i vui py atiti bawibawi awm nai ne. Mymy teng y ly deungtasa khrairei palo naira awm jojo sy. Amen.

ROM AVANGCHI TENG Y PAWLA I CHA PA NAI 9:23

kado theu naira laawm, tama ai ataing naichi i tlang tleaung y ly amnym tanga iy, mymy i kado theu nai hawi mymy i atiti sa thai naira amteng hai ai nai ngai teu iy py, mana sa ai mo?

I KORINTH 2:7

Kaichi ly Tameuh i leu kacheng ly leu kathiu y thui pi nai teu, leu kacheng aheu nai, achi i nang parai ai naira Tameuh my khaileaung palum y rai khala y my khai rym nai bo.

I KORINTH 8:6

huni ly Ampo ne; mymy teng i dengdairei ati cheaungkhang theu iy, achi py mymy i vui y awm nai ne; naibaly Areng leaungrei, Isu Krista ly awm teang, mymy deaungkho y ati cheaungkhang awm i, achi py mymy deaungkho y awm nai ne.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

II KORINTH 4:17

Naibaly kaichi i patang nai di parai nai, vai mei amsymrei chy nai sala y awm nai my ly, khri pa-rei nang parai ai naira deungtasarei vui ang sa pi ryhryh nai ne;

II KORINTH 5:18

Na i py ati cheaungkhang ly Tameuh teng i theu nai ne; mymy ly Krista deaungkho y kaichi ai amymy hawi aly hai bo, naibaly aly naira krykeung kalop ang pei bo;

II KORINTH 6:18

Hunaibaly kang kawn u ai i, Nangchi i vui Ampo kang lawn ai. Nangchi py kai i vui chapo chaniuchi lawn u ai,” nanai ati cheaungkhang sa thai nai Tameuh my ly napi.

KALATIA 3:26

Nangchi ly Krista Isu ai ym u nai deaungkho y Tameuh i chanau lawn u be bo;

EPHESI 2:7

Hunaibaly mymy ly neng tym ai naira y ly Krista Isu y achi i tlang tleaung y neaung hawi nai deaungkho y, mymy i pahenra khri pa-rei nawi nai sai ly patei pajau ai.

EPHESI 3:10

Hunaibaly mymy ly achi i Areng Krista Isu y sa ai tau nai ly, mymy i deungtasarei ka-vo khai yb nai kamta, vai ly vai dymkhawn i kani pri meingtym y awm nai areng nairachi hawi aly peang naichi teng y ly,

KOLOSA 3:4

Krista, achi i heng naira ly amteng nai neng khala y ly nangchi py mymy hawi nang parai nai theung y amteng u teang ai.

II TIMOTHEI 2:10

Hunai deaungkho y vawi takhra naichi ly Krista Isu y paheng naira ly deungtasarei nang parai naira hawi vanrei nga u thai ai nai, nichi deaungkho y kai ly ati cheaungkhang kakham.

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

HEBRAI 6:20

Hunira y ly Isu ly Melkisadeka kamta deungtasarei pathyp pi nai keung kalen keh y lawn chum iy, achi i vui mo mang y chei man nai keung y kun bo.

HEBRAI 7:26

Hunai kamta pathyp pi nai keung kalen keh, khumi kachai, ka-di ka-de y nai, anyng akau y nai, khumi kamngochi teng i nai awm takhra iy, kani tleaung y salo keh naira y tym hai nai ly achi i vui awm angchi yb nai ne;

HEBRAI 7:28

Reita ly ham y naira awm nai khumichi ai ly pathyp pi nai keung kalen keh y khai rym lawh veng; na i py Reita bo i vaineng abeu nai leu ly deungtasarei i vui angym hai chum nai Chapo ai khai rym nai ne.

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.

I PETERA 5:1

Hunaibaly kai, miteaung keh ne teang nai hawi, Krista i patang naira niu nai hawi, amteng ai nai nang parai naira phy nga nai khumi ly nangchi theung y miteaung kehchi ai kang pachei:

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

AMTENG HAI NAI 4:11

“Kaichi i Areng hawi Tameuh hawi, palo naira hawi, tahm pasang naira hawi, sa thai naira py nang ly nga ai ataing nai ne; Ati mana nai mo nabaly nang ly ati cheaungkhang sa i, hunichi nang ngai nai deaungkho y awm nai hawi sa nai ne,” nanai thui ai.

AMTENG HAI NAI 7:9

Huni bo y kai ly khen i khen cham, theaung cheaungkhangchi hawi, cheng cheaungkhangchi hawi, khumi cheaungkhangchi hawi, leu cheaungkhangchi theung i ami py kati pajau y nai khumi mipui ka-teng ny y naichi ai ly kanih kangleung akhiu nai, kiu y lymlo syn naimy areng atehra hawi Beram Cho i mo y angdo nai kaniu;’