HEBRAI 13:5 - Khumi Common Language Bible

⁵ Nangchi i paleung awm nai sai ly tangka ai paleung no nai abawi y nai awm sy; nangchi i awm nai ryrei my paleung hawi u; mymy kypkyp my ly, “mana khala y py kang patlaw y ai i, khai py kang khai su y leang mang” napi.

HEBRAI 13:5 ပူးပေါင်းရင်းမြစ်များ

ATITI AWM ANGCHEI NAI 28:15

Kai ly nang hawi vanrei awm iy nang i chei naira tleirei y kaimy kang kry ai; kaimy kang awm hai ai; nang ai hini pri y kang pahawi ali teang ai. Nang hawi adeu nai leu angym y ryrei ly nang ai kang khai su y leang mang, nanai leu kang pei nai ly nang pany jo ai nai tla,” napi.

ATITI AWM ANGCHEI NAI 30:31

Labana ly “Nang ai vang majirei kang pei ai mo?” napi. Jakob my, “Kai ly vang ngai y leang. Hini leu kang thui pi nai ngai baly nang i beramchi kaimy kang kry pi bi ai.

ATITI AWM ANGCHEI NAI 31:5

Mymy ly nini teng y, “Ngampo ly jangni i kamta kai ai khrei y nai sai kapany bo; na i py ngaai i Tameuh my kai ai ang awm hai nai ne.

1 ARENG KEH 6:13

Nang i sa nai Achura Yhm theung y hawi, kai i khumi Israela chengchi theung y py, kai awm ai,” napi.

1 ARENG KEH 8:57

Achi i Areng Tameuh ly amsi pajochi hawi vanrei awm hai nai kamta, achi ai mana khala py khai su y naimy, achi hawi vanrei awm hai sy.

1 NENG SATANG 28:20

Samrang Davida ly chapo Solomon teng y, “Nang ly ka-ym awm iy vam nai paleung awm ba. Kalop so amteaung ba. Atiti my py nang ai paka moh sy. Kai i chiu nai Areng Tameuh ly nang hawi vanrei awm ai. Mymy ly nang ai khai su ai ny y. Achura yhm i vui ngai nai atiti sa naichi pajau pa-rei, nang hawi vanrei awm hai ai.

SAM 10:3

Khumi aso y naichi ly mychi i hawi y nai paleung kangaira y amlyh reng. Ngaiphi teng y nai khumi ly Areng ai pasawi reng nai ne.

SAM 119:36

Yhmtheaung katui nang chawn ai ngai nai paleung ka-dawn tleaung y, nang i reitachi tangai ai ngai nai paleung ka-dawn kai ai pei kyh ba.

SAM 37:25

Vai i neng khala y kai ly miteaung acheang veng bo; kai ly saneng kakra kaheng bo. Na i py khumi kahawi ai Areng my khai su nai py, ni i cho chanauchi cheaung cha nai py, tlenrei py kaniu vai y leang.

SAM 37:28

Ati mana nai mo nabaly Areng ly kahawi sa nai ai kawn iy, mymy ai ka-ym awm nai khumichi ai khai su y nai deaungkho y ne. Mymy ly nichi ai avawrei ama hai bo. Na i py khumi hawi y naichi i kangpreangchi ly pri pala nai avum ai.

THEU NAI 2:21

Hunaibaly Mosi ly hu y awm ryp ai nai dawn i, Jethro ly my i chaniu Zipporah hawi apom hai,

THEU NAI 20:17

“Ami i yhm hlau paleung no moh; ami i aju py, miseaungchi ai py, tawnbawichi py, keaungngo kano kasauchi py, mymy i atitichi py paleung no moh,” napi.

LEU KACHENG 23:4

Nang chawn ai nai molam atho sa naira y, amymy ai akawm hai ala y ai nai cheng naira awm ba.

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

Ezekiela 33:31

Hunai deaungkho y kai i khumichi ly nangmy thai hai ai awm nai leu tangai ai nai, nang i mo y ang tym u bo. Na i py nichi ly nang i thui nai kamta so u y. Leu khulym kahawi katheu u teu i py, atakaw nai paleung awm nai kamta sa u.

MATTHAI 6:19

“Khaileaung pri y thaikem hawi ei my cha nai phra naira y hawi, kangviuchi my yhm ateng vau iy paviu naira y ly nangchi i yhmtheaung pateung u achu moh;

MATTHAI 6:25

“Hunai deaungkho y kang thui pi, ‘Kaichi ati cha ai mo? ati nei ai mo?’ nanai nangchi i hengra i vui hawi, ‘Kaichi ati ateaung ai mo?’ nanai nangchi tlang i vui py paleung bi u moh. Cha ai nai tleaung y hengra ty keh y a? Ateaung tleaung y py tlang ty keh y a?

MATTHAI 6:34

Hunaibaly khawndam i vui paleung bi u moh; khawndam ly amy i vui adawn amang ai. Kanirei i patang nai ly huni kani i vui ly hawi khyp bo.

MARKA 7:22

angai naichi, paviu naichi, khumi ai padei naichi, pajang sa naichi, paleung ano naichi, kamngo naichi, tapawp naichi, paleaung naichi, akeng naichi, thui preaung naichi, am-e naichi, pathu naichi ly:

LUKA 3:14

Naibaly tavaimichi ly mymy teng y, “Kaichi py mana sa ai mo?” napi. Mymy ly nichi teng y, “Ami ai py ano moh, seu py seu rumrang moh; nangmychi i nga nai jirei kawn u,” napi.

LUKA 8:14

Naibaly kabeng aleng theung y tla nai ly hinichi he: nichi ly leu thai nai bo y vawi iy, heng khala y dawn nai saichi hawi, nang nairachi hawi, tlamsa nairachi my achih hai i athai thawn y.

ROM AVANGCHI TENG Y PAWLA I CHA PA NAI 1:29

hunaibaly hawi y nairachi, kamngo nairachi, atakaw nairachi, taphra ai ngai nairachi bawibawi my kawi u veng bo; paleung no nairachi, khumi ai padei nairachi, ajo naichi, tapawp naichi. awm nai sai hawi y naichi my kawi u veng bo;

I KORINTH 5:11

Na i py vai ly ami py amjo amnau i amyn apu makho iy angai nai khumi mo, atakaw nai khumi mo, myn y chiu nai khumi mo, mhm pavui nai khumi mo, um paviu nai khumi mo ne baly, huna nai khumi hawi amkawm y ai nai hawi, cho py cho y ai nai py nangchi teng y kang tajiu bo.

I KORINTH 6:10

paviu naichi mo, paleung no naichi mo, pavui naichi mo, ami mi ai jo naichi mo, um paviu naichi mo ly Tameuh i pri amtym ai ny y leang.

II KORINTH 4:9

kaichi ly ana naira y awm, na i py ang khai su y leang; kaichi ai pakhau mawp nai awm,

EPHESI 5:3

Naibaly khumi kachaichi nanai apu ai nai, angai nai hawi, chai y nai bawibawi hawi, atakaw nai hawi nangchi theung y thui py thui u reng moh;

EPHESI 5:5

Na i py angai nai khumi hawi, khumi chai y nai hawi, atakaw nai khumi ly (mymy ly myn y chiu nai keung ne), Krista hawi Tameuh i peang naira y ly amtym ai naira sai py ngo y leang, nanai nangchi pany u khypkhyp.

Leu Thui Nai 31:6

Atho ala iy sorai paleung thau u. Huni khumi chengchi ai jei u moh. Nangchi i Areng Tameuh ly nangchi ai awm hai ai. Mymy ly nangchi ai ang sabawm takengkei ai i, nangchi ai ang khai su ai ny y,” napi.

Leu Thui Nai 31:8

Areng mymy kypkyp my nang ai pahawi ai i, nang hawi vanrei awm ai. Mymy ly nang ai sabawm takengkei ai, nang ai khai su y leang. Hunai deaungkho y athosi moh, jei py jei moh,” napi.

Leu Thui Nai 4:31

Areng ly pahen parai nai Tameuh ne. Mymy ly nangchi ai khai su y ai i, tama py tama hai vui ai ny y. Mymy ly nangchi i amsi pajochi hawi asa nai Leu Maikawm ai py tami pi ai ny y.

KOLOSA 3:5

Hunai deaungkho y nangchi i tlang kangprei khaileaung pri y awm naichi ai padei u; angai naichi, chai y naichi, paleaung naichi, hawi y naira ai ngai phi naichi, atakaw naichi (huni ly myn y chiu nai ne);

I TIMOTHEI 3:3

patiu nai sai py kawp nai, kreip athai hang pavui y nai, khumi ai tabeang y nai, neaung hawi nai, jo sei y nai, tangka paleung no y nai,

JOSUA 1:5

Josua awi, nang heng nai ryrei ly ami py nang ai tiu pajau ai ny y. Kai ly Mosi hawi vanrei awm nai kamta, nang hawi py vanrei awm ai, nang ai mana khala py kangkhai su ai ny y. Nang hawi vanrei kang awm jojo ai.

JOSUA 7:21

Achi my tiu iy nga nai vawnsaichi theung i, apu parai nai Babulon ateaung, tangka kaji sie palyhrei vi hawi muku beang sierei chang y kyh nai niu i, paleung no nai deaungkho y ka-um vui nai ne. Kai i Tai theung y tangka ai anui kehra y khai iy um me bo,” nanai pathang.

II PETERA 2:14

nichi i mei ly pajang sa nai kawi iy, kamngo anawn pajau y naichi ne; nichi ly khaw y naichi ai parawi, yhmtheaung ano kawp ha nai paleung py awm; amsawi lawi nai chanauchi ne he!

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.

JUDA 1:11

Nichi ly taham si! Mymychi ly Kaina i lam y tako i, vang nga ai nai Balam i tamang naira y angpreng lengleang naimy, korah i aei naira y ly tama nai bo.

1 SAMUELA 10:7

Huni atitichi ang tym nai khala y, Tameuh my lam patei nai kamta so.

1 SAMUELA 12:22

Areng ly nangchi ai mymy i khumi palawn iy vawi takhra bo. Hunai deaungkho y mymy ly my i amyn saho y nangchi ai khai su y leang.