HEBRAI 13:16 - Khumi Common Language Bible

¹⁶ Na i py atiti kahawi sa ai nai hawi, atiti paawh y naimy tami u moh, hunai kamta apathyp naira y ly Tameuh ly khrikhri paleung hawi na.

HEBRAI 13:16 ပူးပေါင်းရင်းမြစ်များ

SAM 37:3

Areng ai ym naimy kahawi so ly pri y chymme naimy awm ba.

SAM 51:19

Huna nai khala nang ly teng khyp nai leng patlum nai kapathyprachi kawn pi ai; si kataichi ai py nang i maicham salo y apathyp ai.

LUKA 18:22

Naibaly Isu my huna nai ly pany i ni teng y, “Nang ly lamrei takhawi rai; nang i awm nai ngierei jo ly, kamawnchi teng y paji, hunaibaly nang kani pri y yhmtheaung nga ai; naibaly jeu ly, kai tng y abang,” napi.

AMTAW 10:38

Nazaret Isu i molam leu ly, huna nai Tameuh my ni ai ly Phailo Kachai hawi, atiti sa thai naira y khai takhra nai sai ly; mymy ly atiti kahawi sa nai hawi, diabola i ana nai bawibawichi ai hawi sa pi ai nai amki. Tameuh my mymy teng y awm nai deaungkho y.

AMTAW 9:36

Naibaly Joppa avang y amyn ly Tabitha napi nai abangnai leaungrei awm; (Tabitha nanai sai ly Dorka ne;) huni neampachy i atiti kahawi sa nai hawi, atiti sabawm nai py neangneang awm.

ROM AVANGCHI TENG Y PAWLA I CHA PA NAI 12:13

khumi kachaichi i avaw naira y ly sabawm u ly; angvynchi ai ly kawn u jojo.

KALATIA 6:10

Hunaibaly achi i avo nai neng tleirei ly khumi bawibawichi i tlang tleaung y atiti kahawi so u sina, naibaly ym nai dengtheungchi i tlang tleaung y so u patyp keh sina.

KALATIA 6:6

Naibaly leu amtiu ai nga nai keungchi ly atiti kahawi bawibawi patiu nai keung teng y pei u vawitheung teang sy.

EPHESI 4:28

Paviu nai khumi ly paviu bi moh jau sy; huna nai ny y naimy avaw nai khumi teng y atiti pei ai nai awm thai ai nai, mymy i kiu y atiti kahawi akawm pa-rei so sy.

PHILIPI 4:14

Na i py kai i patang naira y ly nangchi ly patang hai u teang nai ly nangchi i sa nai ly hawi.

PHILIPI 4:18

Na i py kai ly ati cheaungkhang awm i, awm mamang bo; Epaphrodita i kiu y kai ai nangchi i atiti pa naichi ly kanga i, angym bo. Huni ly atiti mui katui, apathyp naira kawn ai ataing nai, Tameuh i ka-kawn ne.

I THESALONIKA 5:15

Ami i hawi y sa nai py hawi y sa nai vawitheung tha y ai nai amkym u; nangchi i atiti sa pi leungtang naira y hawi, khumi bawibawichi i tlang tleaung y sa pi naira y py hawi nai ngierei ai phai hui u jojo.

II THESALONIKA 3:13

Na i py amjo amnauchi awi, atiti kahawi sa ai nai palei u moh.

I TIMOTHEI 6:18

Nichi ly atiti kahawi sa iy, hawi naira my kawi sy; atiti paawh y iy sabawm ai nai ngai praw nai keung py awm u sy:

PHILEMON 1:6

kai i chiu sa naira y ly nang i amyn katabawi jojo iy, kai i Tameuh teng y kawn nai leu kathui reng.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.

III JOHAN 1:11

Ngai parai nai awi, kamngo ly amtiu moh ly, kahawi phai amtiu. Atiti kahawi sa nai keung ly Tameuh teng i nai ne; atiti kamngo sa nai keung ly Tameuh ai niu vai y leang.