HEBRAI 13:15 - Khumi Common Language Bible

¹⁵ Hunaibaly mymy i saho y palo naira ly apathyp naira lawn ai nai Tameuh teng y talam u reng sina, huni ly ni i amyn apha y nai labeaung athai ne.

HEBRAI 13:15 ပူးပေါင်းရင်းမြစ်များ

2 NENG SATANG 29:31

Hezekia my khumichi teng y, “Vai nangchi ly Reita leaungsaira y tajiu nai kamta, kachai sa u chum bo i, Areng teng y kawn naimy palo nai katalamrachi napi nai tawnbawichi syn u,” nanai leu pei nai kamta, khumichi sa u bo. Phyrei khumichi ly mymychi i paleung kangngai, leng patlum ai nai tawnbawichi syn u nai ne.

2 NENG SATANG 33:16

Ni ly Areng ai chiu ai nai maicham sa palum teang chum baly, amkawm teang nai kapathypra hawi kawn nai kapathyprachi talam nai ne. Juda khumi bawibawichi ly Israela chengchi i Areng Tameuh ai chiu ai nai leu pei bo.

2 NENG SATANG 7:6

Pathyp pi nai keungchi ly mymychi i vui khai pi nai meingtym ra y angdo u bo. Levi theaungchi ly pathyp pi nai keungchi hawi mo atha naimy angdo iy, samrang Davida i sa nai katyn kapauchi hawi Areng ai palo u. Samrang Davida i sa yb nai kamta, “Mymy i tamen naira ly deungtasarei ne,” nanai khulym thui u nai ne. Khumi bawibawichi angdo nai thym khala, pathyp pi nai keungchi ly bawchi eng u bo.

EZARA 3:11

Nichi my Areng ai palo u nai ly “Areng ly hawi, mymy i tamen naira ly Israela chengchi i vui deungtasarei ne,” nanai khulym thui anawira anawira iy Areng ai palo u. Achura yhm leng amteaung chum nai deaungkho y khumi bawibawichi ly Areng ai aeu naimy palo u nai ne.

NEHEMIA 12:40

Hunaibaly Tameuh teng y kawn nai leu thui nai khumi kamkawm nyhrei ly Achura yhm ka-peangra y tym u nai ne. Kai hawi vanrei abang nai luchi khyh chang y naimy,

NEHEMIA 12:43

Huni kani y kapathyprachi neangneang talam u bo. Tameuh my amo theu ai nai pei nai deaungkho y, khumichi ly amo theu u nai ne. Nichi hawi vanrei, neampachychi hawi deaungdichi py abawi u i, nichi i amo theu nai raawi katyn ly kamlo mang my py thai nanai ne.

SAM 118:19

Kai i vui Achura yhm katheuchi paeaung pi u; kai ly kun iy Areng ai palo ai

SAM 119:108

Aw Areng, kai i kawn nai leu thui naimy chiu sa nai ly kawn pi iy, nang i leu pei naichi py kai ai patiu pi kyh ba.

SAM 18:49

Hunai deaungkho y kai ly khumi cheaungkhangchi i mo y nang ai kang palo ai.

SAM 50:14

Kawn nai leu thui nai naini Tameuh teng y nangchi i apathyp nai palawn u; huni bo y ati cheaungkhang sa thai nai keung teng y, nangchi vaineng adeu nai kamta so u.

SAM 50:23

Kawn nai leu thui nai ly kai ai tahm khai nai ne. Kai i leu tangai nai khumi bawibawichi ai meitang khyp, kaimy atleu ai,” nanai leu pei bo.

ISAIA 57:19

Israela pri y awm nai paleung si paleung mawn naichi i labeaung mang, kawn nai leu thui u sy. Kamlo kang sa awm nai khumi bawibawichi teng y tlamsa naira kapei ai! Awmnem naira py kapei ai. Kai i khumichi ai no hawi kasa pi ai, nanai Areng my leu pei nai ne.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

JEREMIA 33:18

kai i mo y angdo naimy leng patlum nai katalamrachi, teicha teinei katalamrachi hawi tawnbawichi talam ai nai mana khala py Levi theaung pathyp pi nai keungchi avaw hai by y ai nai py kai, Areng my leu adeu bo,” napi.

HOSEA 14:2

Areng teng y vawi u ali teang iy, mymy teng y hina nai chiu so takeng u. “Kaichi i kamngochi pahen pi iy, pahen nai saho y kaichi ai kawn pi kyh ba. Kaimychi adeu nai kamta, nang i nang parai nai sai ai palo ai.

Levi 7:12

Khumi ami py Tameuh teng y kawn nai leu thui nai kapathypra talam nai khala, tawnbawi hawi vanrei angbo abawi y nai tako katalamra py syn ai nai tla. Hini tako ly olive asitui katlen nai tako dei hawi sa nai tako phi katho, ti y baly tako phi amporyp nai, ti y baly tako dei hawi olive asitui katlen iy sa nai tako phi ne ai nai tla.

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

LUKA 10:21

Hunai thym khyp khala y mymy ly Phailo Kachai y khri pa-rei kawn i, “Aw Ngaai, kani khaileaung Areng, nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang; ne, Ngaai awi, hunai kamta sa ai nai nang ly hawi, nanai pany.

JOHAN 10:9

Kai ly katheu pa-kho ne: ami py kai i saho y kun baly lawi hai ai, naibaly ni ly kun py kun, theu py theu ai i teicha tlai ai naira nga ai.

JOHAN 14:6

Isu my ni teng y, “Kai ly lam py, leu meitang py, hengra py ne.

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

ROM AVANGCHI TENG Y PAWLA I CHA PA NAI 6:19

nangchi i tlang ham y nai sai deaungkho y khumichi i thui reng nai kamta kathui nai ne: nangchi ly nangchi i tlang kangpreichi ai ly chai y naira hawi taphra ra taphra ra ai naira teng y py au u nai kamta ly, vai nangchi i tlang kangpreichi ai ly chai thai ai nai hawi naira teng y miseaung y achei u.

EPHESI 2:18

Achi ly mymy i saho y Phailo vanrei y Ampo teng y kun thai ai naira nga mei nai ne.

KOLOSA 1:12

Ampo, kangvang i khumi kachaichi i yhmtheaung ahum ai ataing nai ang sa pi nai keung teng y ly kawn nai leu thui u.

HEBRAI 12:28

Hunaibaly achi ly tahyn pajau y nai pri nga nai deaungkho y kawn u sina; huni i saho y achi ly kaji nai hawi tahm khai nai tarawi y Tameuh i kawn nai kalop sa thai:

HEBRAI 7:25

Hunaibaly mymychi ai chiu sa pi ai nai mymy ly deungtasarei heng jojo nai deaungkho y mymy i saho y Tameuh teng y jeu naichi ai ly angym pa-rei ang paheng pajau.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.