HEBRAI 12:3 - Khumi Common Language Bible

³ Nangchi ly phailo mang y paha u y naimy akawm y ai nai ly, mymy i tlang tleaung y khumi kamngochi i huna tanrei aei akhikan naira patang nai keung ai ly dawn u cham.

HEBRAI 12:3 ပူးပေါင်းရင်းမြစ်များ

LEU KACHENG 24:10

Aly len nai thym khala, atho di nai khumi ly atho di tatang nai khumi ne.

ISAIA 50:4

Atho bai nai khumi ai atho awm teang ai nai mana atho pei ai mo, nanai kai Areng my leu pei nai ne. Mymy thui pi ai naichi tangai ai nai mymy ly kai ai khawn tleirei, awn hai na bo.

MATTHAI 11:19

Khumi i Chapo ly ang jeu iy cha py cha, nei py nei i, ‘Khen cham, biu ha nai khumi, kreip athai hang ha nai khumi, akeu cheaung nai keungchi hawi khumi kamngochi i ahawi ho!” napi u lawh. Ne mang ly cheng naira ly mymy i atiti sa naira y eaung bo mang,” napi.

MATTHAI 12:24

Na i py Pharisaichi ly huna nai thai iy, “Hini khumi ly vawinam areng Beelzibula ny y baly vawinamchi ai patheu nai ny y leang,” napi.

MATTHAI 15:2

“Ati mana nai nang teng y abangnaichi ly miteaungchi i tanyn taphra lawh mo? Nichi ly tako cha iy py kiu asi u vai y,” napi.

MATTHAI 21:23

Naibaly mymy ly achura yhm kalen pui y kun nai bo y, atiti patiu nai thym khala y ly pathyp pi nai keung kalenchi hawi, khumi humchi i miteaung kehchi ly mymy teng y chei u i mymy teng y, “Hini nang i atitichi sa nai ly ami i leu y sa nai mo?

MATTHAI 21:46

Naibaly nichi ly mymy ai patiu ai nai sai hau; na i py khumi mipuichi ai jei, amo athang khai nai deaungkho y.

MATTHAI 22:15

Hunai thym khala y ly Pharisaichi ly mymy i leu thui naira y patiu thai ai nai sai arum u bo.

LUKA 14:1

Naibaly hina nai awm, mymy ly Anawn Kani y Pharisai leaungrei i yhm y biu cha ai nai chei khala y nichi my khen patawn jo.

LUKA 15:2

Naibaly Pharisaichi hawi Reita patiu nai keungchi my ly. “Hini khumi ly khumi kamngochi ai kawn i, nichi teng y biu cha teang ly,” nanai jo sei u lenglang.

LUKA 16:14

Naibaly tangka ngai phi nai Pharisaichi ly hini leu bawibawi thai i panui hai.

LUKA 2:34

Naibaly Simeon my nichi ai amtheaung hai i amhm Mari teng y, “Khen cham, hini deaungdi ly khumi neangneangchi i paleung y dawn nairachi ai amteng hai thai ai nai, Israelachi theung i khumi neangneangchi ai atlym hai ai nai hawi, aei nai ka-ma-ra lawn ai nai py khai nai ne:

LUKA 5:21

Naibaly Reita patiu nai keungchi hawi, Pharisaichi my ly, “Tameuh ai thui tamawn nai ly ami kha? Tameuh my ny y baly kamngo ami pahen thai mo? nanai dawn u pasym.

JOHAN 10:20

Nawi kyh naichi my ly, “Vawinam my nam nai pathu na a hi ly; ati mana nai ni i leu tangai mo?” napi.

JOHAN 18:22

Huna nai thui pajau baly ahawi i angdo nai miseaung lu leaungrei my ly Isu ai tabeang i, “Pathyp pi nai keung kalen keh ai hina nai kamta pathang lawh a?” napi.

JOHAN 5:16

Hunaibaly Isu my Anawn Kani y huna naichi sa nai deaungkho y Judaichi my ni ai ana bo.

JOHAN 7:12

Naibaly khumi mipuichi ly mymy i satang apreaung u lengleang i phyreichi my ly, “Khumi kahawi na a,” napi; phyreichi my ly, “Ma ne ai mo?

JOHAN 8:13

Hunaibaly Pharisaichi my ni teng y, “Nang ly nangmy i satang apany hai nai teu; nang i pany hai nai leu ly teng y leang,” napi.

JOHAN 8:52

Naibaly Judachi my ni teng y, “Nang ai vawinam my nam bo, nanai vai ly kaichi pany bo. Abraham hawi amochi py dei veng bo. Nang ly, ‘Ami py kai i leu tangai baly deungtasa khairei deira pany ai ny y,’ na lawh ly.

JOHAN 8:59

Hunaibaly nichi ly aphi ai nai lengseaung akhui u, na i py Isu ly aheu i achura yhm kalen pui i nai theu veng.

JOHAN 9:40

Mymy teng y awm nai Pharisaichi my ly huni atitichi thai i ni teng y, “Kaichi py mei paju teang a?” napi.

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

II KORINTH 4:1

Hunai deaungkho y kaichi ly pahen naira nga nai kamta hini krykeung kalop sa ai nai awm nai deaungkho y kaichi ly paha y leang;

II KORINTH 4:16

Hunai deaungkho y kaichi ly paha y leang; kaichi i angam mang i khumi ly rawp ryh rawp ryh teu i py, kaichi i theung mang i khumi ai ly kani tleirei kangtha sa ryh sa ryh nai ne.

KALATIA 6:9

Hunaibaly atiti kahawi sa ai nai palei u reng moh sina; achi ly apatlaw jo y baly neng khyp nai khala y ly pakym ai.

Leu Thui Nai 20:3

‘Israela chengchi awi, tangai u! Vaini nangchi ly tavai thau iy tiu u ai bo; paleung phra jei hyn nai awm u moh.

II THESALONIKA 3:13

Na i py amjo amnauchi awi, atiti kahawi sa ai nai palei u moh.

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

HEBRAI 12:5

naibaly chapochi ai tengtum nai kamta pachei nai leu ly tami u veng bo; huni ly, “Deang awi, Areng my ang parip nai ly tahm panem moh ly, Ni my ang preng nai khala y ly tangai si moh;

HEBRAI 3:1

Hunaibaly amjo amnau kachai, kani pri mang i palau nai phy nga naichi awi, achi i ym nai leu Amtaw Thau nai Keung hawi, Pathyp pi nai Keung kalen keh Isu ai ly dawn u.

I PETERA 2:23

ami my mymy ai jo nai thym khala y py mymy ly jo teang y: mymy ly patang nai thym khala y ram y i, hawi parai naimy chih reng nai keung teng y aau lawh:

AMTENG HAI NAI 2:3

naibaly nang ly kham tanga naimy awm i, kai i amyn deaungkho y kham pajau iy paha py paha y leang bo.

1 SAMUELA 12:24

Areng ai jei kaji iy, paleung hawi verei ka-ym awm naimy chiu so u; nangchi ly mymy i rengrang ang sa pi naichi ly pany u jo ba.