HEBRAI 12:27 - Khumi Common Language Bible

²⁷ Naibaly “Vai tlenrei baly,” nanai ly atiti tahyn pajau y naichi ly awm jo thai ai nai, atiti sa nai tahyn pajau naichi ai la vui ai, nanai pany hai nai ne.

HEBRAI 12:27 ပူးပေါင်းရင်းမြစ်များ

ISAIA 34:4

Kanito, lo, ka-si taukichi ly khaileaung y tla ai. Kani khusang ly taeang veng nai cha aeang kamta tama ai i, ka-sichi ly kreip keung, ti y baly thaidu keungra i ngam vui nai kamta vui ai.

ISAIA 54:10

Mawi katheang kalenchi ly anawi iy phra pawn ai. Na i py nangchi i tlang tleaung y kai i tamen nai ly mana khala py tem ai ny y. Aly nai leu ka-deu ai, kai ly khaw hai jojo ai, nanai nangchi ai tamen nai Areng my leu pei bo.

ISAIA 65:17

Areng my, “Khaileaung kangtha hawi kani kangtha sa ai. Jangni khala i atiti awm naichi ly tama pawn veng ai.

ISAIA 66:22

“Khaileaung kangtha hawi kani kangthachi ly kai i sa thai nai saho y khaw jo nai kamta, nangchi i amyn hawi kangpreangchi ly khaw u jojo ai.

Ezekiela 21:27

Kai ly Jerusalem mary phra seaungkhrang hai ai, phra seaungkhrang hai ai. Phra seaungkhrang hai ai. Na i py huni mary ai peang nai yhmkeung tym y nai ryrei ly huni mary ai palum teang ai ny y; huni khumi teng y kaimy au ai.

HAKAI 2:21

Juda samrang i bangtang kalen Zarubabela i vui mymy ly “Kai ly kani khusang hawi khaileaung amchyh hai i,

MATTHAI 24:35

Kani khaileaung ly tama ai i, kai i leu ly tamo y ai.

ROM AVANGCHI TENG Y PAWLA I CHA PA NAI 8:19

Atiti sa naichi bawibawi ly khrikhri pa-rei athang khai nai, Tameuh i chanauchi ai amteng ai nai ly khrikhri pa-ri ajeng na.

ROM AVANGCHI TENG Y PAWLA I CHA PA NAI 8:21

atiti sa naichi bawibawi ai ly ati sai py ny y naira i ngaingai anui y awm hai veng bo(mymychi i kangai y ny y leang, anui y awm hai nai keung my athang khai nai deaungkho y teu.)

I KORINTH 7:31

khaileaung pri y teaung naichi ly teaung u ala y nai kamta awm u sy: ati mana nai mo nabaly hini khaileaung pri i awm nai reita ly tama dudu bo he.

HEBRAI 1:10

Naibaly “Areng awi, nang ly angchei khala y ly khaileaung palum bo, Kani py nang i kiu y sa nai ne;

HEBRAI 13:14

Achi ly hi y avang meingtym kakhaw by y i, vai avang awm ai nai hau nai ne.

HEBRAI 9:11

Na i py Krista ly atiti kahawi awm ai nai y pathyp pi nai keung kalen keh ang jeu iy, kiu y so y nai, atiti sa naichi theung i ny y nai achura yhm nang keh nai hawi angym keh nai mang y tako prei bo:

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 21:1

Naibaly kani kangtha hawi khaileaung kangtha py kaniu: ati mana nai mo nabaly kangman i kani hawi kangman i khaileaung py tama vui bo, pangli py by y leang bo.

AMTENG HAI NAI 21:4

Naibaly mymy ly nichi i mei katui bawibawi tamiu pi ai; dei naira py awm bi y leang bo; paleung mawn nai py, vo nai py, no nai py awm ali bi y leang bo: atiti kangman i naichi ly tama bo,” nanai kathai.

AMTENG HAI NAI 21:5

Naibaly areng atehra tleaung y ateh nai keung my ly, “Khen cham, ati cheaungkhang kangtha kasa,” napi. Naibaly mymy ly “Tajiu ly, hini leu bawibawi ly ka-ym awm nai py kateng ne lawh,” napi.