HEBRAI 12:2 - Khumi Common Language Bible

² naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

HEBRAI 12:2 ပူးပေါင်းရင်းမြစ်များ

SAM 110:1

Areng my, “Kai ly nang i paleung ka-echi ai nang i kheu khaira lawn hai ai; huna nai lawm y ryrei ly kai i lamtang mang y ateh,” nanai kai i Areng teng y leu pei bo.

SAM 138:8

Nang ly kai teng y adeu pi nai kamta sa pi ai; aw Areng, nang i tamen naira ly deungtasarei ne. Nang i sa amteaung nai kalop ai ly amcheang hai kyh ba.

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 53:3

Kaichi ly ni ai paso i, khai su nai ne. Ni ly ngari kamtang hawi no patang nai avum. Ni ai khen alengli nai khumi leaungrei py by y. Kaichi ly ni ai vang teng y nai khumi kamta, athang khai y naimy nai ne.

ISAIA 8:17

Areng ly mymy i khumichi teng y meimai patei pi y; na i py kai ly mymy ai ym iy athang khai ai.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

Kati Nai 21:9

Naibaly Mosi ly kheupaja pavui myn sa iy teang tleaung y dang i, pavui my patiu nai ngierei ly kheupaja pavui myn ai khen baly dei y nai ne.

MATTHAI 16:21

Huni dengdairei baly mymy ly Jerusalem avang y chei ai nai tla nai sai hawi, miteaung kehchi, pathyp pi nai keung kalenchi, Reita patiu nai keungchi teng y mymy i atiti neangneang patang ai nai saichi py, ni ai padei ai nai saichi py, kani thomrei kani y pathau teang ai nai saichi py Isu ly abangnaichi teng y thui pi amteaung bo.

MATTHAI 20:28

hunai kamta teang khumi i Chapo ly mymy ai sabawm ai nai hau nai ny y i, kalangchi ai sabawm ai nai hawi khumi neangneangchi ai atleu ai nai mymy i hengra pei lawh ai nai py ang jeu nai ne,” napi.

MARKA 14:36

Naibaly mymy ly, “Abba, Ngaai nang ly ati cheaungkhang sa thai; hini khau ly kai teng i nai tasyh pi kyh ba; na i py kaimy ngaingai ny y naimy, nangmy ngaingai phai ne sy,” napi.

MARKA 15:28

[Naibaly Tameuh i cha-iu leu ly, “Ni ai ly khumi kamngochi theung y kati tabawi bo,” nanai tym bo.]

MARKA 16:19

Hunaibaly Areng Isu ai ly nichi teng y leu thui pajau iy, kani pri mang y hawi kalau i, Tameuh i lamtang mang y ateh bo.

MARKA 9:12

Naibaly mymy ly nichi teng y, “Elija ly jeu man ai nai angchi yb i, ati cheaungkhang sa palai bi ai; naibaly Khumi i chapo ly atiti neangneang patang iy, amichi my ni ai tahm khai y nai awm ai nai tla, nanai mymy i satang ly ati mana nai tajiu nai mo?

MARKA 9:24

Hunaibaly deaungdi i ampo my ly, “Kai ym mang, kai i ym thai y naira y kai ai sabawm kyh,” napi.

LUKA 17:5

Naibaly amtaw thau naichi ly Areng teng y, “Kaichi i ym naira pei panawi khyh ba,” napi.

LUKA 23:11

Naibaly Heroda hawi my i tavaimichi ly ni ai tahm khai y i panui hai: naibaly kanih vang kateng akhiu hai iy Pilata teng y pato bi bo.

LUKA 24:26

Krista ly huna nai atiti patang iy nang parai naira y kun ai nai angchi ny y a?” napi.

JOHAN 1:29

Naibaly mymy ly khawn mang y Isu ai ni teng y jeu ai tau nai niu i, “Khen cham, Tameuh i Beram Cho, khaileaung pri i kamngo la pi veng nai keung ho!

JOHAN 12:24

Meitang khyp kang thui pi, choh amairei khaileaung y tla iy dei y baly huni my tlairei awm jojo ai khyh; dei baly neangneang peung ai.

JOHAN 12:32

naibaly kai ai khaileaung i nai dang iy, khumi bawibawi ai kaimy teng y kapahawi ryp ai,” napi.

JOHAN 13:3

Isu ly Ampo my ni i kiu y ati cheaungkhang au nai hawi, mymy ly Tameuh teng i theu nai hawi Tameuh teng y chei bi ai nai py pany naimy,

JOHAN 6:40

Ngaai i kangai ly hini ne he: Ami py Chapo ai niu iy ym nai ngierei ly. deungtasarei hengra nga ai i, ni ai kani kangkhym y ly kaimy pathau ai,” napi.

JOHAN 8:56

Ngampo Abraham my ly kai tym nai neng niu nai deaungkho y amo theu parai; mymy ly niu i kawn parai,” napi.

AMTAW 2:36

Hunaibaly nangchi i tahen nai Isu ai ly Tameuh my Areng hawi Krista y palawn bo, nanai Israela cheng bawibawi my pany u khypkhyp sy,” napi.

AMTAW 3:15

na i py mymy ai ly Tameuh my kadeichi theung i dengdairei pathau teang bo, kaichi ly huni pany hai nai keung ne.

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

AMTAW 5:41

Naibaly nichi ly tara chih nai keungchi theung i dengdairei tako iy, hini Amyn y amthang leaung ai nai pa-rei patang ai nai abawi ai ataing nai deaungkho y khri pa-rei kawn u.

I KORINTH 1:18

Ati mana nai mo nabaly kraws satang ly tama dudu naichi i vui pathu naira ne, na i py achi hengra nga dudu naichi i vui ly Tameuh i atiti sa thai naira ne lawh veng.

I KORINTH 1:23

na i py achi ly kraws tleaung y tahen nai Krista i satang thui pi nai he; huni ly Judachi i vui ly atlym naira ne i,

EPHESI 2:16

Naibaly kraws i saho y ly ado y naira ai padei vui nai deaungkho y, huni kraws i saho y tlang bomrei y nyhrei nai ai ly Tameuh hawi aly hai pajau teang ai.

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.

PHILIPI 1:6

Ati mana nai mo nabaly nangmychi i paleung theung y atiti kahawi sa amteaung hai nai keung ly Isu Krista i kani tym pa-rei sa angym hai jojo ai, nanai, kai ly huni kypkyp ly ym cheng cheng veng.

PHILIPI 3:20

Na i py achi i khuteng sa nai ly kani pri mang y ne; achi ly Paheng Keung, Areng Isu Krista ai ly hu i dengdairei satla ai nai ajeng jojo nai ne.

II TIMOTHEI 4:8

Vai ly kai i vui y hawi naira areng lukhym ly khai yb veng bo; huni ly Areng, tara chih nai keung kahawi my huni kani y ly ang pei ai; kai leaungrei khyh ny y i, mymy i amteng ai nai ngai nai ngiereichi teng y py pei ai.

HEBRAI 1:13

Na i py mymy ly, “Nang i paleung ka-echi ai ly nang i kheu amchym naira kaso y ryrei ly, Kai i lamtang mang y ateh,” nanai kani pri i amtaw thau naichi theung y ami i molam y thui vai mo?

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 10:14

Ati mana nai mo nabaly ni ly harei chy talam naira y my chai hai chum naichi ai deungtasa khrairei angym hai bo.

HEBRAI 10:33

lamrei y ly jo nai hawi patang nai deaungkho y nangchi ai khen kahawi ra ang palawn: lamrei y ly hunai kamta awm naichi hawi amkawm nai deaungkho y patang u bo.

HEBRAI 11:36

khumi takhrachi my py panui hai naira hawi chip naira patang:ne, huni ny y nai py kawm nai hawi theaung y paeung nai py avum u teang;

HEBRAI 12:3

Nangchi ly phailo mang y paha u y naimy akawm y ai nai ly, mymy i tlang tleaung y khumi kamngochi i huna tanrei aei akhikan naira patang nai keung ai ly dawn u cham.

HEBRAI 13:13

Hunaibaly achi ly mymy ai tahm khai y naira ai pho iy, avang yhm meaungteng y mymy teng y chei u sina.

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

HEBRAI 7:19

(Reita ly ati sai py angym hai y leang:) naibaly athang khai naira hawi kyh nai ai tym hai lawh nai ne, huni i saho y achi ly Tameuh teng y kasa jojo.

HEBRAI 8:1

Hunaibaly kaichi i leu thui naichi theung y aly len keh nai ly hini ne he: achi ly hunai kamta pathyp pi nai keung kalen keh;

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

JAKOB 2:1

Amjo amnauchi awi, achi i Areng Isu Krista, nang parai nai Areng ai ym nai tarawi y khumi ai patle u takhra reng moh.

I PETERA 1:11

mymychi theung y awm nai Krista i Phailo my ly Krista i patang ai nairachi hawi, huni bo y nang parai naira awm ai naichi satang ly ang pany hai rym nai thym khala y ly, mani neng y mo, mani ka-tawm neng mo ang pany hai, nanai nichi ly hau u reng.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.

JUDA 1:21

Phailo Kachai y chiu sa naimy deungtasarei hengra nga ai nai pa-rei achi i Areng Isu Krista i pahen naira ajeng nai tarawi y Tameuh i tamen naira y akry u.

AMTENG HAI NAI 1:11

“Nang i atiti niu nai ly cha-iu y tajiu iy, palau takhra kamkawm saryhrei, Ephesi avang hawi, Smurna avang hawi, Perkamon avang hawi, Thuatira avang hawi, Sardisa avang hawi, Philadelphia avang hawi, Leiodikeia avang teng y py pa,” nanai kathai.

AMTENG HAI NAI 1:17

Naibaly mymy ai kaniu khala y mymy i kheu keung y dei nai kamta ka-tlym mawp. Naibaly ni ly mymy i lamtang mang i kiu y kai ai nam iy,

AMTENG HAI NAI 1:8

Vai awm nai hawi, jangni i dengdairei awm nai hawi, vai momang y awm ai nai Atiti py Sa Thai Nai Keung Areng Tameuh my ly, “Alpha hawi Omeka kai ne,” napi.

AMTENG HAI NAI 2:8

“Naibaly Sumurna avang palau takhra kamkawm i kani pri i amtaw thau nai teng y hinai kamta tajiu: “Kangman keh nai hawi kangkhym keh nai, dei iy heng ali teang nai keung i leu thui nai ly hini ne he;