HEBRAI 11:8 - Khumi Common Language Bible

⁸ Ym naira deaungkho y Abraham ly, ni ai palau nai khala y ly amtym ai nai meingtym y chei ai nai leu tangai bo; naibaly mymy i chei ai naira pany y naimy theu bo.

HEBRAI 11:8 ပူးပေါင်းရင်းမြစ်များ

ATITI AWM ANGCHEI NAI 11:31

Terah ly chapo Abram, katu Lotachi hawi lengngo Saraichi ai hawi iy, Kanan pri y chei ai nai Babulon pri Ura mary i dengdairei amsa i, Haran mary y tym iy, huni mary y khuteng sa.

ATITI AWM ANGCHEI NAI 12:5

Abram ly aju Sarai ai py, amnau i chapo Lota ai py, nang nai yhmtheaung katuichi py, Haran y awm nai thym khala i nga nai miseaungchi py hawi iy, Kanan pri mang y tako u i tym u bo.

ATITI AWM ANGCHEI NAI 12:7

Areng ly Abram teng y amteng i, “Hini pri ly nang i kangpreangchi teng y kapei ai,” napi. Naibaly Abram ly mymy teng y amteng hai nai Areng i vui maicham sa bo.

ATITI AWM ANGCHEI NAI 15:5

Areng my Abram ai angam mang y theu hai i, “Kani mang y angdeang ly ka-sichi ai kati cham; nang i kangpreangchi ly hunai kamta nawi teang ai,” napi.

ATITI AWM ANGCHEI NAI 17:8

Vai, nang ly angvyn kamta awm nai hini pri bawibawichi ai nang hawi nang i kangpreangchi teng y kaimy pei ai. Kanan pri verei ly nang i kangpreangchi i vui deungtasarei pri lawm ai; kai py nichi i Tameuh lawm ai,” napi.

ATITI AWM ANGCHEI NAI 20:13

Hunai deaungkho y Tameuh ly kai ai ngaai i yhm dengdairei cheng takhrachi i pri mang y patheu nai khala kaimy ni teng y, ‘Khumi lutengchi teng y kai i ampro ne, nanai thui jojo baly kai i vui y ka-ym awm nai sai amteng hai nai ne kanapi,’ ” nanai pathang.

ATITI AWM ANGCHEI NAI 22:18

Nang ly kai i leu tangai nai saho y, nang i kangpreangchi ai amtheaung hai nai kamta, khaileaung pri y awm nai khumi cheng cheaungkhangchi my py, amtheaung naira nga ai nai kai teng y takeng u ai,” napi.

ATITI AWM ANGCHEI NAI 26:3

Vai hini pri y awm rai, kai ly nang hawi vanrei awm ai i, amtheaung hai ai. Kaimy nang hawi nang i kangpreangchi ai hini khu ka-peang bawibawi kang pei ai. Nang i ampo Abraham teng y kaimy adeu nai kamta sa pi ai.

ISAIA 41:2

Nisi pri mang i tavai eaung nai samrangai ami my hawi nai mo? Tym nai meingtym tleirei y ni ai ami my eaung ai nai pei mo? Ni ai samrang leilachi tleaung y py, khumi cheng cheaungkhangchi tleaung y py, ami my eaung ai nai pei nai mo? Ni i haisau ly paleung ka-echi ai spryh y ateng nai kamta ateng reng nai ne. Ni i thailihochi my py, huni khumichi ai ali my pakheang nai choh-ali kamta ahei hai reng nai ne.

ISAIA 51:2

Nangchi i amsi sangum Abraham hawi Sarah nini i satang dawn pany jo ba. Abraham ai kaimy palau nai thym khala y, ni ly cho chanau by y. Na i py kai ly ni ai cho chanau amtheaung hai iy, ni i kangpreangchi peung hai nai ne.

Ezekiela 36:24

Kai ly nangchi ai pri tlei tleirei i nai pangym achu iy, nangmychi i saleaung khutengra y pahawi ali teang ai.

Kati Nai 10:30

Hobab my, “Kai ly abang y leang bo, kaimy i saleaung y kavawi ali teang ai bo,” nanai pathang.

MATTHAI 2:21

Hunaibaly mymy ly angthau i deaungdicho hawi amhm ai py hawi iy, Israela pri y kun bo.

ROM AVANGCHI TENG Y PAWLA I CHA PA NAI 1:5

mymy i amyn deaungkho y cheng cheaungkhang theung i khumichi ai ly ym naira patawm hai ai nai, kaichi ly mymy deaungkho y pahenra hawi amtaw thau nai keung lawn ai naira py nga bo;

ROM AVANGCHI TENG Y PAWLA I CHA PA NAI 10:16

Na i py nichi bawibawi ly Satang Kahawi ym bawi y leang. Ati mana nai mo nabaly Isaia my ly, “Areng awi, kaichi i leu thui nai ly ami ym mo?” napi lawh.

ROM AVANGCHI TENG Y PAWLA I CHA PA NAI 6:17

Na i py nangchi ly kamngo miseaung ne teu iy py, ang au nai patiu nai reita teng y ly paleung y tangai u bo;

II KORINTH 10:5

aei nairachi hawi Tameuh ai pany naira paka ai nai tahm asang parai nairachi ai py aphrei iy, dawn naira cheaungkhang ai ly Krista i leu tangai nai miseaung y hawi nai ne;

Leu Thui Nai 9:5

Nangchi i hawi nai saichi deaungkho y Areng my huni pri nangchi teng y ang pei nai ny y leang. Huni khumichi i kamngo nai molam py, nangchi i amsi pajo Abraham, Isaka, Jakobchi teng y adeu nai leu khaw hai ai nai aly ngai nai molam py, Areng ly nichi ai patheu pawn ai.

HEBRAI 11:33

ym naira deaungkho y nichi ly peang naira takhra takhra ai py pajau iy nga u, atiti kahawi py sa, leu adeu nairachi py nga, khrangsi takai i labeaung py pakhym hai,

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

JOSUA 24:3

Kai ly nangchi i amsi pajo Abraham ai Euphrat tavo vai mang y awm nai meingtym i dengdairei kapalau iy, Kanan pri meingtym tleirei y kapahawi i, ni i kangpreangchi ai peung hai bo. Ni ai chapo Isaka thawn hai bo.

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 3:1

Hunai kamta ly nangchi ajuchi awi, amy i juvochi i ngaingai awm u; hunaibaly nichi theung y ami py leu tangai y teu i py, nangchi i tahm khai nai sai hawi amhi amtlau nai sa kahawi py khen nai,

I PETERA 4:17

Tara chih ai nai ly Tameuh i dengtheungchi theung y amteaung ai neng veng bo; naibaly achi teng y malawn py amteaung man baly, Tameuh i Satang Kahawi patawm y naichi i tem naira ly mana tanrei awm ai mo?