HEBRAI 11:6 - Khumi Common Language Bible

⁶ Na i py ym naira ny y baly mymy ai kawn pajau ai nai ly aveng. Ati mana nai mo nabaly Tameuh teng y ahihawi nai khumi ly Tameuh ly awm, nanai hawi, mymy ai hau nai keungchi teng y kawn nai vang pei nai keung ne, nanai py ym ai nai tla.

HEBRAI 11:6 ပူးပေါင်းရင်းမြစ်များ

ATITI AWM ANGCHEI NAI 15:1

Huni bo y, Areng ly Abram teng y paleung mei y niu hai nai ly “Abram jei moh; Kai ly nang ai ka-jeira i nai ama hai iy, nang ai len parai nai kawn vang kang pei ai,” napi.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

JOBA 21:14

Khumi hawi y naichi my Tameuh teng y, mychi my tlairei awm ai nai hnei u. Mychi ai mymy ly mana heng ai nai ngai hai mo, nanai pany ai nai ngai u y.

SAM 106:24

Hunaibaly nichi ly apu parai nai pri y kun ai nai akhi u lawh; ati mana nai mo nabaly nichi ly Tameuh i adeu nai leu ai ym u y nai deaungkho y ne.

SAM 119:10

Kai ly paleung hawi verei, nang i miseaung lawm ai nai atho sa ai; kai ly nang i reita leu pei naichira i nai amphri vui moh sy.

SAM 58:11

Khumichi my, “Khumi kahawichi ly meitang khyp, kawn vang nga u bo; khaileaung pri ai tara chih nai keung Tameuh ly awm khypkhyp nai ne,” nanai thui u ai.

SAM 73:28

Na i py kai i vui ly Tameuh i sahawi y awm ai nga nai, salo kangteng Areng teng y abyh ai nga nai hawi, mymy i sa nai rengrang nai saichi ai, amthang hai ai nga nai ly khri pa-rei hawi parai na ly!

SAM 78:22

Mymy atleu ai nai py ym u y; kado theu tleaung theura bo.

SAM 78:32

Huna naichi avum u teu i py, khumichi ly kamngo sa u veangveang nai ne; mymy ly rengrang ka-ma-rachi patei pi teu i py, nichi ly mymy ai ym u y.

LEU KACHENG 11:18

Khumi hawi y naichi ly meitang khyp, ati sai py hawi naira avum ai ny y; na i py kateng sa reng nai khumichi ly meitang khyp, kawn vang nga u ai.

LEU KACHENG 8:17

Kai ai tamen nai khumi ai, kai py tamen; ami py ne sy, kai ai hau baly avum pajau.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

ISAIA 7:9

Israela pri i atho ly Samari mary ne iy, Samari mary i atho py samrang Pekah ne. Nangchi ly Tameuh ai hawihai palai ym y lawh baly, mana khala py angdo u pajau ai ny y,” napi.

JEREMIA 2:31

Israela mipuichi awi, nangchi ly kai i thui nai leu tangai u. Kai ly nangchi i vui daichi ka-vym kamta py, kaveng my khiu nai pri kamta py lawm veng bo a? Ti y lawh baly nangchi ly ati mana nai y nangmychi ngai ngai sa naimy, kai teng y mana khala py ali teang y leang bo, nanai thui u lawh mo?

Kati Nai 14:11

Areng my Mosi teng y, “Hini khumichi ly mana tanrei kai ai tahm khai y naimy awm u ai mo? Kai ly nichi i mei ka-niu y rengrang tlai naichi sa pi i py, kai ai ym ai nai mana tanrei akhi u jojo ai mo?

Kati Nai 20:12

Na i py Areng my Mosi hawi Aron teng y, “Nangni ly Israela chengchi i mo y, kai i sa thai naira ai ym naira di hawi lawh i, leu adeu nai pri y tym pa-rei nichi ai pahawi ai nai ngo y ai, nanai kang thui pi yb bo,” napi.

MATTHAI 11:26

Ne, Ngaai awi! Hunai kamta sa ai nai nang ly hawi, nanai pany.

MATTHAI 5:12

Kawn u ly, khri pa-rei amo theu u; kani pri mang y nangchi i kawn nai vang ka-teng ny y nai awm; hunai kamta khyp teang nangchi by y rai khala y amochi ai py ana teang ly.

MATTHAI 6:16

“Naibaly nangchi ly biu hai nai neng khala y py tapawp nai khumichi i kamta meimai takhui sui nai awm u moh; nichi ly khumichi i mei ka-niu y biu hai nai amny thai ai nai mymychi i meimai aneaung hai run lawh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

MATTHAI 6:5

“Naibaly nangchi ly chiu sa khala y tapawp naichi i kamta sa ai nai tlo y: nichi ly khumichi my niu thai ai nai achura yhm y hawi lam kangpreira y py angdo nai tarawi y chiu sa ai nai ngai parai lawh. Meitang khyp kang thui pi, nichi ly mychi i kawn nai vang nga be veng bo.

MARKA 16:17

Naibaly hini ka-ma-rachi ly ym naichi ai hui jojo ai: nichi ly kaimy i amyn y vawinamchi ai patheu ai i, leu kangtha y katheu ai; pavuichi ai py kiu y my la u ai;

LUKA 12:31

Mymy i peang nai phai hau u, naibaly hunichi py ang pei panawi bi ai mang.

LUKA 6:35

Na i py nangchi i paleung ka-echi ai tamen u ly, nichi i vui kahawi so u ly, dawn amcheng y naimy alai ai nai pei u; hunaibaly nangchi i kawn nai vang ly nawi ai i, Salo Kangteng i chanau lawn u ai; ni ly kawn ai naira pany y naichi ai hawi, khumi kamngochi ai py paheng nai keung ne.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 8:24

Hunai deaungkho y chy bo, ‘Nangchi i kamngo awm jo naimy dei u ai,’ kang napi nai ly; huni ly kai ne, nanai nangchi ym y baly, nangchi i kamngo awm jo naimy dei u thle thle ai,” napi.

ROM AVANGCHI TENG Y PAWLA I CHA PA NAI 10:14

Hunaibaly nichi ly mychi i ym y nai keung ai ly mana palau u ai mo? Mymy i satang thai y naichi ly mymy ai mana ym u ai mo? Naibaly leu thui pi nai keung by y naimy mana thai u ai mo?

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

HEBRAI 11:26

naibaly ni ly kawn nai vang nga ai nai angdeang lawh veng nai deaungkho y Krista ai tahm khai y naira ai ly Aikupta pri i yhmtheaung tleaung y ly yhmtheaung nang keh nai palawn lawh.

HEBRAI 3:12

Amjo amnauchi awi, amkym u, ti y baly Tameuh kangheng ai ly hi vui ai nai nangchi theung y ami py ym y nai paleung kamngo awm lawh na:

HEBRAI 4:2

Nichi teng y thui pi nai kamta ly achi teng y py satang kahawi thui pi nai ne khyp bo: na i py nichi ly tangai nai keung tatangchi hawi ym naira y amtawm y nai deaungkho y, nichi i thai nai leu ly nichi ai chawn hai y leang.

HEBRAI 4:6

Hunaibaly phyreichi ly huni meingtym y kun ai nai nga nai deaungkho y hawi, jangni i satang kahawi thui pi nai nga nai keungchi ly leu tangai u y nai deaungkho y kun u y vui nai py,

HEBRAI 7:19

(Reita ly ati sai py angym hai y leang:) naibaly athang khai naira hawi kyh nai ai tym hai lawh nai ne, huni i saho y achi ly Tameuh teng y kasa jojo.

HEBRAI 7:25

Hunaibaly mymychi ai chiu sa pi ai nai mymy ly deungtasarei heng jojo nai deaungkho y mymy i saho y Tameuh teng y jeu naichi ai ly angym pa-rei ang paheng pajau.

II PETERA 1:10

Hunai deeaungkho y amjo amnauchi awi, ang palau nai hawi ang vawi takhra nai ly khaw hai ai nai atho angjeng nai tleaung y angjeng ra nai pathau u; nangchi ly huni atitichi sa baly mana khala y py atlym u y ai:

II PETERA 1:5

Ne, huni deaungkho y khypkhyp nangchi ly ajeng u ryry iy, nangchi i ym naira y ly hawi naira abawi u ly, naibaly hawi naira y ly pany naira abawi u ly,

II PETERA 3:14

Hunai deaungkho y ngai parai naichi awi, nangchi ly hunai kamta atitichi ai ly athang khai nai deaungkho y anyng akau y nai hawi cheh ai naira by y naimy, awmnem nai ang niu thai ai nai atho angjeng u.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

RUTHI 2:12

Areng ly huna nai molam y nang ai kawn nai vang pei sy; nang i abyh nai Israela chengchi i Areng Tameuh ly nang ai amtheaung naira angym pa-rei pei na sy!” napi.