HEBRAI 11:38 - Khumi Common Language Bible

³⁸ nichi ly daichi ka-vym y hawi, mawi y hawi, angawm y hawi, tapiu y py aleaung ryry lawh; khaileaung pri ly nichi ai ataing y leang.

HEBRAI 11:38 ပူးပေါင်းရင်းမြစ်များ

1 ARENG KEH 17:3

“Hini mary i nai theu iy nisi mang y chei ly Jordan tavo nisi ngan mang y awm nai Kherit micheaung sahawi y aheu ba.

1 ARENG KEH 18:13

Areng i amochi ai Jezebeli my padei nai thym khala y, kai ly amo leaung chungvaireichi ai kamkawm nyhrei sa iy, kamkawm ha harei y leaung vui pangrei, tapiu theung y kaimy heu vui iy teichachi hawi tui pei pi nai ly nang thai y nai sai a?

1 ARENG KEH 18:4

Areng i amochi ai padei nai thym khala y, Obadia ly amo leaung chungvaireichi ai kamkawm nyhrei sa i, kamkawm harei y leaung vui pangrei, tapiuchira y heu iy teicha teinei hawi tui py pei pi nai ne.)

1 ARENG KEH 19:9

Ni ly huni mawi y tym nai khala, tapiu theung y kun iy i nai ne. Hunaibaly Areng my ni teng y, “Elija awi, nang ly hini meingtym y ati sa nai mo?” nanai deng.

ISAIA 57:1

Khumi kahawichi ly dei u nai ne. Huni khumichi hunai kamta dei nai ly ami py pany u thai y. Ati sai py dawndan u y. Na i py nichi ly dei nai khala y, patang naira by y nai meingtym y tym u nai ne.

JEREMIA 41:9

Ismaela my padei nai khumichi i veu aphi nai tuikan ly len parai; huni tuikan ly Israela samrang Baasa my tiu nai khala, abyh ai nai samrang Asa i tai nai tuikan pui ne. Ismaela ly my i padei nai khumichi i veu hawi huni tuikan kawi hai bo.

TARA CHIH NAI KEUNGCHI 6:2

Midian chengchi ly Israela chengchi tleaung y atho awm nai deaungkho y, Israela chengchi ly tapiu theung y py, takhra abyhra mawichi mang py aheu u bo.

1 SAMUELA 22:1

Davida ly kath mary i nai preang i, Adulam mary sahawi y awm nai tapiura y chei bo. Huni satang ai my i amjochi hawi takhra amjo amnauchi pany u nai khala y, jeu iy ni hawi vanrei awm u.

1 SAMUELA 23:15

Davida ly mymy ai Sawla my padei ai nai hau, nanai pany. Davida ly Zipha daichi ka-vymra awm nai Horesh meingtym y awm.

1 SAMUELA 23:19

Zipha mary i khumi phyreichi ly Sawla awm nai Kibeah mary y chei i ni teng y, “Davida ly kaichi i khu ka-peang theung i daichi ka-vym tokalawi ngan, Hakhila mawi saleung y awm nai Horesh meingtym y aheu nai ne.

1 SAMUELA 23:23

Ni i aheu nai meingtym hawihai palai khen u patyp ly kai teng y satang thai hai praw; naibaly kai py nangchi hawi vanrei chei iy hau ai. Davida ly Juda pri y awm rai baly, kai ly Juda pri verei y kahau ai i, kapatiu ai,” napi.

1 SAMUELA 26:1

Zipha mary i khumi phyreichi ly Sawla awm nai Kibeah mary y chei u i, Davida ly daichi ka-vym kachawn mang i Hakhila mawi saleung y aheu, nanai thui pi u.